ক্বান্তম স্তেৎপু অনৌবা মওংদা শেমদোক শাদোক্তুনা কম্প্যুতিং, কম্ম্যুনিকেসন, অমসুং মেত্রোলোজীগী লমদা শীজিন্নবা য়ানবগীদমক চাংয়েং তৌরিবা সাইন্তিস্তশিংনা অসিগুম্বা স্তেৎ অসিবু মগুন লেপনবা অমসুং এস্তিমেৎ তৌনবা অনৌবা লম্বী অমা ফংখ্রে। মসিগী ক্বান্তম স্তেৎ ইন্তফেরোগ্রাফী  কৌবা মগুন লেপনবগী থৌওং অসিনা শেমদোক শাদোকপগী থবক অসি হেন্না লাইথোকহন্দুনা ক্বান্তম তেক্নোলোজীশিংদা লৈরম্বা অরুবা ওপরেসন কয়া ৱাবা হন্থহল্লগনি।

সাইন্স অমসুং তেক্নোলোজী, ভারত সরকারগী মখাদা লৈবা ওতোনোমস ইন্সতিত্যুৎ অমা ওইরিবা রামন রিসর্চ ইন্সতিত্যৎকী সাইন্তিস্তশিংনা মখোয়না 'ক্বান্তম স্তেৎ ইন্তরফেরোগ্রাফী' হায়না খঙনবা ইন্তর্ফরেন্স পেত্তর্ন অমদগী সিস্তেম অমবু (দিমেন্সন অনী লৈবা ক্যুবিৎ, খ্বাইদগী লায়বা ক্বান্তম সিস্তেম অমসুং হাইয়র দিমেন্সনেল ক্যুবিৎ) শেমদোক শাদোকপগী অনৌবা মওং অমা ফংখ্রে। দি.এস.তি.গী ক্যুএস্ত নেৎৱার্ক প্রোগ্রাম্না তংখাই অমা শৌগৎলিবা থবক অসি ফিজিকেল রিভ্যু লেত্তর্স  হায়বা চেফোং অসিদা ফোংবগী অয়াবা ফংখি।

মশক খঙদ্রিবা ক্বান্তম স্তেৎ অমা লেপথোকপা হায়বসি ক্বান্তম স্তেৎ তোমোগ্রাফী (ক্যু.এস.তি.) হায়বা থৌওং অমনা পাঙথোক্লম্মি। মসিদা ফংলিবা ইনফোর্মেসনশিং অদুদগী ক্বান্তম স্তেৎ শেমগৎপা অমসুং স্পেস স্তেৎ অদুগী তোঙান-তোঙানবা মাইকৈদা ক্বান্তম স্তেৎ প্রোজেক্সন ওনবা চঙই। অদুবু, করিগুম্বা মতাংদা দিমেন্সনশিং অসি য়াম্না চাউরবদি তোমোগ্রাফী পাঙথোক্নবা ওপরেসন অসি ক্বাদ্রাতিকেল্লী হেনগৎলি। মসিগী এক্সপরিমেন্তেল সেতিং অসি য়াম্না তোইনা হোংবা চঙই, অসুম তৌবনা থৌওং অসি পাঙথোকপদসু ৱাবা ওইহল্লি।

এক্সপরিমেন্তেল সেৎ অপতা অহোংবা অমত্তা লৈহন্দনা মশক খঙদ্রিবা হাইয়র দিমেন্সনেল সিস্তেম অমগী ক্বান্তমগী স্তেৎ অমবু শেমদোকপা য়াই হায়বসি আর.আর.আই.গী কাংবুনা উৎখ্রে। সেৎঅপ অসিদা স্তেৎ অসি শেমগৎনবগীদমক ইন্তর্ফেরোগ্রাম কয়া ফংবা ঙমগদবা ইন্তর্ফেরোমিতর অনীখক্তমক চঙই। মসিনা ক্বান্তম স্তেৎ ইস্তিমেসন তৌবদা 'ব্লেক বোক্স' এপ্রোচ অমা পীরি – ফোতোন ইন্সিদেন্স অমসুং স্তেৎ ইনফর্মেসন লৌবগী মরক্তা লৈবা কন্দিসনশিংদা অহোংবা লৈতবনা ক্বান্তম স্তেৎকী অশেংবা সিঙ্গল শোৎ ইস্তিমেসন অমা পী।

