কেন্দ্রগী ফুদ প্রোসেসিং ইন্দস্ত্রীসকী মন্ত্রী শ্রমতি হর্সিম্রৎ কোর বাদলনা হায়খি মদুদি অনৌবা ইন্তিগ্রেতেদ কোল্দ চেন প্রোজেক্তশিং অসিনা লৌমী ১৬,২০০দা হকথেংননা অমসুং নাকোয়ননা থবক ফংহল্লবা য়াই অমসুং লৌমী ২,৫৭,৯০৪দা কান্নবা ফংহল্লবা য়াই। প্রোজেক্ত ২৭ অসি প্রধান মন্ত্রী কিসান সম্পদয় য়োজনাগী ইন্তিগ্রেতেদ কোল্দ চেন অমসুং ভল্যু এদিসন ইনফ্রাস্ত্রকচরগী স্কিমগী মখাদা পাঙথোকপা ইন্তর-মিনিস্ত্রিএল এপ্রোবেল কম্মিতি (আই.এম.এ.সি.)না অয়াবা পীখ্রে।  মীফম অসি ভিদিও কনফরেন্সিংগী খুত্থাংদা শ্রীমতি হর্সিম্রৎ কোর বাদলনা ময়াই তাংবল লৌখি।

অন্ধ্র প্রদেশ (৭), বিহার (১), গুজরাত (২), হরিয়ানা (৪), কর্নাতকা (৩), কেরেলা (১), এম.পি. (১), পঞ্জাব (১), রাজস্থান (২), তামিল নাদু (৪) অমসুং উত্তর প্রদেশ (১)গী রাজ্যশিংদা প্রোজেক্তশিং অসি অয়াবা পীখ্রে। মোর্দন, ইন্নোবেতিব ইনফ্রাস্ত্রকচর শেমগৎনবা অমসুং লৈবাক শিনবা থুংনা ফুদ প্রোসেসিং সেক্তরগী কান্নগদবা কোল্দ চেন ফেসিলিতীশিং লৈহন্নবা অনৌবা ইন্তিগ্রেতেদ কোল্দ চেন প্রোজেক্ত ২৭ অসিনা পুন্না লুপা কোতি ৭৪৩গী ইনবেসমেন্ত হেনগৎহল্লগনি। লুপা কোতি ২০৮কী গ্রান্ত-ইন-এদকা লোয়ননা প্রোজেক্তশিং অসিনা ভারতকী ফুদ সপ্লাই চেনগী কান্নবা অমসুং সস্তেনেবিলিতী হেনগৎহনবদা কান্নবা ওইরগনি।

শ্রীমতি বাদলনা মখা তারদুনা হায়খি ইনফ্রাস্ত্রকচর মরাং কায়না লৈহন্দুনা পত্থ-পুমথগনবা পোৎলম  মাংহন্দবা অসিনা লৌমীশিংগী ইনকমশিং হেনগৎহনবদা মতেং পাংবা খক নত্তনা মসিনা ভারতবু উহে অমসুং মনা-মশিংগী সেক্তরদা আত্মানির্ভর/মীপাল তাংদবা ওইহনবদা খোঙ মচা অমা ওইরগনি। ইন্তিগ্রেতেদ কোল্দ চেন প্রোজেক্তশিং অসিনা ফুদ প্রোসেসিং ইনফ্রাস্ত্রকচর চাউখৎহনবদা অচৌবা মতেং অমা ওইবতা নত্তনা মসিনা লৌউ-শিংউগী ওইবা সপ্লাই চেন শেমগৎপদা, খুঙ্গংগী মফমশিংদা হকথেংননা অমসুং নাকোয়ননা থবক ফংহন্নবগী খুদোংচাবশিং ফংহনবদা, লৌমীশিং, এন্দ-য়ুজরশিংদা মমল মতিক চানা ফংহনবদা মতেং পাংগনি অমসুং মরী লৈনবা সেক্তরশিংদা কান্নহল্লগনি। মহাক্না মখা তারদুনা হায়খি কান্নবশিং অসি লৌমীশিংগী শেন-থুমগী ফীভম ফগৎহনবদা মরু ওই।

লৈবাক শিনবা থুংনা শেলগী তেংবাং পীনবা কোল্দ চেন প্রোজেক্ত ৮৫ লৌখৎলগনি। প্রধান মন্ত্রী কিসান সম্পদয় য়োজনাগী ইন্তিগ্রেতেদ কোল্দ চেন অমসুং ভল্যু এদিসন ইনফ্রাস্ত্রকচরগী স্কিমগী খু্ত্থাংদা সপ্লাই চেন্দা লৈরিবা অহোবশিং লৈহন্দনবা অমদি মালেমগী থাক্কী কোল্দ চেব ইনফ্রাস্ত্রকচর শেমগৎনবা সরকারনা হোৎনরিবশিং অসিদা মতেং অমা ওইরগনি।

