কোবিদ-১৯ লায়চৎনা মরম ওইদুনা থোরকপা ফীভমদা মতেং পাংনবা ভারত সরকারনা ইং কুমজা ২০২০গী মেদা আত্মা নির্ভর ভারত পেকেজ (এ.এন.বি.পি.)গী মখাদা লৈবাক পুম্বগী মাইগ্রেন্ত ৱার্করশিংগী মতেং পাংনবা শেন-থুম ফগৎহন্নবা খোঙথাং কয়ামরুম লাউথোকখ্রে।

মসিগা মরী লৈননা মাইগ্রেন্ত/পন্দুনা লৈরিবা মাইগ্রেন্ত মশিং য়াম্না মতেং পাংনবা হোৎনবগা লোয়ননা লৈবাক পুম্বদা লৈরিবা রাজ্যগী পি.দি.এস স্কিম অমত্তগী মখাদা লৈতবা নত্রগা নফসাগী মখাদা কোন্দবা মীওই পুম্নমক্তা, মতুংদা ‘তার্গেৎ গ্রুপ’ হায়না খঙনগদবা অসিদা  খুদোংথিবা নংলিঙৈ চৈরক অসিদা মখোয়গী মথৌ তাবা চান্নবা চেং-হৱায়শিং ফংহন্নবা ফুদ অমসুং পব্লিক দিস্ত্রিব্যুসন বিভাগনা মে ১৫, ২০২০দা মাইগ্রেন্ত/পন্দুনা লৈরিবা মাইগ্রেন্ত মীওই পুম্নমক্তা থা অমগী মীওই অমদা কে.জি. ৫ থা অনিগী হায়বদি ইং কুমজা ২০২০গী মে অমসুং জুন থাগী ওইনা এল.এম.তি. ৪-৮ লেম্না য়েন্থোক্নবা “আত্মা নির্ভর ভারত স্কিম (এ.এন.বি.এস.)”গী মখাদা রাজ্য/য়ু.তি. পুম্নক্তা য়ৌহন্নবা অপুনবা চেং-হৱায়গী এল.এম.তি. ৮ চপ মান্ননা এল্লোকেৎ তৌখি। মসি গ্রাউন্দা লৈরিবা ‘তার্গেৎ গ্রুপ’কী মশিংগী মতুং ইন্না লৌখৎখি অমসুং মসিগী এসেসমেন্ত অসি মে থাগী অরোইবদা য়েন্থথোকপগী থবক চত্থরিঙৈদা রাজ্যশিং/য়ু.তি.শিংনা খুদক্তা লৌখৎখিবনি।

স্কিম অসি ফংফম থোকপা মীওই অমত্তা চিথদনবা মওংদা হোংদোক-হোংজিন য়াবা মওংদা শেমখি অমসুং মসিগী মতুং ইন্না ইলিজিবল মাইগ্রেন্তশিং/পান্দুনা লৈরিবা মাইগ্রেন্তশিং অমসুং অতোপ্পা লায়রবা মীওইশিং খঙদোক্নবা থৌদাংশিং লৌখি মখা তারকপা ওইনা স্কিম অসিগী মখাদা মখোয়দা য়েন্থোক্কদবা চেং-হৱায়শিং অদু রাজ্য/য়ু.তি. সরকারশিংদা পীথখি অমদি কেন্দ্র/রাজ্যগী স্কিমগী রসন কার্দ অমত্তা পাইদবা মীওই নত্রগা খুদোংথিবা অসিনা মরম ওইরগা চেং-হৱায়শিং ফংদবা মীওইশিং খঙদোক্নবা রাজ্য/য়ু.তি. পুম্নমক্তা মখোয় মশাগী ওইবা গাইদলাইনশিং অমসুং এস.ও.পি.শিং জিলাশিং/ফিল্দগী থাক্তা লৈরিবা মথৌ তৌরিবশিংদা ইসু তৌনবগী হকশিং পীখি।

