উপ-ৰাষ্ট্ৰপতি শ্ৰী এম. ভেংকায়া নাইডুৱে মহিলা সবলীকৰণৰ বাবে ৰাষ্ট্ৰজোৰা অভিযান হাতত লোৱাৰ আহ্বান জনাই কোনো এগৰাকী কন্যাই যাতে বিদ্যালয় শিক্ষাৰ পৰা বঞ্চিত নহয়, সেই সুনিশ্চিত কৰিবলৈ কয়৷

তেওঁ অৱশ্যে বেটী বচাও বেটী পঢ়াওৰ দৰে কাৰ্যসূচীৰ ইতিবাচক প্ৰভাৱ পৰা বুলি উল্লেখ কৰে যদিও কন্যাসকলক সৈ সামাজিক চিন্তাধাৰা সলনি কৰাত আৰু অধিক প্ৰয়াস কৰাৰ আৱশ্যকতা আছে বুলি কয়৷

“মহিলাসকলৰ ক্ষেত্ৰত ভেদভাৱ দূৰ কৰি তেওঁলোকক সবলীকৰণ কৰক” শীৰ্ষক নিজৰ ফেচবুক পোষ্টত শ্ৰী নাইডুৱে লিখে যে দেশৰ মুঠ জনসংখ্যাৰ প্ৰায় ৫০ শতাংশই মহিলা৷ ৰাজনীতিকে ধৰি সকলো ক্ষেত্ৰত তেওঁলোকক সমান সুবিধা নিদিয়ালৈকে দেশৰ প্ৰগতি অসম্ভৱ৷ সেইবাবে তেওঁলোকৰ প্ৰতি আমি নিজৰ আচৰণ আৰু কৰ্মৰ মাজত ভেদভাৱ দূৰ কৰিব লাগিব৷ এয়া আমাৰ লক্ষ্য হোৱা উচিত৷

তেওঁ ৰাজনৈতিক দলসমূহক সংসদ আৰু বিধানসভাত মহিলাসকলৰ বাবে আসন সংৰক্ষণৰ ক্ষেত্ৰত সহমত পোষণৰ আহ্বান জনায়৷ মহিলাসকলৰ আৰ্থিক স্বাৱলম্বিতাৰ বাবে অভিভাৱকসকলক তেওঁলোকৰ সম্পত্তিৰ সমান ভাগৰ অধিকাৰৰ পোষকতা কৰে৷

উপ-ৰাষ্ট্ৰপতিয়ে কিছু দিন পূৰ্বে জনসংখ্যা আৰু বিকাশ সম্পৰ্কীয় ভাৰতীয় সাংসদসকলৰ সংগঠন(আইএপিপিডি)ৰ দ্বাৰা লিংগ অনুপাতৰ সন্দৰ্ভত প্ৰস্তুত কৰা “ভাৰতত জন্মৰ সময়ত লিংগ অনুপাত” শীৰ্ষক এক প্ৰতিবেদন উন্মোচন কৰিছিল৷ এই প্ৰতিবেদন অনুসৰি ২০০১-২০১৭ ৰ মাৰ সময়ছোৱাত দেশত কন্যা শিশুৰ জন্মৰ সংখ্যা কম আছিল৷

এই লৈ উদ্বেগ প্ৰকাশ কৰি উপ-ৰাষ্ট্ৰপতিয়ে ইয়াক সংশোধন কৰাৰ বাবে জন প্ৰতিনিধি, সংবাদ মাধ্যম আৰু চৰকাৰৰে ধৰি সকলো অংশীদাৰক যুদ্ধোত্তৰ প্ৰচেষ্টা গ্ৰহণ কৰাৰ আহ্বান জনায়৷

তেওঁ জনপ্ৰতিনিধিসকলক ইয়াৰ গম্ভীৰতাৰ সম্পৰ্কে জন সজাগতা সৃষ্টি কৰাৰ আহ্বান জনায়৷ তেওঁ প্ৰতিগৰাকী নাগৰিকক যৌতুকৰ দৰে কু-প্ৰথাৰ বিৰোধিতা কৰা তথা পুত্ৰ সন্তানত অগ্ৰাধিকাৰ দিয়াৰ দৰে চিন্তাধাৰা দূৰ কৰিবলৈ কয়৷

ভ্ৰূণ পৰীক্ষণ(পিচি আৰু পিএনডিটি) আইন কঠোৰভাৱে বলবৎ কৰাৰ প্ৰতি জোৰ দি উপ-ৰাষ্ট্ৰপতিয়ে কয় যে মহিলা আৰু কন্যাৰ প্ৰতি কোনো ধৰণৰ বৈষম্য গ্ৰহণযোগ্য হোৱা অনুচিত৷

নতুন ভাৰতত দুখীয়া, নিৰক্ষণ তথা অন্য সামাজিক কু-প্ৰথাৰ বিৰু্দ্ধে নাগৰিকসকলক সামগ্ৰিক প্ৰচেষ্টা গ্ৰহণৰ আহ্বান জনায় উপ-ৰাষ্ট্ৰপতিয়ে লিখে যে প্ৰতিগৰাকী নাগৰিকে, বিশেষকৈ যুৱ প্ৰজন্মই এনে এক সমৃদ্ধিশালী আৰু সুস্থ ভাৰত নিৰ্মাণৰ যজ্ঞত সহযোগ কৰাৰ বাবে আগবাঢ়ি অহা উচিত, য’ত কোনো বৈষম্য নাথাকে৷

****

VRRK/MS/MSY/DP/DB