হকশেল অমসুং য়াইফ-য়ুম্বাল মন্ত্রালয়
দাঃ হর্শ বর্ধন্না কোবিদ-১৯গী মতাংদা গ্রুপ ওফ মিনিস্তরস (জি.ও.এম.)কী ২০শুবা মীফম লুচিংখ্রে
ভারতকী ফেতেলিতী রেৎ অসি মালেমগী খ্বাইদগী নেম্বশিংগী মনুং চল্লিঃ দাঃ হর্শ বর্ধন
দাঃ বিনোদ পাউল, নিতিয়ায়োগকী মেম্বর (হেলথ)না জি.ও.এম.দা ভারত্তা বেক্সিন শাবগী মতাংদা খঙহনখ্রে
Posted On:
29 AUG 2020 3:36PM by PIB Imphal
কেন্দ্রগী হকশেল অমসুং য়াইফ য়ুম্বাল মন্ত্রীনা দাঃ হর্শ বর্ধন্না ঙসি লুচিংদুনা কোবিদ-১৯গী মতাংদা গ্রুপ ওফ মিনিস্তরস (জি.ও.এম.)কী ২০শুবা মীফম ফমখ্রে। মীফম অসিদা মহাক্কী শরুক য়াখিবশিং অদুদি এক্সতর্নেল এফিয়ার্স মন্ত্রী দাঃ এস. জয়শঙ্কর, সিবিল এবিএসন মন্ত্রী শ্রী হরদীপ সিংহ পুরি, রাজ্য, শিপ্পিং (ইন্দিপেন্দেন্ত চার্জ), কেমিকেলস অমসুং ফর্তিলাইজর মন্ত্রী শ্রী মনশুখ লাল মান্দাবিয়া, রাজ্যগী হকশেল অমসুং য়াইফ য়ুম্বাল মন্ত্রী শ্রী অশ্বিনি কুমার চৌবে অমসুং হোম এফিয়ার্সকী রাজ্য মন্ত্রী শ্রী নিত্যানন্দা রাইনি। নিতি আয়োগকী মেম্বর (হেলথ) দাঃ বিনোদ পোলসু মীফমদুদা বর্চুএলগী খুত্থাংদা শরুক য়াখি।
মীফম হৌদোকপদা দাঃ হর্শ বর্ধন্না কেন্দ্র অমসুং রাজ্য/য়ু.তি. সরকারশিংনা খুৎশম্নদুনা পায়খৎপা খোঙথাং কয়াগী মরমদা অপেনবা ফোঙদোকখি। মহাক্না হায়খি, “মমাংগী জুলাই ৩১দা পাঙথোখিবা জি.ও.এম.গী মীফম অদুগী থা অমগী মতুংদা ঐখোয়না লায়না অসিবু লাকশিন্নবা মশক থোকপা থবক কয়া পাঙথোকপা ঙমখ্রে। মীওই লাখ ২৬.৪মুক নাবা ফখ্রে। লৈবাক্কী ফেতেলিতী রেৎ অসি খ্বাইদগী নেম্বা ১.৮১%গী মশিংদা লৈরি অমসুং মসিগী মতুং ইন্না নাবা ফবগী চাংসু ৭৬.৪৭%দা ফগৎলে”। মহাক্না জি.ও.এম.দা মখা তানা হায়খিবদা মতিক চাবা হেলথ ফেসিলিতী কয়া অমা শেমগৎপগী মতুং ইন্না লৈবাক অসিগী হেলথ ইনফ্রাস্ত্রকচরসু য়াম্না ফগৎলে হায়খি। মসিগা লোয়ননা অনাবা ০.২৯% খক্তমক বেন্তিলেতরদা লৈরি, ১.৯৩%না আই.সি.য়ু.দা লৈরে অমসুং অনাবা ২.৮৮%না ওক্সিজেন থাজিন্দুনা লৈরি হায়খি। লৈবাক অসিদা অপুনবা ওইনা হৌজিক লেব ১৫৭৬ লৈরি অমসুং তেস্তিং তৌবগী মশিং য়াম্না হেনগৎখিবগা লোয়ননা নোঙমদা তেস্ত লাখ ১০ তৌবগী পান্দমসু ফংবা ঙম্লে। হৌখিবা পুং ২৪দা সেম্পল লাখ ৯ হেন্না তেস্ত তৌখিবগা লোয়ননা তেস্ত তৌবগী অপুনবা মশিং কোতি ৪ হেনবা ঙমখ্রে হায়না মহাক্না মখা তানা হায়খি। দাঃ হর্শ বর্ধন্না জি.ও.এম.দা হায়খিবগী মতুং ইন্না কেন্দ্র সরকারনা রাজ্য/য়ু.তি.শিংদা এন.-৯৫ ফেস মাস্ক লাখ ৩৩৮ হেনবা, পি.পি.ই. চাউরাক্না লাখ ১৩৫ অমসুং বেন্তিলেতর ২৭,০০০ পীখ্রে।
