কেন্দ্রগী রোদ ত্রান্সপোর্ত অমসুং হায়ৱেজ মন্ত্রী শ্রী নিতিন গদকরীনা ঙসি ভিদিও লিঙ্ককী খুত্থাংদা মহারাস্ত্রগী গদচিরোলি জিলাদা মরু ওইবা থোং অহুম অমসুং লম্বী অনি ফগৎহন্নবা প্রোজেক্তশিং শঙ্গাখ্রে। মন্ত্রীনা ৱাইনগঙ্গা, বন্দিয়া, পেরিকোতা অমসুং পেরিমিলিগী তুরেলশিংগী মথক্তা অচৌবা থোং মরিগী প্রোজেসক্তশিংগী উরেপ উয়ুং তমখ্রে। হায়রিবা প্রোজেক্তশিং অসিনা গদচিরোলি জিলাগী শেন-থুমগী চাউখৎ থৌরাং হেনগৎহন্নবদা মরু ওইগনি।

ঙসি শঙ্গাখ্রবা প্রোজেক্তশিং অদুদি:

• লুপা কোতি ১৬৮ চংবা নিজমবাদ-জগদলপুর লম্বী (এন.ঐচ.-৬৩)গী তুরেল প্রানাহিতাগী মথক্তা মিতর ৮৫৫ শাংবা অচৌবা থোং
• লুপা কোতি ২৪৮ চংবা নিজমবাদ-জগদলপুর লম্বী (এন.ঐচ.-৬৩)গী তুরেল ইন্দ্রাভাতিগী মথক্তা মিতর ৬৩০ শাংবা অচৌবা থোং
• বেজুরপল্লি – অহেরি লম্বীগী লঙ্কাচেনগী মনাক্তা মিতর ৩০ ৱাংবা থোং
• ৱাত্রা অমসুং মোয়াবিনপেতাগী মরক্তা লৈবা বেজুরপল্লি – অহেরি লম্বী (এস.ঐচ. ২৭৫) ফগৎহনবা
• গারাঞ্জি-পুস্তোলা লম্বী ফগৎহনবা

 থৌরম অসিদা ৱা ঙাংলদুনা, শ্রী নিতিন গদকরীনা হায়, মরু ওইবা থোংশিং অসি শাবগা লোয়ননা, মহারাস্ত্র-ছত্তিসগর-তেলঙ্গনা শম্নহল্লিবা নেস্নেল হাইৱেজ অসি হৌজিক্তি মপুং ফারগনি। “মসি চহি ২৫গী মতুংদা মঙ ফাওনবা মঙলান অমনি, মসি শেম্বা হৌখিবা মতমদা ঐহাক মহারাস্ত্রগী মন্ত্রী অমা ওইখি”।

শ্রী গদকরীনা হায়খি গদচিরোলি জিলাগী নেস্নেল হাইৱেজ অসিগী অপুনবা অশাংবা অসি হান্না কি.মি. ৫৪ ওইরম্বদগী মহাক্কী মতমদা কি.মি. ৬৪৭তা হেনগৎহনখি। রোদ ত্রান্সপোর্ত অমসুং হায়ৱেজকী মন্ত্রালয়না গদচিরোলি জিলাগী লুপা কোতি ১,৭৪০গী ওইগদবা কি.মি. ৫৪১ শাংবা লম্বীগী প্রোজেক্ত ৪৪গী অয়াবা পীরকখ্রে।

নক্সলনা শোকহল্লবা গদচিরোলি জিলাগুম্বা অরাপ্পা মফমশিংদা নোংজু নুংশা খাক্তনা শীজিন্নবা য়ারবা লম্বী শেমগৎপনা লমদম অসিগী শেন-থুমগী চাউখৎ-থৌরাং ফগৎহল্লগনি অমসুং লাক্লিবা চহি অনি অসিদা গদচিরোলি জিলা অসিগী হীরম পুম্নমক্তা অওনবা অমা লাকপা উবা ফংলগনি” হায়না মন্ত্রীনা ফোঙদোকখি।

