শেল-থুম মন্ত্রালয়
ভারত লৈঙাক অমসুং এ.আই.আই.বি.না মুম্বাইগী সবঅর্বান রেলৱে সিস্তেমগী নেতৱর্ক কেপাসিতী, সর্ভিস কেপাসিতী অমসুং সেফতী ফগৎহন্নবগীদমক দোলর মিল্লিয়ন ৫০০গী য়ানচে খুৎয়েক পীনখ্রে
Posted On:
24 AUG 2020 5:19PM by PIB Imphal
ভারত লৈঙাক, মহারাস্ত্র লৈঙাক, মুম্বাই রেলৱে ভিকাস কোর্পোরেসন অমসুং এসিয়ন ইন্ফ্রাস্ত্রকচর ইনভেস্তমেন্ত বেঙ্ক (এ.আই.আই.বি.)না মুম্বাইগী সবঅর্বান রেলৱে সিস্তেমগী নেতৱর্ক কেপাসিতী, সর্ভিস ক্বালিতী অমসুং সেফতীগী ফীভম ফগৎহন্নবগীদমক ঙসি দোলর মিল্লিয়ন ৫০০গী মুম্বাই অর্বান ত্রান্সপোর্ত প্রোজেন্ত-৩গী য়ানচে খুৎয়েক পীনখ্রে।
প্রোজেক্ত অসিনা মফমদুগী নেতৱর্ক কেপাসিতী হেনগৎহন্দুনা খোঙচৎকী মতম অমদি খোঙচৎলোয়শিংগী খুদোংথিবা এক্সিদেন্ত হন্থহনগনি হায়না পানরি। সেফতী অমসুং সর্ভিস ক্বালিতী ফগৎহনবা অসিনা প্রোজেক্ত অসিগী প্রাইমারী বেনিফিসিয়রীশিংগী মরক্তা চাদা ২২ ওইরিবা নুপী পেসেঞ্জরশিংদা কান্নবা পীগনি।
লোনগী য়ানচে অদু ভারত লৈঙাক্কী মহুৎ শিন্দুনা শেনথুম মন্ত্রালয়গী দিপার্তমেন্ত ওফ ইকনমিক এফ্যার্সকী এদিসনেল সেক্রেতরী শ্রী সমীর কুমার খারে, মহারাস্ত্র লৈঙাক্কী মহুৎ শিন্দুনা চীফ সেক্রেতরী শ্রী সঞ্জয় কুমার, মুম্বাই রেল ভিকাস কোর্পোরেসনগী মহুৎ শিন্দুনা চীফ মেনেজিং দিরেক্তর শ্রী আর.এস. খুরানা অমসুং এ.আই.আই.বি.গী মহুৎ শিন্দুনা ইনভেস্তমেন্ত ওপরেসনগী দিরেক্তর জেনেরেল (এক্তিং) শ্রী রজত মিস্রানা খুৎয়েক পীনখি।
শ্রী খারেনা ফোঙদোকখিবদা প্রোজেক্ত অসিনা লম্বীগী ত্রান্সপোর্তকা চাংদম্নবদা হেন্না য়াঙবা, হেন্না থাজবা য়াবা, হেন্না ৱাংবা ক্বালিতীগী চত্থোক চৎশিনগী সর্ভিস পীদুনা মুম্বাইগী সব অর্বান রেলৱে সিস্তেমগী পেসেঞ্জরশিংদা হেন্না ফগৎলবা মোবিলিতী, সর্ভিস ক্বালিতী অমসুং সেফতী পীবদা মতেং ওইগনি। ত্রেসপাস কন্ত্রোলগী থৌরাংশিং হৌদোক্তুনা পেসেঞ্জরশিংগী অমদি মীয়ামগী হকথেংননা শাফগদবা ফীভম লৈগনি।
মীশিং মিল্লিয়ন ২২.৮ (২০১১) লৈদুনা মুম্বাই মেত্রোপোলিতান রিজন (এম.এম.আর.) অসি ভারতকী খ্বাইদগী মীশিং য়ামবা মেত্রোপোলিতান রিজন ওইরি অমদি ২০৩১ ফাওবদা মীশিং মিল্লিয়ন ২৯.৩ অমদি ২০৪১ ফাওবদা মিল্লিয়ন ৩২.১ য়ৌগনি হায়না পানরি। হায়রিবা মীশিং হেনগৎলকপগী ফীভম অসিনা মুম্বাইগী ময়োললম চাউথোরকপগী মরুওইবা মরম ওইদুনা মহারাস্ত্র স্তেতপু ফীভম ফবা ময়োললম অমসুং ইনফ্রাস্ত্রকচর প্লান্নিংদা অহেনবা মীৎয়েঙ চঙদুনা শেন্মিৎলোনগী থৌওংশিং, মোবিলিতী লোয়ননা এনভাইরমন্মেন্তেল অমসুং সোসিইএল আউতকম হেন্না ফগৎহনবনচিংবশিংদা বেলেন্স তৌহল্লি।