কেন্দ্রগী হকশেল মন্ত্রীনা হকশেল মন্ত্রালয়দা পার্লিয়ামেন্তকী মেম্বরশিং অমসুং লেজিস্লেতিব এসেমব্লীগী কোবিদকী চৎন-কাঙলোন অমসুং চেকশিন থৌরাংগী হীরম য়াওবা এস.ও.পি. অমা শেম্নবা খঙহনখ্রে হায়খি। জি.ও.এম.না লাক্কদৌরিবা কুমহৈশিংগী মতমশিংগী মতাংদা মিৎয়েং চংলদুনা মীয়াম্না তেক্ত কায়দবা অমসুং কোবিদকা চানবা লিচৎ চৎনবসু হায়খ্রে।
জি.ও.এম.দা ভারত্তা হৌজিক ওইরিবা কোবিকদকী ফিভমশিংগী মতাংদা পাউদমখি। মালেমগী ফিভমগা চাংদম্নবদা ভারতনা য়াম্না ময়েক শেংনা খ্বাইদগী নেম্বা কেস পর মিলিয়ন (২৪২৪) অমসুং দেথ পর মিলিয়ন (৪৪) লৈ অমসুং মসিগী মতুং ইন্না মালেমগী ওইবা চাংচৎ অসি মথংশিৎনা ৩১৬১ অমসুং ১০৭.২নি। রিসোর্সকী অকক্নবা লৈবা অমসুং মীওই কুংনা তাবগী মওং অসি লৈন-লৈনা ভারতনা মতম চানা লোকদাউন থমখিবা অমসুং ইনফ্রাস্ত্রকচরশিংবু লেপ্পা লৈতনা ফগৎহনবগী থৌওংশিং অসিনা ভারতনা অতোপ্পা লৈবাকশিংগা চাংদম্নবদা কেস পর মিলিয়ন অমসুং দেথ পর মিলিয়ন অসি য়াম্না নেম্না থম্বা ঙম্লি। লৈবাক অসিগী মনুংদা ঙসি ফাওবগী ওইনা রাজ্য ৮দা (মহারাস্ত্রা, করনাতকা, আন্ধ্রা প্রদেশ, তমিল নাদু, উত্তর প্রদেশ, নোংচুপ বেঙ্গোল, ওরিশা অমসুং তেলঙ্গানা)না অপুনবা এক্তিব কেসকী ৭৩% লৈরি। মসিগী মথক্তা রাজ্য ৭ (মহারাস্ত্রা, দিল্লী, করনাতকা, আন্ধ্রা প্রদেশ, তমিল নাদু, উত্তর প্রদেশ অমসুং নোংচুপ বেঙ্গোল)না লৈবাক অসিগী অপুনবা লৈখিদবা মশিংগী ৮১% লৈরি। বাই-দাইরেক্সেল তি.বি. অমসুং কোবিদ স্ক্রীনিং হীরমগী ফোঙখিবা গাইদলাইন নোৎকী মতাংদা অমসুং ভাইরস শন্দোকপা থিংনবা অমসুং মোর্তেলিতী রেৎ অসি ১%গী মখাদা থম্নবা পাউতাকশিংগা লোয়ননা তেস্তিং হেনগৎহন্নবা খন্নখিবা রাজ্যশিংগা লোয়ননা কেবিনেৎনা লুচিংদুনা ফমখিবা মীফমগী মতাংদা জি.ও.এম. পাউদমখি।
এন.সি.দি.সি.গী দাইরেক্তর দাঃ সুর্জিত শিংহনা আই.দি.এস.পি. (ইন্তিগ্রেতেদ দিজিজ সর্বেলিএন্স প্রোগ্রাম) নেৎৱর্ক্কী খুত্থাংদা লায়চৎ মনুংদা ভারত্তা সর্বেলিএন্সকী মতাংদা পাঙথোকখিবা থবকশিংগী অকুপ্পা রিপোর্ত অমা পুথোকখি। মহাক্না রাজ্যশিংনা থেংনখিবা খুদীংচাদবা কয়া অমসুং রাজ্যশিংদগী তমখিবা পরা কয়াগী মতাংদা পনখি। মহাক্না রাজ্য খরগী কোবিদকী ত্রাজেক্তরীগী মতাংদা ৱাফম খরা থমখি অমসুং মখোয়গী রেস্পোন্স অমসুং শেন্নবগী থৌওংশিংগী মতাংদা ৱা ঙাংখি। মহাক্না হায়খিবগী মতুং ইন্না মাস্ক উপ্পা, ফিজিকেল দিস্তেন্সিং তৌবা অমসুং নিংশা হোনবগী পথাপ নাইবগী মতাংদা মীয়ামদা খঙহনবগী তঙাই ফদবা অদুমক লৈরি হায়নসু হায়খি। মতৌ অসুম্না ঐখোয়গী লমচত-শাজৎ শেমদোকপা অসিনা কোবিদ শেন্নবদা মরু ওইবা থৌদাং লৌরি।
