কোয়লা অমসুং মাইনগী কেন্দ্র মন্ত্রী শ্রী প্রহলাদ জোশিনা হায়খিবদা লুপা কোতি লাখ ৪গী শেনফম থাদদুনা ভারতনা ইং ২০৩০ ফাওবগী মনুংদা কোয়লা মিলিয়ন তোন (এম.তি.) ১০০ গেসিফিকেসন তৌবগী পান্দম ফংনবা হোৎনরি হায়খি। কোয়লা গেসিফিকেসন অমসুং লিক্বিফিকেসন তৌবগী ৱেবিনার অমদা ৱা ঙাংবদা থৌওংশিং অসি পাঙথোক্লিবা অসি করিগুম্বা অহেনবা অমা তৌনিংবগী নত্তে, তৌবতবু তঙাই ফদবা লৈবগীনি হায়খি। অশেংবা ফুএল শিজিন্নবা পুক্নিং থৌগৎপা ওইনা সরকারনা গেসিফিকেসন তৌবদা শিজিন্নবা কোয়লাগী শেন্থোক্কী ২০%দি কম্মিসন ওইনা পীরগনি হায়খ্রে। থৌওং অসিনা সিন্থেতিক নেচরেল গ্যাস, ইনর্জী ফুএল, হার অমসুং অতোপ্পা কেমিকেল পুথোকপগী তঙাই ফদবা য়ুরিয়া পুথোকপদা খুমাং চাউশিনহল্লগনি। ৱেবিনার অসি কোয়লা মন্ত্রালয় (এম.ও.সি.)না মথক্তা পনখ্রিবা পান্দমশিং অসি ফংবদা তেংবাংনবা হায়দুনা নই-দিল্লীদা পাঙথোকখিবনি। ৱেবিনার অসিদা ভারত সরকার, সি.আই.এল. অমসুং কোয়লাগী সেক্তরদগী চাউরাকপা মীওই ৭০০না শরুক য়াখি।

কোয়লাগী সেক্তরদা গ্রীন ইনিসিএতিব অমা পাঙথোকপগী মতাংদা সরকারনা খোঙফম চেৎনা লেপ্লিবা অসিবু হন্না হন্না পল্লদুনা শ্রী জোশিনা কোয়লা গেসিফিকেসন অমসুং লিক্বিফিকেসন তৌবা অসি সরকারগী থৌরাংশিংগী মনুংদা চল্লি অমসুং ভারত্তা কোয়লা গেসিফিকেসন তৌবদা চাউখৎনবা থবক কয়া অমসু পায়খৎখ্রবনি হায়খি। হীরম অসিগী মতাংদা থবক থৌরমশিং খুমাং চাউশিলহন্নবা নিতি আয়োগকী মেম্বর দাঃ ভি.কে. সরস্বাৎকী লুচিং মখাদা কোয়লা মন্ত্রালয়গী মীওইশিং য়াওবা কম্মিত্তী অমা শেমখ্রবনি। সি.আই.এল.না মালেমগী তেন্দরগী খুত্থাংদা বি.ও.ও.দা য়ুম্ফম ওইদুনা য়ামদ্রবদা গেসিফিকেসন তৌনবা প্লান্ত ৩ (দাঙ্কুনিগী মথক্তা) শেমগৎনবা থৌরাং তৌখ্রবনি অমসুং হীরম অসিগী মতাংদা জি.এ.আই.এল.গা সিন্থেতিক নেচরেল গ্যাস লৈবা-য়োনবা তৌবগী এম.ও.য়ু. অমগী খুৎয়েক পীনখ্রে।

শ্রী জোশিনা সেসন অসিদা শরুক য়ারিবা মীওইশিংদা ঐখোয়গী লৈবাক অসিনা এস.দবল্যু.ও.তি.গী এনালাইসিস তৌরিবা অসিগা মরী লৈননা কোয়লা গেসিফিকেসন তৌবগী সেক্তরগী মরী লৈনবা তেক্নোলোজী অমসুং অতোপ্পা হীরমশিংগী মতাংদা থিজিন হুমজিন্নবা হায়খি। মসিগী থৌওং অসিনা লৈবাক অসিগী লৈজরিবা কোয়লা অসিবু মপুং ফাবা মওংদা শিজিন্নদুনা মালেমগী স্তেন্দর্দকী মতুং ইন্না ইশাগী কোন্নজবা ঙম্বগী ফিভম ফংনবা হোৎনবদা তেংবাংগনি হায়না মখা তানা হায়খি।

নিতি আয়োগকী মেম্বর দাঃ ভি.কে. সরস্বৎ অমসুং কোয়লাগী সেক্রেতরী শ্রী অনিল কুমার জাইনসু ৱেবিনার অসিদা ৱা ঙাংখি। সি.আই.এল.গী দি.তি. শ্রী বিনয় দয়াল; সি.আই.এম.এফ.আর.গী দাইরেক্তর দাঃ পি.কে. সিংহ; পি.দি.আই.এল.গী জি.এম. শ্রী অশুতোশ প্রসাদ; জে.এস.পি.এল.গী চেয়রমেন শ্রী নবীন জিন্দাল; মুন্দ্রা সিনর্জীগী সি.ই.ও. শ্রী রাজেশ ঝা; জে.এস.পি.এল.গী এম.দি. দাঃ ভি.আর. শর্মা; ত্রু নোর্থ বেঞ্চরগী পার্ত্নর দাঃ দেব গবাস্কর; এয়র প্রদক্তসকী ভি.পি. শ্রী বোব কার্তরনা মখোয়গী মরু ওইরবা ৱাখল্লোনশিং ফোঙদোক্নখি।

****