কেন্দ্রগী অৱাং নোংপোক লমদম চাউখৎ থৌরাংগী রাজ্যগী মন্ত্রী, এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী মন্ত্রী দা. জিতেন্দ্র সিংহনা ঙসি হায়খ্রে মদুদি জম্মু, কাত্রা অমসুং সম্বাদা ৱাগী খাউ, ধুপ, অমসুং ৱাগী মৈতাল পুথোক্তুনা মীওই ২৫,০০০ রোমদা থবক্কী খুদোংচাবা পীনবগীদমক বেম্বু ক্লস্তর অহুম শেমগৎকদৌরি। জম্মুগী ময়াদা লৈবা ঘাতিগী অচৌবা বেম্বু ইন্দস্ত্রিএল পার্ক অসিগী মথক্তা য়ু.তি. জম্মু অমসুং কাশ্মিরগী এদমিনিস্ত্রেসন্না লম লৌবগী থবক লোইবা চহী অনীগী মনুংদা বেম্বু তেক্নোলোজী ত্রেনিং সেন্তর শাগৎলগনি। য়ান-চে খুৎয়েক পীনখ্রবা মতুংদা জম্মু অমসুং কাশ্মিরদা ৱাগী সেক্তরদা ইনফ্রাস্ত্রকচর থাদনবা অমসুং ওন্ত্রপ্রিন্যুরশিপ হেনগৎনবগীদমক দোনর মন্ত্রালয়গী য়েংশিন মীফম অদুদা দা. জিতেন্দ্র সিংহনা হায়খি মদুদি মসিনা লাক্কদবা নুমিৎ খরনি অসিদা মরুওইবা থৌরাংশিং লৌখৎলগনি।

দা. জিতেন্দ্র সিংহনা জম্মু অমসুং কাশ্মির অমসুং লদাখতা মমাংদা য়েংশিনবীদবনা অমসুং শীজিন্নদবনা ৱা কয়া তুংশিন্দুনা লৈরি হায়না ফোংদোকখি। মহাক্না হায়খি মদুদি প্রধান মন্ত্রী শ্রী নরেন্দ্র মোদীনা মন্ত্রালয় খুদিংমক্না নৌনা শেম্লিবা জম্মু অমসুং কাশ্মিরগী য়ুনিয়ন তেরিতোরীদা থবক থৌরাং কয়া পায়খৎনবগীদমক লৌখৎখিবা থৌরাংগী মখা পোন্না নোর্থ ইস্তর্ন কাউন্সিল, দোনর মন্ত্রালয়না লী অমসুং ৱাগী তেক্নোলোজী সেন্তরগী মখাদা জম্মু অমসুং কাশ্মিরদা ৱার্কশোপ অমসুং একজিবিসনগী মওংদা জম্মু অমসুং কাশ্মির সরকারগা খুৎশম্নদুনা জনুৱারী ১১ অমসুং ১২, ২০২০দা স্তেৎ কনভেন্সন সেন্তর জম্মুদা তেক্নিকেল অমসুং এক্সপরিএন্সকী মতাংদা পাঙথোকখি।

মন্ত্রীনা হায়খি মদুদি, ৱার্কশোপনা জম্মু সম্বা অমসুং কথুৱাদা লৈরিবা অশংবা ৱাশিংগী মতাংদা পনখি অমসুং মফম অসিদা ৱাদা য়ুম্ফম ওইবা মাইক্রো লেবেল ইন্তর্প্রাইজ অমসুং ওন্ত্রপ্রিন্যুরশিংসু লৈ হায়খি। মহাক্না হায়খি, সি.বি.তি.সি.না জম্মু অমসুং কাশ্মির সরকারগা লোইননা কম্মন ফেসিলিতী সেন্তর, লী অমসুং ৱাগী তেক্নোলোজী পার্ক, লী অমসুং ৱাগী ইন্দস্ত্রিএল পার্ক, এফ.পি.ও., ক্লস্তর, অমসুং বোৎ (বিল্ৎ ওপরেতেদ- ত্রান্সফর) হাই-তেক নর্সরিশিং মখোয়না শেল থাদবগী মতেং হেক ফংবগা শীজিন্নবা য়াবা মওংদা শাগৎনবা খুৎশম্নদুনা পায়খৎকনি।

দা. জিতেন্দ্রনা হায়খি মদুদি মন্ত্রালয়দগী কাংবু অমনা জম্মুদা চত্তুনা ৱা থাবগী মতাংদা লম অসিদা ফিল্দ ত্রেনিং প্রোগ্রাম পায়খৎকনি। মহাক্না হায়খি মদুদি অৱাং নোংপোক লমদমগী খঙ হৈবশিংনা য়ু.তি. অমা ওইরিবা জম্মু অমসুং কাশ্মিরগী আর্তিসানশিংদা মখোয়গী শেন্মিৎলোনগী ফিবম ফগৎনবা মতেং পাংগনি অমসুং লমদম অসিদা হৌরিবা ৱাশিংবু লল্লোন ইতীক্কী মাইকৈদা শীজিন্ননবা হোৎনবদা মতেং পাংগনি হায়খি।

দা. জিতেন্দ্রনা হায়খি, ইনৌ নৌনা ৱাশিং অসি মমল চঙদনা য়ুম শাবগী মপোৎ মচৈ ওইনা শীজিন্নবা হৌরক্লি। মহাক্না হায়খি, লাক্কদবা চহীশিংদদি, ৱাগী মতাংদা ৱাখল লৌশিং লৈনবা কেম্পশিং লৈবাক অসিগী তোঙান-তোঙানবা মফমশিংদা পাঙথোকপা হৌরগনি।

দোনর মন্ত্রালয়গী সেক্রেতরী দা. ইন্দরজিৎ সিংহ স্পিসিএল সেক্রেতরী শ্রী ইন্দেবার পান্দে, এন.ই.সি.গী সেক্রেতরী শ্রী মোসেস কে চলাই, এম.দি. সি.বি.তি.সি. শ্রী শাইলেন্দ্র চৌধরি অমসুং অতোপ্পা বিভাগকী মকোক থোংবশিংনা ভিদিও কনফরেন্সকী খুত্থাংদা মীফম অদুদা শরুক য়াখি।

*****