তেক্সতাইল মন্ত্রালয়

তেক্সতাইল মন্ত্রালয়না প্লাতিক খাওশিং মুথৎখিনবা পান্দম থমদুনা অনৌবা ৱাখল্লোন পুথোরক্নবা শিনখিবা তেক্সতাইল গ্রান্দ চেলেঞ্জ ২০১৯গী গ্রান্দ ফিনালে

থবক্কী খুদোংচাবা লৈহনবা য়ানবা ভারতকী অনৌবা তৌনিংবগী ইথিল অসি ইকো-ফ্রেনলী অমসুং কোস্ত-ফ্রেনলী ওইবা অতোপ্পা ৱাখল্লোন পুরকপা ঙমহন্নবগীদমক্তা ইন্সতিত্যুসন ওন্থোকপগী তঙাই ফদবা লৈঃ তেক্সতাইলগী কেন্দ্র মন্ত্রী শ্রীমতি স্মৃতি জুবিন ইরানি

Posted On: 27 AUG 2020 6:28PM by PIB Imphal

কেন্দ্রগী তেক্সতাইল অমসুং নুপী অঙাং চাউখৎপগী মন্ত্রী শ্রীমতি স্মৃতি জুবিন ইরানিনা থবক্কী খুদোংচাবা লৈহনবা য়ানবা ভারতকী অনৌবা তৌনিংবগী ইথিল অসি ইকো-ফ্রেনলী অমসুং কোস্ত-ফ্রেনলী ওইবা অতোপ্পা ৱাখল্লোন পুরকপা ঙমহন্নবগীদমক্তা ইন্সতিত্যুসন ওন্থোকপগী তঙাই ফদবা লৈ হায়খ্রে। তেক্সতাইল মন্ত্রালয়না শিনবা তেক্সতাইল গ্রান্দ চেলেঞ্জ ২০১৯গী মকোক তারবশিংগী মনা য়েন্থোকপগী থৌরমদা ৱা ঙাংবদা কেন্দ্রগী মন্ত্রীনা হায়খিবগী মতুং ইন্না প্রধান মন্ত্রী শ্রী নরেন্দ্র মোদীনা ওগস্ত ১৫, ২০১৯গী নিংতম্বা নুমিৎকী থৌরমদা প্লাস্তিক ৱেস্ত মেনেজমেন্তকী মতাংদা চপ চাবা ৱারেপ অমা লৌবগী খোল্লাও লাওখিবা অদুগী শরুক অমা ওইনা চেলেঞ্জ অসিদা শরুক য়ারিবা মীওইশিংনা অনৌবা থৌওং অমসুং ৱাখল্লোন পুথোরক্লিবা অসিনা মীয়াম খুদিংদা মান্নবা খুদোংচাবা পীবা হায়না ভারতপু তুংদা নিংশিংহৌরগনি হায়বা তাক্লে হায়খি।

কেন্দ্র মন্ত্রী শ্রীমতি স্মৃতি জুবিন ইরানিনা য়াম্না মরু ওইবা ওইনা লিমোনগী সেক্তরদা তেক্সতাইল মেছিনগী তেক্নোলীজী অসি ফগৎহনবগী তঙাই ফদবা লৈবগী মতাংদা মিৎয়েং চংখি অমসুং অনৌবা তেক্নোলোজী থোক্লক্নবা তেক্সতাইল সেক্তরগী অচৌবা মেছিনরীগী চাংদম্নবা অমা পাঙথোকপগী ৱাফম হৌদোকখি।

তেক্সতাইল গ্রান্দ চেলেঞ্জ ২০১৯ অসি নেস্নেল জুৎ বোর্দ অমসুং প্রোমোসন ওফ ইন্দস্ত্রী অমসুং ইন্দস্ত্রীএল ত্রেদ (দি.পি.আই.আই.তি.)কী বিভাগকী স্তার্ত-অপ ইন্দিয়া তীম্না থৱাই য়াওনা শৌগত্তুনা  তেক্সতাইল মন্ত্রালয়না শিনখিবনি। মসিগী পুৱারী ওইরবা থৌরম অসিগী পাঙথোকখিবগী পান্দমদি স্তার্ত-অপ/ওন্তোপ্রিনরশিংদা প্লাস্তিক খাও শিজিন্নবা লোইশিন্নবা জুৎ বাইও মাস, লিমোন পাম্বীদা য়ুম্ফম ওইবা বাইও-পোলীমর অমসুং কত্তন ফাইবর ৱেস্ত শিজিন্নদুনা পোৎ পুনবা  শেল চংদবা অমসুং অয়াংবা খাও পুথোকপগী অনৌবা ৱাখল্লোন পুথোকহনবনি। মসিগী থৌওং অসি মখাদা পীরিবা হীরমশিং অসিগী ৱারোইশিন পুরক্নবা পান্দম থম্বগা লোয়ননা ‘আত্মানির্ভর ভারত’ অমসুং ‘মেক ইন ইন্দিয়া’গী মাইকৈদা চঙশিনবনি। হীরমশিং অদুদিঃ ১)সিঙ্গল য়ুস প্লাস্তিক বেগ শিজিন্নবা মহুৎ শিনবগী তোঙানবা থৌওং; ২) লিমোন অমসুং লশিংগুম্বা য়ুমদা থাজবা মহৌশাগী ফাইবর শিজিন্নদুনা হন্না হন্না শিজিন্নবা প্লাস্তিক খাওগী মহুৎ শিনবা।

