এপ্রিল ১১, ২০২০দগী হৌদুনা ওগস্ত ২৫, ২০২০ ফাওবা লোকস্ত সর্কল ওফিসরশিং (এল.সি.ও.শিং)না  রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা রাজ্যশিং অসিগী লম হেক্তর ২,৭৯,০৬৬তা লোকস্ত কন্ত্রোল ওপরেসন চত্থখ্রে। ওগস্ত ২৫, ২০২০ ফাওবদা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিশগর, হরিয়ানা, উত্তরাখন্দ অমসুং বিহার রাজ্যশিং অসিগী রাজ্য সরকারনা লম হেক্তর ২,৮৭,৩৭৪দা লোকস্ত কন্ত্রোল ওপরেসন চত্থখ্রে।

শোকহল্লবা মফমশিংদা ঙরাং কৌজেং মপীশিং নত্রগা হোপ্পরশিং উখিদে। অদুম ওইনমক রাজস্থান অমসুং গুজরাতকী রাজ্যশিংদা গারিশিং অমসুং স্প্রেগী খুশু খুলাই মরাং কায়না থম্বগা লোয়ননা সর্ভে অমদি কন্ত্রোল চত্থনবা মীওইশিং মীৎনা শিংনা লৈখি। ঙসি (২৬.০৮.২০২০) অসিদা এল.সো.ও.শিংনা করিগুম্বা কৌজেংশিং লৈবরা য়েংনবা অমদি হাতোক্নবা অকনবা সর্ভে ওপরেসনশিং মখা চত্থখি।

ফুদ এন্দ এগ্রিকলচর ওর্গনাইজেসনগী ওগস্ত ২৪, ২০২০গী লোকস্ত স্তেতস অপদেৎকী মতুং ইন্না, ইন্দো-পাকিস্তানগী কালেনগী মরুম কোপকফমশিংদা শান্না পায়বা ঙম্বা কৌজেং শঙ্গুশিংদগী খুদোংথিবা হন্থরকখ্রে। খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী তেক্নিকেল ওফিসরশিংগী ভর্চ্যুল মীফম ২২ পাঙথোকখ্রে।

*****