রসিয়ান ফেদেরেসন্না শীনবা ভিক্তোরি দেগী ৭৫সুবা নিংশিং থৌরম শরক য়ানবা রক্ষা মন্ত্রী শ্রী রাজনাথ সিংহনা লুচিংবা দিফেন্স সেক্রেতরি অমসুং অতোপ্পা সেনিয়র ওফিসিএলশিং য়াওবা মীহুৎ কাংবু অমা মোস্কোদা লৈরি অমসুং মখোয়না সংহাই কোওপরেসন ওর্গনাইজেসন(এস সি ও), কল্লেক্তিব সেকুরিতি ত্রিতি ওর্গনাইজেসন(সি এস তি ও) অমসুং কম্মনৱেল্থ ওফ ইন্দিপেন্দেন্ত স্তেৎস(সি আই এস) লৈবাকশিংগী রক্ষা মন্ত্রীশিংগা উনগনি।

ঙসি রক্ষা মন্ত্রীনা রসিয়াগী রক্ষা মন্ত্রী জেনেরেল সেরগৈ সোইগুগা পুং ১ ৱারি শানখি। মীফম অদুদা ভারত অমসুং রসিয়াগী মরক্তা লৈনরিবা মিলিতরি তেক্নিকেলগী মতেং পাংনবা অমসুং মিলিতরি মশেল মতেং পাংনবগী মতাংদা অখন্নবা অমসুং মরপ-মপাং ওইবা মরীগী শক্তম উবা ফংখি।

২০২০গী জুন ২৪দা রেদ ইসক্বারদা পাংথোকখিবা ৭৫সুবা ভিক্তোরি দে পেরেদতা শরক য়াখিবা অমসুং এস.সি.ও, সি.আই.এস অমসুং সি.এস.তি.ও লৈবাকশিংগী অপুনবা মীফমদা শরক য়াবগীদমক রক্ষা মন্ত্রী জেনেরেল সেরগৈ সোইগুনা রক্ষা মন্ত্রী শ্রী রাজনাথ সিংহ থাগৎখি। মহাক্না রক্ষা মন্ত্রী রাজনাথ সিংহগা উনবা অসি লৈবাক অদুদা লাকখিবা রক্ষা মন্ত্রীশিংগা উনবগী অহানবনি।

মীফম অদুদা লৈবাক অসিগী মরক্তা মতেং পাংন্নবা হিরমশিংগী মতাংদা খন্নখি। মসিগী মীফম অসি হৌজিক স্ত্রাইতস ওফ মালাকাদা ভারত অমসুং রসিয়াগী নেভিশিংগী মরক্তা পাংথোক্লিবা নুমিৎ নিনিগী ইন্দ্রা নেভেল এক্সরসাইজ মনুংদনি। ভারত মহাসাগর লমদমদা সমুদ্রগী শরক ঙাকশেন্নবা লৈবাক অনিনা পাম্লিবা অদু হায়রিবা লান তম্বা অসিনা ময়েক শেংনা উৎলে হায়না রক্ষা মন্ত্রী শ্রী রাজনাথ সিংহনা ফোংদোকখি।শান্তি অমসুং ঙাকশেনগী হিরমশিংদা লমদম অসিগী অমসুং মালেমগী ওইনা শিংনরকপশিং পুন্না থেংন্নবা লৈবাক অনিগী মরক্তা লৈরিবা অচেৎপা থাজনবশিং মীফম অদুদা মমি তাখি।

ভারতকী ঙাকশেনগী দরকার ওইবশিং মতেং পাংবগীদমক রক্ষা মন্ত্রী শ্রী রাজনাথ সিংহনা থাগৎপা ফোঙদোকখি অমসুং অকক্নবা খুৎলায় খর লৈনবা হোৎনবদা রসিয়ানা মতম চানা মতেং পাংলকপদা থাগৎখি। মতম চানা খুৎলায়শিং ফংহন্নবা নাকল অনিনা মখা তানা লেপ্তনা পাউ ফাউনগনি।

প্রধান মন্ত্রী নরেন্দ্র মোদীগী অত্মানির্ভর ভারত পান্দমগী মখাদা পায়খৎলিবা ‘মেক-ইন-ইন্দিয়া’ দিফেন্স প্রোগ্রামগী মতাংদা রক্ষা মন্ত্রী শ্রী রাজনাথ সিংহনা জেনেরেল সোইগুদা পাউদমখি। লান্মীগী খ্বাইদগী ফবা খুৎলায়শিংগী মনুংদা অমা ওইরিবা একে-২০৩ রাইফলশিং পুথোক্নবা ভারত-রসিয়াগী অপুনবা থৌরাং অমা ভারত্তা  পায়খৎলিবা থবকশিং নাকল অনিনা তরাম্না ওকখি। মসিনা ‘মেক-ইন-ইন্দিয়া’ দিফেন্স প্রোগ্রামদা রসিয়াগী দিফেন্স ইন্দস্ত্রিশিং মখা তানা থবক তৌনবগী খুদোংচাবশিং পীরগনি। ‘মেক-ইন-ইন্দিয়া’ দিফেন্স প্রোগ্রাম মাইপাক্নবা ঐখোয়গী দিফেন্স মিনিস্ত্রিদা রসিয়ানা মতেং পাংগনি হায়না জেনেরল সোইগুনা থাজবা পীখি অমসুং মথং চহিগী ফেবুৱারিদা পাংথোক্কদবা এরো ইন্দিয়া একজিবিসন্দা শরক য়াগনি হায়খি।

চহি অসিগী অরোইবা শরক্তা পাংথোক্নবা থৌরাং তৌরিবা তেক্নিকেল অমসুং মিলিতরগী মতেং পাংন্নবা ইন্তর-গভর্নমেন্তেল কমিসন্দা শরক য়ানবা ভারত্তা লাক্নবা রক্ষা মন্ত্রী শ্রী রাজনাথ সিংহনা জেনেরেল সোইগুদা চেবাউ পীখি।

*****