মেদিকেল ইমর্জেন্সী মেনেজমেন্ত প্লানগী ইম্পা ৱর্দ গ্রুপ-১গী চেয়রপর্সন দাঃ বিনোদ কে. পোলনা জি.ও.এম.দা ভারত্তা অমসুং মালেম পুম্বদা কোবিদ বেক্সিন শারিবা অসিগী মতাংদা খঙহনখি। মহাক্না হায়খিবদা ভারতকী ২ য়াওনা অপুনবা কেন্দিদেৎ ২৯ অসি ক্লিনিকেল ত্রাএল তৌরি অমসুং মসিগী মনুংদগী ৬তি ফেস-৩দা লৈরে। ভারত্তা হৌজিক আই.সি.এম.আর.না ফংখিবা মথৌ তৌদ্রবা ভাইরস্তা য়ুম্ফম ওইবা ভারত বাইওতেক্কী বেক্সিন অসিগা লোয়ননা ভাইরেল দি.এন.এ.দা য়ুম্ফম ওইবা জাইদস কেদিলাগী কেন্দিদেৎ অসি ফেস-২গী ত্রাএলদা লৈরি। সীরম ইন্সতিত্যুৎ ওফ ইন্দিয়ানা শেম্বা ওক্সফোর্দ বেক্সিন কেন্দিদেৎ অসি মহারাস্ত্রা অমসুং অতোপ্পা রাজ্যশিংদা ফেস-৩গী ত্রাএল চত্থবা হৌখ্রবনি। দাঃ পাউলনা জি.ও.এম. কোবিদ-১৯গী বেক্সিন পীনবগী নেস্নেল এক্সপর্ত গ্রুপকী থবকশিংগী হৌজিক্কী ওইবা ফিভমগী মতাংদসু পাউদমখি। কাংলুপ অসিদা বেক্সিন পুথোকপগী থবক পায়খৎপা অমসুং ত্রাএল তৌবা অমসুং বেক্সিন থম্বগী হীরম য়াওবা থবকশিং শেন্নবগী থৌদাং পীরি। মসিগা লোয়ননা শেলথুমগী মতাংদা থেংনবা খুদোঙচাদবশিং, রিস্ক মেনেজমেন্ত, মতিক চাবা বেনিফিশরী খনবা অমসুং মখোয়গী মথং মনাও খায়দোকপা, পুত্থোক পুশিনগী মতাংদা খন্নবা, স্কেল অপ তৌবা, দিজিতেল সীস্তেমশিং, বেনিফিশরী কাংলুপ খনবগী কাঙলোন শেম্বা অমসুং বেক্সিন অমা অরোয়বা ওইনান খনবগী সাইতিফিক ওইবা ৱাহন্থোক পীবগী হীরমশিংসু কাংলুপ অসিদা শিন্নরি। হৌজিক ফাওবদা এক্সপর্ত গ্রুপ অসিগী মীফম অহুম্লক ফমখ্রে।
হেলথ সেক্রেতরী রাজেশ ভুশন্না হকশেল মন্ত্রালয়না লায়চৎ অসিগী মনুংদা মেন্তেল হেলথকী মতাংদা পাঙথোকপা থবকশিংগী মতাংদসু জি.ও.এম. পাউদমখি। মহাক্না হায়খিবা অতোপ্পা ৱাফমশিংগী মনুংদা কেস মশিং ৱাংখৎলকপা অমসুং মোর্তেলিতী রেৎ ৱাংবা রাজ্যশিংগসু কেন্দ্র সরকারগী হকথেংননা পাউ ফাওনরি হায়নসু হায়খি। হায়রিবা থৌওংশিং অসি পুন্সি কনবা অমসুং নাবা থুনা ফহনগদবা খোঙথাংশিংনা তেংবাংলি হায়খি।
তেক্সতাইলগী সেক্রেতরী শারী রবি কপুর, নিতি আয়োগকী সি.ই.ও. শ্রী অমিতাভ কান্ত, আই.সি.এম.আর.গী দি.জি. দাঃ বলরাম ভারগবা, দি.জি.এফ.তি. ফোরেন ত্রেদকী দি.জি.শ্রী অমিৎ য়াদব, হোম এফিয়ার্সকী এদিস্নেল সেক্রেতরী শ্রী অনিল মালিক, এম.ই.এ.গী এদিস্নেল সেক্রেতরী শ্রী দম্মু রবি অমসুং আই.তি.বি.পি. ঐচ.ক্যু.গী মীহুৎশিং অমসুং অতোপ্পা সরকারগী সেনিয়র ওফিসারশিংনা থৌরম অসিদা বর্চুএলগী খুত্থাংদা শরুক য়াখি।
****
(Release ID: 1649535)
Visitor Counter : 202