নক্সলগী অকিবা লৈরবসু গদচিরোলিগী থোংশিং অসি মপুং ফানা শাবা লোয়শিন্নবা হোৎনখিবা ইঞ্জিনীয়রশিং অমসুং কন্ত্রেক্তরশিংবু মন্ত্রীনা থম্মোয় শেংনা থাগৎখি। মহাক্না হায় ইন্দ্রাভাতি তুরেলগী মথক্তা শারিবা থোং অসি লোয়শিনবদা অৱাবা কয়া থেংনখি অমসুং লনগী ফীভমগুম্বদা ৱানা থবক শুখি। থোং অসি শাবা লোয়শিনবদা মতেং পাংনবা পুলিস স্তেসন অমা লিংখৎখি।

কেন্দ্রগী মন্ত্রী নিতিন গদকরীনা জিলা অসিগী পেরিমিলি, বন্দিয়া, পেরিকোতা অমসুং ৱাইনগঙ্গাগী তুরেলশিংগী মরু ওইবা থোং মরিগী প্রোজেসক্তশিংগী উরেপ উয়ুংসু তমখি। তুরেলশিং অসিদা হৌজিক লৈরিবা থোংশিং অসি খুই অমসুং নোংজু মতমদা ঈশিংনা থুমজিল্লি। ৱাইনগঙ্গা তুরেলগী মথক্তা শাগদবা থোং অসি চাউরাক্না মিতর ৮২৫ শাংঙি অমদি মসিনস গদচিরোলি অমসুং চন্দ্রপুরগী জিলাগী মরক্তা লম্বীগী ফীভম ফগৎহনবা ঙম্লগনি। অচৌবা থোংশিং শাবা মতমদা কাক্তুনা থম্লিবা লুপা কোতি ৫০গী শেনফম অসি অপিকপা থোং ১৪ শাবদা শীজিন্ননবা এন.ঐচ.এ.আই.গী ওফিসিএলশিংদা মন্ত্রীনা হায়খি অমসুং মসিনা গদচিরোলি জিলাগী লম্বী-থোং লৈতবা মফমশিংদা চত্থোক-চৎশিন মপুং ফানা লেপ্তনা তৌবা য়াহল্লগনি।

শ্রী গদকরীনা হন্দক্কী চহি অসিদা অলাপল্লি- বমরাগরগী মরক্তা কি.মি. ৩৫গী লম্বী শেমগৎনবা অমসুং মথংগী শেনবা চহিদা লেমহৌরিবা কি.মি. ৬৫ শেমগৎনবা থাজবা পীখি। হৌজিক পুং ২ মখায় চংলিবা অসিদগী মিনিৎ ৭৫ হন্থগদবা ব্রোদ গজ মেত্রোগী কন্নেক্তিবিতী প্লানগী মখাদা দেসাইগঞ্জ-ব্রাহমপুরগা নাগপুরগা শম্ননবা রাজ্য সরকারগী অপাম্বসু মন্ত্রীনা হংখি।

এম.এস.এম.ই. মন্ত্রী অমা ওইবগী কেপাসিতীদা শোত্থরবা মফমশিংদা দিবেলপমেন্ত পুরক্নবা মহাক্কী মীৎয়েংগী মতাংদা শ্রী গদকরীনা হায় গদচিরোলি অসি ৱা মরাং কায়না ফংবা মরম্না হৌজিক ইম্পোর্ত লেপখ্রবা অগর্বতী শুংবগী হব অমা ওইবা য়াগনি। মহাক্না হায় মফম অদুগী মীয়ামদা থবক পীবা ঙম্বা য়ুনিৎ ১০০ লিংখৎনবা স্কোপ অমা লৈ। মহাক্না বাইও-ফ্যুল দিবেপমেন্ত প্রোগ্রামগী শরুক অমা ওইনা গদচিরোলিদা চেংদগী ইথানোলদা ওন্থোক্নবা প্রোজেক্ত অমা হৌদোক্লি হায়না মন্ত্রীনা ফোঙদোকখি। “মসিনা ফৌ থারিবশিংদা অফবা ভেল্যু ফংহল্লগনি অমসুং থবকশু পীরগনি হায়না মহাক্না মখা তাখি। শ্রী গদকরীনা স্তেৎ ৱার্ক্স মন্ত্রী শ্রী একনাথ শিন্দেদা নহা ১০,০০০দা থবক পীনবা পান্দম অমগা লোয়ননা থবক শেমগৎনবা তোঙান তোঙানবা এভেন্যুশিং থীনবা খংহনখ্রে।