চেলেঞ্জ অসিদা অপুনবা এন্ত্রী ৬৭ ফংখি অমসুং মসিগী মনুংদগী এন্ত্রী ৩ – সিঙ্গল য়ুস প্লাস্তিক বেগকী মহুৎ শিনবা য়াবা অনৌবা ৱাখল্লোন ২ অমসুং মলতিপল য়ুস প্লাস্তিক বেগকী মহুৎ শিনবা য়াবা অনৌবা ৱাখল্লোন ১ – খনগত্তুনা মন্ত্রালয়না শেলগী মনা পীগনি। খনগৎলবা মকোক মথং তারবশিং অদুদিঃ এম./এস. অৱেগা গ্রীন তেক্নোলীজীজ, পুনে; এম./এস. ধ্রিতি বাইও সোল্যুসন, মৈশুরু অমসুং এম./এস. সক্তি নন- ৱুভনস, চেন্নইনি। মখোয়গী অনৌবা ৱাখল্লোনশিং অসি য়াম্না তোপ তোপ্পা ওইবতা নত্তনা জুৎ বাইও-মাস, জুৎ স্তার্চতা য়ুম্ফম ওইবা বাইও-পোলীমর অমসুং কত্তন ৱেস্ত ফাইবর শিজিন্নদুনা অনৌবা মওংদা শেল চংদবা, অয়াংবা অমসুং গ্রোসরী অমসুং লৈরবা পোৎশিং পুবদা মপাঙ্গল কনবা নন- ৱুভন কেরি বেগ পুথোকপগী মওঙ্গ ওইখি। মনাশিং অদু মখোয় মখোয়গী মফমশিংদা খুৎশিন্নখি অমসুং থৌরম অদুদা তেক্সতাইলগী সেক্রেতরী শ্রী রবি কপুরনা ভিদিও কনফরেন্সিংগী খুত্থাংদা শরুক য়াখি। মহাক্কা লোয়ননা তেক্সতাইল সেক্তরগী মরু ওইবা মীওইশিংসু বর্চুএলগী খুত্থাংদা শরুক য়াখি।

তেক্সতাইলগী সেক্রেতরী শ্রী রবি কপুরনা মন্ত্রালয়দা পাউদমখিবদা শ্রীমতি স্মৃতি জুবিন ইরানিগী পাউতাক্কী মতুং ইন্না নেস্নেল লেবেল ওথোরিতী অমা শেম্লি অমসুং মসিনা প্লাস্তিক্কী মহুৎ শিনবা য়াবা লিমোন, ফ্লেক্স, রামী, হেম্প, সিসাল, লফু অমসুং ৱাগুম্বা মহৌশাদা য়ুম্ফম ওইবা পোত্থোকশিং পুথোকপা অমসুং খুমাং চাউশিলহনবগী তঙাই ফদ্রবা থৌওংশিং কেন্দ্রগী থাক্তগী য়েংশিনবা ঙমগনি। মহাক্না হায়খিবদা মনা পীবা অসিনা অনৌবা স্তার্ত-অপ শেমগত্তুনা য়োকখৎপা অমসুং মথংগী থাক্তা পুখৎপা হৌবগী খোঙথাং অমনি অমসুং মসিগী মনুংদা তঙাই ফদবা শেলগী তেংবাং পীবা অমসুং মখোয়গী পোত্থোকশিংগী কৈথেল পীবসু য়াওরি হায়খি। তেক্সতাইল মন্ত্রালয়না মালেমগী মফমশিংদা মেলা য়াওবা মতমদা অসিগুম্লবা ওন্তোপ্রিনরশিং অসি মতিক চানা উৎপগী মফমশিং পীবা মতাংদা ৱাফম খরা হৌদোকখি। মসিগী থৌওং অসিনা ভারতকী ওন্তোপ্রিনরশিং অমসুং মখোয়গী পোত্থোকশিং অসিনা য়ুরোপকী কৈথেলদা থাদোকপা ঙম্বগী খুদোংচাবা ফংগনি। চেলেঞ্জ অসিদা শরুক য়ারক্লিবা ময়াম অসিবু থাগৎপা ফোঙদোক্লদুনা মহাক্না অনৌবা হেক্কাথোন অমসু অথুবা মতমদা লাউথোক্লগনি হায়বগী থাজবা ফোঙদোকখি।

তেক্সতাইল মন্ত্রালয়না ইন্দস্ত্রীগী মকোক থোংবা মীওইশিংদা অনৌবা পুথোরক্লিবা ৱাখল্লোন অমসুং তেক্নোলোজীশিং অসিবু শিজিন্নদুনা বাইওদিগ্রেদেবল অমসুং পোল্ল্যুসন থোকহন্দবা খাওশিং পুথোকপগী অনৌবা বেঞ্চর শেম্বদা তেংবাংনবা অমসুং অনৌবা স্তার্ত-অপশিং অমসুং মখোয়গী পোত্থোকশিং অসি য়োনবা ঙম্নবা খুমাং চাউশিলহন্নবা হায়খি।

*****



(Release ID: 1649049) Visitor Counter : 40