মুম্বাইগী চত্থোক চৎশিন তৌরিবা মীয়ামগী চাদা ৮৬রোমদি পব্লিক ত্রান্সপোর্ত শীজিন্নৈ। অদুম ওইনমক, হেনগৎলক্লিবা ত্রেভেল দিমান্দগা চাননা সপ্প্লাইগী খোঙজেল য়াঙহনবা ঙমদ্রি। মোতোরাইজ ত্রেভেল পুম্নমক্কী শরুক মরী থোকপগী অহুম (পেসেঞ্জর কি:মি: চাদা ৭৮ নৎত্রগা নোংমদা পেসেঞ্জর মিল্লিয়ন নিপান) পুথোক পুশিন তৌরিবা অমদি চহীদা চাদা অহুমগী চাংদা হেনগৎলক্লিবা মুম্বাই সবঅর্বান রেলৱে নেতৱর্ক অসি মালেমগী খ্বাইদগী শাথিবা মী চিনবগী ফীভম খরা থেংনরি। য়ুজর এক্সপিরিএন্সসু মতিক চাদবা কেরিএজ, ফীভম তাদবা স্তেসন অমদি স্তেসন এক্সেস, অমসুং শাথিবা সেফতীগী ৱাফমনা মখা তানা খুদোং চাদবা মায়োক্নহল্লি। মুম্বাই সবঅর্বান রেলৱে নেতৱর্কতা ২০০২-২০১২কী মরক্তা, মীওই ৩৬,১৫২ হেন্না শিখি (নোংমদা মীশিং ৯.৯ শিবগী চাংদা), অমদি মীশিং ৩৬,৬৮৮ শোকখি। এক্সিদেন্তশিং অমসুং মী শিবগী মরুওইবা মরম অমদি স্তেসন্দা নৎত্রগা স্তেসনশিংগী মরক্তা চঙথোক চঙশিন তৌবা লোয়ননা স্তেসন অমসুং ত্রেন কার অনিমক্তা মী য়াম্না তিনবসিনি।
এ.আই.আই.বি. ভাইস প্রেসেদেন্ত দি.জে. পান্দিয়ননা হায়খিবদা প্রোজেক্ত অসিনা ঐখোয়গী মেম্বর লৈবাকশিংগী ত্রান্সপোর্ত কেপাসিতী পীবগী থৌওংদা শৌগৎবা, খুরৌ চেনবশিং কোকহন্দুনা মুম্বাইকর মিল্লিয়ন কয়াগী চত্থোক চৎশিনগী ফীভম ফগৎহন্নবগী অচৌবা খোঙথাং অমা ওইরি। ঐখোয়গী ত্রান্সপোর্ত সেক্তর স্ত্রেতেজীকা চাননা, মুম্বাই অর্বান ত্রান্সপোর্ত প্রোজেক্ত-৩ অসিনা পেসেঞ্জরশিংবু কার্বোন হেন্না থাদোকপা লম্বীগী চত্থোক চৎশিনগী পাম্বৈদগী হেন্না ফবা অমসুং খুদোংচাবা রেলদা য়ুম্ফম ওইবা চি্থোক চৎশিনগী পাম্বৈদা পুরক্তুনা কার্বোন থাদোকপগী চাং হন্থহনবদসু মতেং ওইগনি। মসিগীসু মথক্তা, হেন্না ফগৎলবা সেফতী অমসুং সর্ভিস ক্বালিতী অসিদগী নুপী পেসেঞ্জরশিংদা কান্নবা পীগনি।
প্রোজেক্ত অসিগী চাউরাকপা অপুন্বা শেনফমদি দোলর মিল্লিয়ন ৯৯৭নি, মসিগী মনুংদা দ,লর মিল্লিয়ন ৫০০না এ.আই.আই.বি.না, দোলর মিল্লিয়ন ৩১০না মহারাস্ত্র লৈঙাক্না অমদি দোলর মিল্লিয়ন ১৮৭না রেলৱেজ মন্ত্রালয়না পুথোক্কনি। এ.আই.আই.বি.দগী দোলর মিল্লিয়ন ৫০০গী লোন অসি চহী ৫গী গ্রেস মতম অমদি চহী ৩০গী মেচ্যুরিতী মতম লৈগনি।
****
(Release ID: 1648277)
Visitor Counter : 152