ইন্তিগ্রেতেদ কোল্দ চেন প্রোজেক্তশিং অসিনা ফুদ প্রোসেসিং ইনফ্রাস্ত্রকচর চাউখৎহনবদা অচৌবা মতেং অমা ওইবতা নত্তনা মসিনা লৌউ-শিংউগী ওইবা সপ্লাই চেন শেমগৎপদা, খুঙ্গংগী মফমশিংদা হকথেংননা অমসুং নাকোয়ননা থবক ফংহন্নবগী খুদোংচাবশিং ফংহনবদা,লৌমীশিং, এন্দ-য়ুজরশিংদা মমল মতিক চানা ফংহনবদা মতেং পাংগনি অমসুং মরী লৈনবা সেক্তরশিংদা কান্নহল্লগনি। মহাক্না মখা তারদুনা হায়খি কান্নবশিং অসি লৌমীশিংগী শেন-থুমগী ফীভম ফগৎহনবদা মরু ওই।

ফুদ প্রোসেসিং ইন্দ্স্ত্রীজগী মন্ত্রালয়না প্রদক্সনদগী কঞ্জম্পসনগী মফমশিং/সেন্তরশিংদা পত্থ-পুমথগনবা পোৎলমশিং অপনবা লৈতনা থাদোক থাজিন তৌনবা অকনবা কোল্দ চেন গ্রিদ অমসুং ইনফ্রাস্ত্রকচরগী অপুনবা অমসুং লেপ্পা লৈতবা নেতৱার্ক অমা লিংখৎনবা কন্না হোৎনরি। মসিনা উহৈ অমসুং মনা-মশিং, দাইরী প্রদক্তশিং, শা, সমুদ্রগী ঙা অমসুং য়েন-ঙানু, চাবা অদুমক য়ারবা প্রদক্তশিং অসিগুম্বা পত্থ-পুমথগনবা পোৎলম অসি হকচাংদা শোক্তনবা, ক্বালিতী লৈনবা অমসুং মশিং য়াম্না থম্বা য়াহল্লগনি।

ইন্তিগ্রেতেদ কোল্দ চেন অমসুং ভেল্যু এদিসন ইনফ্রাস্ত্রকচরগী সেন্ত্রেল সেক্তর স্কিমগী মখাদা স্তোরেজ অমসুং ত্রান্সপোর্ত ইনফ্রাস্ত্রকচরগী জেনেরেল এরিয়াশিংগী ওইনা ৩৫ পর্সেন্তকী রেৎতা অমসুং অৱাং নোংপোক রাজ্যশিং, হিমালয়া রাজ্যশিং, আই.তি.দি.পি. মফমশিং অমসুং ইথৎশিংগী ওইনা ৫০ পর্সেন্তগী রেৎতা গ্রান্ত-ইন-এদকী মওংদা মন্ত্রালয়না শেলগী তেঙবাংশিং পীরি। ফার্ম মফমদগী কঞ্জুমর ফাওবগী ইরাদিএসনগী খুদোংচাবা য়াওনা ইন্তিগ্রেতেদ কোল্দ চেন প্রোজেক্তশিং শানবা প্রোজেক্ত অমদা খ্বাইদগী য়াম্না গ্রান্ত ইন এদ কোতি ১০ ওইবদি মথংশিৎনা ৫০ পর্সেন্ত অমসুং ৭৫ পর্সেন্তগী তেঙবাংশিংসু ভেল্যু এদিসন অমসুং প্রোসেসিং ইনফ্রাস্ত্রকচরগী ওইনা পীরি।

ফুদ প্রোসেসিং ইন্দস্ত্রীনা ফার্ম দগী পুথোক অএনবা পো্ত্থোকশিং লৌশিনবগী ঙম্বগী শক্তি লৈবনা লৌমীশিংদা কান্নবা পীরি অমসুং মসিগা লোয়ননা লৌরোক অদুবু ভেল্যু এদেদ প্রোসেস প্রদক্ততা ওন্থোক্তুনা লৈবাক মনুংগী অমসু মালেমগী দিমান্দশিং ফংহনবা ঙম্লগনি। মথক্কী প্রোজেক্তশিং অসিগী শেন্থং কায়থনবা ইন্তর মিনিস্ত্রিএল এপ্রুবেল কম্মিতী (আই.এম.এ.সি.)গী মীফমশিং ২০২০গী অগস্ত ২১, ২৪, ২৮ অমসুং ৩১দা পাঙথোকখি।

*****