কমর্স অমসুং ইন্দস্ত্রিগী মিনিস্তর শ্রী পিয়ুস গোয়ালনা ঙসি হায়খি মদুদি সি অহুম হায়বদি কোওপরেসন, কোল্লাবোরেসন অমসুং কমিতমেন্তনা ভারত অমসুং অসিয়ান লৈবাকশিংগী মরক্তা মরুপ-মপাং ওইবগী অচেৎপা মরী লমজিংগনি। ভর্চুএল ওইনা পাংথোকপা অসিয়ান-ইন্দিয়া বিজিনেস কাউন্সিলগী মীফমদা শ্রী গোয়ালনা হায়খি কোবিদ-১৯ লাইচৎনা মরুওইনা অৱাবা তারকপা মতমদা ভারত মালেমগী খ্বাইদগী থাজবা মরুপনি হায়বা উৎনবগী খুদোংচাবা অমা ফংলে। অসিয়ান লৈবাকশিং অসি ভারতকী মরুওইবা মরুপশিংনি অমসুং চাউখৎ-থৌরাংগী মরুপশিংনি।

মিনিস্তরনা হায়খি অত্মানির্ভর ভারতনা মশাগী ওক্নবা পুথোকপা লৈবাক অমা ওইনবা থাজবা অমসুং থৌনাগা লোয়ন্না চপ মান্নবা অমসুং ফজবা থবকশিংদা মালেমগা পুন্না থবক তৌমিন্নবা থৌরাং তৌরি। তোঙান-তোঙানবা মরম কয়াদগী ভারত অমসুং অসিয়ান্না খুদোংচাবা কয়া মপুংফানা লৌবা ঙমদ্রি অমসুং হৌজিক লৈবাকশিংগী মরক্তা অমসুং ললোন-ইতিকশিংগী মরক্তা য়ানদবশিং ৱারোইশিন পুরক্তুনা ললোন-ইতিক্কী থবকশিং পাংথোক-চাউথোকহনবা মতম ওইরে। ললোন-ইতিক্কী খুৎথাংদা ভারতনা অসিয়ানগা লৈনবা মরী পাকথোক-চাউথোকহন্দুনা অমসুং পুন্না থবক তৌমিন্নদুনা দোল্লর বিল্লিয়ন ৩০০গী ললোন-ইতিক্কী পান্দম ফংনবা হোৎনগদবনি। বিজিনেস কাউন্সিলগী মীফম অসি খ্বাইদগী ফবা থবকশিং খন্নবা, ৱাখল্লোনশিং শরুক য়ামিন্নবা অমসুং খুদোংচাদবশিং পুথোক্তুনা খন্ননবগী অফবা মফম অমনি।

শ্রী গোয়ালনা হায়খি লাইচৎ অসি হৌরকপা মতমদা, কোবিদ-১৯ থেংনবদা দরকার ওইবশিং ফংনবা ভারতনা মালেমগী লৈবাকশিংদা মতেং লৌখি, অদুবু কান্নবা কয়া ফংখিদে, লৈবাক খুদিংমক মখোয় মশাগী ওক্নবা পৈশিন্দুনা থম্নখি। অদুবু ভারতনা হিদাক-লাংথকশিং পীখি অমসুং মালেমগী ফার্মাসি ওইনা থবক তৌখি। ঐখোয়না মালেমগী লৈবাক ১৫০দা হিদাক-লাংথকশিং পীখি। মরুওইনা লায়রবা লৈবাকশিংদা হিদাক-লাংথকশিং ফংহনখি। মসিনা ভারত অসি অৱাবা খঙবা, চানরবা মরুপ অমনি অমসুং অশেংবা মরুপ অমনি হায়বা উৎলে।

য়ুনিয়ন মিনিস্তরনা হায়খি লৈবাক অসিনা পি.পি.ই, মাক্স মরাংকাইনা পুথোক্লে অমসুং নোংমদা মীওই ১০০০ তেস্ত তৌরম্বদগী নোংমদা মিল্লিয়ন ১ তেস্ত তৌবা ঙম্বগী থাক্তা পুখৎলে। প্রধান মন্ত্রী নরেন্দ্র মোদীগী লমজিং মখাদা ঐখোয়গী ওক্নবা পুথোকচবা ঐখোয়না ঙমলে। লাইচৎ মনুংদা ভারতমচাশিংনা মাক্স শীজিন্নখি, মীয়ামদগী থাপ্না লৈনখি অমসুং ইমুং-মনুংগী মীওইশিং চেকশিন্না শেন্নখি। ঐখোয়গী অপুনবা থবকশিংনা অৱাবশিং থেংনবা ঙম্মি হায়বা ভারতনা উৎলে অমসুং ঐখোয়গী অপুনবা থবকশিংনা ঐখোয়না পুন্সি কয়া কল্লে অমসুং হিংনবগী লম্বীশিং ফংহল্লে। পুন্সি কয়া কন্নবা ঐখোয়না অকনবা লোকদাউন থমখি অমসুং হিংনবগী লম্বীশিং ফংহন্নবা অথুবদা লোককাউনশিং লৌথোকখি।

*****