ਪ੍ਰਿਥਵੀ ਵਿਗਿਆਨ ਮੰਤਰਾਲਾ
ਸਰਵ ਭਾਰਤੀ ਪ੍ਰਭਾਵ ਤੇ ਅਧਾਰਤ ਮੌਸਮ ਬਾਰੇ ਤਿੱਖੀ ਚਿਤਾਵਨੀ ।
ਪੰਜਾਬ, ਜੰਮੂ ਤੇ ਕਸ਼ਮੀਰ, ਹਿਮਾਚਲ ਪ੍ਰਦੇਸ਼ ਆਦਿ ਵਿੱਚ ਕੁੱਝ ਥਾਵਾਂ ਤੇ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ।
ਪੂਰਬੀ ਮੱਧ ਪ੍ਰਦੇਸ਼ ਵਿੱਚ 28 ਅਗਸਤ ਨੂੰ ਕੁੱਝ ਥਾਵਾਂ ਤੇ ਬਹੁਤ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ।
प्रविष्टि तिथि:
27 AUG 2020 2:28PM by PIB Chandigarh
ਭਾਰਤੀ ਮੌਸਮ ਵਿਗਿਆਨ ਮਹਿਕਮੇ ਦਾ ਕਹਿਣਾ ਹੈ ਕਿ ਮੌਨਸੂਨ ਦਾ ਪੱਛਮੀ ਸਿਰਾ ਹਿਮਾਲਾ ਦੀਆਂ ਹੇਠਲੀਆਂ ਪਹਾੜੀਆਂ ਤੇ ਪੂਰਬੀ ਸਿਰਾ ਦੱਖਣ ਵੱਲ ਆਪਣੀ ਆਮ ਸਥਿਤੀ ਵੱਲ ਵਧ ਰਿਹਾ ਹੈ। ਅਰਬ ਸਾਗਰ ਤੋਂ ਉੱਠਣ ਵਾਲੀਆਂ ਘੱਟ ਉੱਚੀਆਂ ਪਰ ਤਾਕਤਵਰ ਦੱਖਣ ਪੱਛਮੀ ਪੌਣਾਂ ਤੇ ਬੰਗਾਲ ਦੀ ਖਾੜੀ ਤੋਂ ਪੂਰਬੀ ਪੌਣਾਂ ਕੱਲ ਤੋਂ ਉੱਤਰ ਪੂਰਬੀ ਭਾਰਤ ਵੱਲ ਇਕੱਠੀਆਂ ਹੋ ਰਹੀਆਂ ਹਨ ਅਤੇ ਉਨਾ ਦੀ ਇਹ ਦਸ਼ਾ ਅਗਲੇ ਦੋ ਦਿਨ ਵੀ ਜਾਰੀ ਰਹੇਗੀ। ਇਸ ਕਾਰਨ ਪੂਰਬੀ ਮੱਧ ਪ੍ਰਦੇਸ਼ ਵਿੱਚ ਕਈ ਥਾਵਾਂ ਤੇ 27 ਤੇ 28 ਅਗਸਤ ਨੂੰ ਬੇਹੱਦ ਭਾਰੀ ਮੀਂਹ ਪੈ ਸਕਦਾ ਹੈ ਜਦਕਿ ਵਿਧਰਬ ਤੇ ਛੱਤੀਸਗੜ ਵਿੱਚ 27 ਅਗਸਤ ਨੂੰ ਕਿਤੇ ਕਿਤੇ ਬਹੁਤ ਭਾਰੀ ਵਰਖਾ ਹੋ ਸਕਦੀ ਹੈ। 27 ਤੇ 28 ਅਗਸਤ ਨੂੰ ਪੰਜਾਬ ਵਿੱਚ ਅਨੇਕਾਂ ਥਾਵਾਂ ਤੇ ਭਰਮੀ ਬਾਰਿਸ਼ ਹੋ ਸਕਦੀ ਹੈ। ਉੱਤਰਾਖੰਡ ਤੇ ਪੱਛਮੀ ਉੱਤਰ ਪ੍ਰਦੇਸ਼ ਵਿੱਚ 31 ਅਗਸਤ ਤੱਕ ਕੁੱਝ ਥਾਵਾਂ ਤੇ ਵਿਆਪਕ ਤੌਰ ਤੇ ਕੁੱਝ ਕੁ ਥਾਵਾਂ ਤੇ ਬਹੁਤ ਭਾਰੀ ਵਰਖਾ ਹੋਣ ਦੀ ਸੰਭਾਵਨਾ ਹੈ। ਹਰਿਆਣਾ, ਚੰਡੀਗੜ ਤੇ ਦਿੱਲੀ ਵਿੱਚ 28 ਤੇ 29 ਅਗਸਤ ਨੂੰ ਅਤੇ ਪੂਰਬੀ ਰਾਜਸਥਾਨ ਵਿੱਚ 29 ਤੇ 30 ਅਗਸਤ 2020 ਨੂੰ ਕੁੱਝ ਥਾਵਾਂ ਤੇ ਵਿਆਪਕ ਵਰਖਾ ਤੇ ਟਾਵੀਂ ਟਾਵੀਂ ਥਾਂ ਤੇ ਜ਼ੋਰਦਾਰ ਮੀਂਹ ਪੈ ਸਕਦਾ ਹੈ।
ਐਨਬੀ/ਕੇਜੀਐਸ
(रिलीज़ आईडी: 1649052)
आगंतुक पटल : 175