মসিগী মতুং ইন্না, রাজ্য/য়ু.তি. পুম্নমক্কী ফুদ বিভাগনা কান্না হোৎনখি অমসুং মখোয় কয়ানা লেবর বিভাগ, দিস্ত্রিক্ত এদমিনিস্ত্রেসনশিং, সিবিল সোসাইতীশিং, ইন্দস্ত্রিএল এসোসিএসনশিং, এন.জি.ও.শিং অমসুং অতোপ্পা য়াইফ থৌরাংগী লুপশিংগা লোয়ননা চুংশিন্নদুনা মখোয়গী রাজ্য/য়ু.তি.দা, লেবর কেম্পশিংদা, কন্সত্রক্সন চত্থরিবা মফমশিং, ত্রাঞ্জিৎতা, ক্বারেন্তিন সেন্তরশিং, শেল্তর হোমশিংদা লৈরিবা মীওইশিং অসিনচিংবা মীওইশিং অসি মশিং খ্বাইদগী য়াম্না খঙদোক্নবা হোৎনরি। অমরোমদা মশক খঙদোকপা অমদি চেং-হৱায়শিং য়েন্থোকপগী থবক লেপ্তনা চত্থরিঙৈ অসিদা রাজ্য/য়ু.তি. কয়ানা অয়াম্বা মাইগ্রেন্ত মীওইশিংনা মখোয় মশাগী রাজ্যশিং/য়ু.তি.শিংদা হনখ্রে অমসুং মখোয় মশাগী রাজ্য/য়ু.তি.দা মখোয়গী রসন কার্দশিং পায়রম্বা য়াই অমদি মখোয় অসি নফসা অমসুং পি.এম.জি.কে.এ.ৱাই.গী চেং-হৱাণশিং ফংলম্বা য়াই হায়না পাউদমলকখ্রে। অসুম্না রাজ্যশিং/য়ু.তি.শিংনা পুন্না আত্মা নির্ভর ভারত স্কিম (এ.এন.বি.এস.)কী মখাদা লেম্না চেং-হৱায়শিং য়েন্থোকপা অসিদগী কান্নবা ফংলম্বা য়াবা মীওইশিং অসিগী অপুনবা মীশিং অসি কোতি ২.৮রোম ওইরম্বা য়াই হায়না তাকখি।

রাজ্য/য়ু.তি.শিংগী ‘তার্গেৎ গ্রুপ’ মশিংগী এসেসমেন্ত তৌবা মতমদা চাউনা চেকশিন থৌরাং লৌখৎপা ওইনা এফ.সি.আই.দগী ফংবা রিপোর্তশিংগী মতুং ইন্না মখোয়না জুন, ২০২০গী অরোইবা ফাওবদা পুন্না চেং- হৱা্য এল.এম.তি. ৬.৩৮ চিংখি। অদুম ওইনমক এসেসমেন্তকী মতুংদা থাগী ওইনা চাউরাক্না বেনিফিসরী কোতি ২.৮দা য়েন্থোক্নবা এল.এম.তি. ২.৮মুক মথৌ তাবা থেংনখি। মসিগী ফল ওইনা কেন্দ্র সরকারনা মখোয়গী মথৌ তাবাশিং পীথরকপা অদু রাজ্য সরকার অমত্তনা অৱাৎপা থেংনখিদে।  

অমুকসু মান্নবা মীৎয়েং অমসুং মীওইবগী মীনুংশি য়েংলগা, রাজ্য/য়ু.তি. খরনা হায়জরকপগী মতুং ইন্না বিভাগ অসিনা এ.এন.বি.এস.কী বেলিদিতী শাংদোকখ্রে হায়বদি রাজ্য/য়ুতি.শিংনা হান্ননা চিংখ্রবা চেং-হৱায় য়েন্থোকপগী মতম অসি ২০২০গী ওগস্ত ৩১ ফাওবা ওইরগনি হায়বনি।

রাজ্য/য়ু.তি.শিংদগী ফংবা রিপোর্তশিংগী মতুং ইন্না মে ২০২০দনা মীওই কোতি ২.৩৫গী মথক্তা, ২০২০ জুনদনা মীওই কোতি ২.৪৮গী মথক্তা, ২০২০ জুলাইদনা মীওই কোতি ৩১.৪৩দা অমসুং মাইগ্রেন্ত মীওই লাখ ১৬ ময়া নক্না ওগস্ত ২০২০দা (চাউরাক্না মথংশিৎনা মে অমসুং জুন থাগী চাংচত্তা থাদা মীওই কোতি ২.৬৫তা) এল.এম.তি. ২.৬৫রোমগী অপুনবা চেং-হৱায়শিং স্কিম অসিগী মখাদা ৩১.০৮.২০২০ ফাওবদা মাই পাক্না য়েন্থোকখি। মরম অদুনা খনগৎলবা অমসুং ফংফম থোকপা ‘তার্গেৎ গ্রুপ’ পুম্নমক্তা ফংহল্লদুনা স্কিম অসি রাজ্য/য়ু.তি.শিংনা পীখৎলকপা মাইগ্রেন্ত/পন্দুনা লৈরিবা মাইগ্রেন্ত অপুনবা মীশিং কোতি ২.৮কী ৯৫% মুক মাই পাক্না মতেং পাংখ্রে। 

রাজ্য/য়ু.তি. ১৭না মখোয়গী এসেসমেন্তকা মরী লৈননা চেং-হৱায় ৮০% নত্রগা মসিগী মথক্তা য়েন্থোকপা ঙমখি। রাজ্য/য়ু.তি.শিং অদুদি অন্দমান অমসুং নিকোবার ইথৎশিং, বিহার, চন্দিগর, হরিয়ানা, হিমাচল প্রদেশ, জম্মু অমসুং কাশ্মির, মধ্য প্রদেশ, মহারাস্ত্র, মেঘালয়, মিজোরাম, নাগালেন্দ, পুদুচেরী, রজস্থান, সিক্কিম, উত্তর প্রদেশ, উত্তরাখন্দ অমসুং ৱেস্ত বেঙ্গলনি।

*****