ক্যুবিৎ অমা হায়বসি দিমেন্সন ২ লৈবা ক্বান্তম সিস্তেম অমনি অমসুং মসিদা স্তেৎ ইস্তিমেসন তৌবা মতমদা কমপ্লেক্স নম্বর ২ চঙই। অদুমওইনমক, তোঙান-তোঙানবা কন্সত্রেন্ত অমসুং ফিজিকেল এজুমসনশিংনা অশেংবা নম্বর ২ খক্তমক পীবা ঙমই, মসিসু অরোইবদা অমুক্কা পুথোকপা অমুক চঙলি। মসিগী অশেংবা মশীং অনী অসি পুথোকপগী মহুত্তা, হৌজিক্কী থবক অসিদদি, মখোয় অসি ইন্তর্ফরেন্স পেত্তর্নগী ইন্তেন্সিতী অমসুং ফেস সিফকী মওং মতৌনা পুথোকপা ঙমই। মসিগী মথক্তা, অসিগুম্বা ক্বান্তম স্তেৎশিং য়ানশিন্নবা মতমদা য়ানশিন্নখ্রবগী চাং অদু ইন্তর্ফরেন্স পেত্তর্ন উবগী চাংনা লেপ্পা ঙমই। হায়রিবসি পার্তিকল সিস্তেম অনীগী স্তেৎ মশক লেপনবা হোৎনবদা শীজিন্নবা য়াই, মসিনা অমুক হন্না পুনশিন্নবগী চাং পুথোকপদা অমসুং সিঙ্গল শোৎকী থৌওংদসু শীজিন্নবা য়াই। হায়রিবা ৱাখল্লোন অসি ইন্তর্ফরেন্স পেত্তর্ন অমগী কাংলুপতগী হাইয়র দিমেন্সনেল ক্বান্তম স্তেৎ পুথোকপদা মখা তানা শীজিন্নবা য়াগনি।

মসিগী থবক অসিনা ক্বান্তম স্তেৎ ইস্তিমেসনদা অমসুং ক্বান্তম ইন্তেঙ্গলমেন্ত মশীং লেপথোকপদা সিঙ্গল শোৎ ব্লেক বোক্সকী উপাই শীজিন্নবা য়াগনি। ক্বান্তম স্তেৎ শেমদোকপনা ক্বান্তম তেনোলোজী প্রোতোকোলদা, ক্বান্তম কম্প্যুতিং, ক্বান্তম কম্ম্যুনিকেসনবু ওইরো, নত্ত্রগা ক্বান্তম মেত্রোলোজীবু ওইরো, খ্বাইদগী মরুওইবা ওপরেসন অমা ওইরি। মসিগা মান্ননা, ক্বান্তম ইন্তেঙ্গলমেন্ত অসি ক্বান্তম তেক্নোলোজীদা য়ুবিক্যুৱস রিসোর্স অমনি। ক্বান্তম স্তেৎ ইস্তিমেসনগী উর্বাসি সিনহা অমসুং আর.আর.আই.দা লৈবা মহাক্কী ক্বান্তম ইনফোর্মেসন অমসুং কম্প্যুতিং লেবকী কাংবুনা পুথোক্লিবা অনৌবা তেক্নিক অসি শীজিন্নবদা নুংঙাই অমসুং ইন্তর্ফেরোমিতী কা হেন্না শীজিন্নবা চঙবা মমাংগী তেক্নিক্কা চাংদম্নবদা কা হেন্না কা হেন্না কান্নবা ফংবা খুৎলাই অমা ওইরি। অনৌবা থৌওং অসিগী থিওরিগী ঙাক্লৌনা ঐচ.আর.আই.গী কোলাবোরেতরনা পীবনি। মসিগী মথক্তা, থবক অসিনা তেক্নিক অসি শীজিন্নবনা তুং কোইনা য়েংবদা খুৎলাইশিং পীকশিল্লক্তুনা ক্বান্তম স্তেৎ ইস্তিমেসন অসি কম্মর্সিএল স্কেলদা শীজিন্নবা য়ারক্লগনি।

ফিগরঃ ক্বান্তম স্তেৎ ইন্তর্ফেরোগ্রাফী অসি ক্বান্তম স্তেৎ ইস্তিমেসন্দা ইন্তর্ফরেন্স পেত্তর্ন্দগী য়েংদুনা এক্সপরিমেন্তেল সেৎঅপতা অহোংবা অমতা লৈহন্দনা "ব্লেক বোক্স" অমা ওইনা মথৌ তৌহনবা য়াই।

[ফোংখিবগী লিঙ্কঃ https://journals.aps.org/prl/accepted/3607bY09D3214e77d23f4a87330320d171b04ebfb

অহেনবা মরোলগীদমক, প্রোফেসর উর্বাসি সিনহ (usinha@rri.res.in)দা পাউ ফাওবীয়ু।

*****