এম.ও.এস. আর.তি.ঐচ. জেনেরেল ভি.কে. সিংহনা মফম অসিদা দিবেলপমেন্তলরোদ প্রোজেক্তশিং লোইশিনবদা থাগৎপা ফোঙদোকখি, অমসুং মসিনা এল.দবল্যু.ই. মফমশিংদা হিংলিবা মীবামগী পুন্সিদা অহোংবা পুরক্লগনি হায়না ফোঙদোকখি। মহাক্না হায় মফম অমা ইনফ্রাস্ত্রকচর চাউখৎলবা খক্তদা খুমাং চাউশিল্লক্কনি। মহাক্না হায় মফমশিং অসিআ ইনফ্রা প্রোজেক্তশিং হেন্না পুরক্লিবমখৈ এক্সত্রিমিসম তপ্না তপ্না হন্থরক্কনি।

মহারাস্ত্রা পি.দবল্যু.দি. মন্ত্রী শ্রী অশোক চবন্না হায় গদচিরোলিদা লম্বী শেমগৎপনা লো অমসুং ওর্দর ঙাক্না থমবদা মতেং পাংবদা নত্তনা ইন্দ্রস্ত্রী শেমগৎপদা, থবক পীবদা অমসুং মীয়ামগী পুন্সি মহিং ফগৎহবদা মতেং পাংলগনি। গদচিরোলি-চিমুর লোক সভা কন্সতিত্যেন্সিগী এম.পি. শ্রী অশোক নেতে অতোপ্পা মীয়ামগী মীহুৎশিং অমসুং কেন্দ্র অমসুং রাজ্য সরকারগী ওফিসিএলশিং শরুক য়াখি।

ৱাইনগঙ্গা ব্রিজ প্রোজেক্ত

গদচিরোলি অমসুং চান্দপুর দিস্ত্রিক্ত অনিবু খায়দোক্লিবা ৱাইনগঙ্গা তুরেল অসি মহারাস্ত্র রাজ্যগী মনুংদা লৈবা মরুওইবা তুরেলশিংগী মনুংদা অমনি। ৱাইনগঙ্গাদা হৌজিক লৈরিবা থোংগী ফীভম অসিনা চত্থোক চৎশিন তৌরিবা মীওইশিংদা খুদোংচাদবা কয়া মায়োক্নরি। বাল্লারপুর, কোথারি, গোন্দপিমপ্রি অমসুং অশ্তিগী ত্রাইবেলনা নম্না তাবা মফমশিংদা খুন্দারিবা মীওইশিংনা থবক্কী খুদোংচাবশিং, লৌউ-শিংউগী পোত্থোকশিং পুথোক পুশিন তৌবা, কৈথেল কাবা, হীদাক লাংথক ফংহনবা অমসুং পুথোক পুশিন তৌবগা মরী লৈননা অৱাবশিং মায়োক্নরি। মীয়ামগী অৱাবশিং অসি কোকহন্নবা কেন্দ্রগী মন্ত্রী নিতিন গদকরীনা এন.ঐচ.এ.আই. অমসুং পি.দবল্যু.দি.না লোইশিনগদবা পুন্না লুপা কোতি ৯৯ চংগদবা নেস্নেল হাইৱে ৩৫৩ বিগা লোয়ননা ৱাইনগঙ্গা তুরেলদা থোং অমা শানবা অচৌবা প্রোজেক্ত অমা শেম্না প্রপোজ তৌখ্রে। শাগদৌরিবা থোং অসিনা গদচিরোলি অমসুং চান্দপুর দিস্ত্রিক্তশিংদা লৈবা অপীকপা খুঙ্গংশিংদা নুংঙাই য়াইফবা পুন্সি অমা পুরক্লগনি।

*****