ভারতকী উপ-রাস্ত্রপতি শ্রী এম. বেঙ্কয়া নাইদুনা ঙসি নুপীশিংবু মপাঙ্গল হাপ্পগী লৈবাক্কী ওইবা ইহৌ অমা হৌসি অমসুং নুপীমচাশিংবু স্কুল কাহনসি হায়খ্রে।

‘বেতি বচাও, বেতি পরাও’ ফ্লেগশিপ স্কিম অসিদা মিৎয়েং চংলদুনা শ্রী নাইদুনা স্কিম অসিনা অফবা চৈথেং অমা পীবা ঙম্লে অমসুং মীয়ামগী ৱাখল্লোন শেমদোক্নবা থবক কয়া অমা পাঙথোকপগী মথৌ তারি হায়খ্রে।

“তাথী তাওইনা তৌবা লেপ্লসি, নুপীশিংবু মপাঙ্গল হাপ্লসি” হায়না মিংথোনবা ফেসবুক্কী পোস্ত অমদা শ্রী নাইদুনা ভারতকী মীশিংদা নুপীশিংগী মীশিংনা চাউরাক্না শরুক ৫০% ওইরি অমসুং মখোয়বু হীরম খুদিংদা, রাজনিতী য়াওনা, মান্নবা মিৎয়েং য়েংদ্রিমখৈ লৈবাক চাউখৎপা ঙম্লোই হায়খি। “ঐখোয়না জেন্দরদা য়ুম্ফম ওইবা মীচং মীখায় নাইবগী থবক তৌদ্রে হায়বসি থবক্না তাক্কদবনি অমসুং মসি ঐখোয়গী পান্দম ওইগদবনি” হায়না হায়খ্রে।

পার্লিয়ামেন্ত অমসুং লেজিসলেচরদা নুপীশিংগী মতিক চাবা মফম অমা লৈহনবগী কুইনদগী পন্দুনা লাক্লবা হীরম অসিগী ওইনা অথুবা মতমদা য়ানবা অমা পুরক্নবা মহাক্না রাজিনিতী দলশিংদা হায়খ্রে। নুপীশিংগী শেন্মিৎলোনগী হীরমদা চাউখৎপা পুরক্নবা মমা মপাগী লন-থুমগী মান্নবা শরুক ফংহনবগী হক পীবগী তঙাই ফদবা লৈরে হায়নসু মহাক্না হায়খি।

উপ-রাস্ত্রপতিনা হন্দক্তা ‘ভারতকী পোকপদা লৈবা সেক্স রেসিওগী ফিভম’ কৌবা রিপোর্ত অমা ফোঙখি অমসুং মসিদা ইং ২০০১-১৭ ফাওবগী মনুংদা পোকপদা লৈবা সেক্স রেসিও অসিদা অহোংবা লৈত্রি অমসুং মহৌশাগী ওইনা নুপী পোকপগী চাং য়াম্না হন্থরি হায়না পল্লি। রিপোর্ত অসি ইন্দিয়ন এসোসিএসন ওফ পার্লিয়ামেন্ত ফোর পোপ্যুলেসন দিবেলপমেন্ত (আই.এ.পি.পি.দি.)না পুথোকখিবনি।

রিপোর্ত অসিগী মতাংদা পল্লদুনা মহাক্না হীরম অসি য়াম্না চেকশিন্নিংঙাইনি অমসুং স্তেকহোলদর খুদিংমক্না-খুন্নাইদগী হৌদুনা পার্লিয়ামেন্ত, পোলিসী শেম্বশিং, ওপিনিয়ন লীদরশিং, মীদিয়া ওর্গনাইজেসনশিং অমসুং নুপীগী য়াইফনবগীদমক্তা থবক তৌরিবা তোঙান তোঙানবা ওর্গনাইজেসনশিং ফাওবা-  ৱার ফুতিংদা থেংবগী মথৌ তাই হায়খি।

মীয়াম্না খল্লবা মীহুৎশিংনা মখোয়গী মফমদা লৈরিবা খল মান্নদবা সেক্স রেসিওগী মতাংদা মিৎয়েং চংহন্নিংবগী অপাম্বা ফোংদোক্লদুনা শ্রী নাইদুনা লৈবাক মীয়াম খুদিংনা অউনপোৎকী চৎনবী অমসুং “নুপামচা পাম্বগী” ৱাখল্লোন থাদোক্তুনা থবক চংশিনমিন্নসি হায়খি।

প্রি-কনেস্পসন অমসুং প্রি-নেতেল দাইগ্নোস্তিক তেক্নিক (পি.সি. অমসুং এন.দি.তি.)বু অকনবা মওংদা থবক ওইনা পাঙথোকপগী তঙাই ফদবগী মতাংদা পল্লদুনা উপ-রাস্ত্রপতিনা নুপীমচাশিং অমসুং নুপীদা তাথী তাওই তৌবদা ঐখোয়না তুমিন্না লৈথোক্লোইদবনি হায়খ্রে।

মীয়াম পুম্বনা অমত্তা ওইবা মওংদা লায়রবা, ইবা-পাবা থোক্তবা অমসুং অনৌবা ভারত অমা ওইহনবদা অয়েৎপা পীরিবা খুন্নাইগী ফত্তবশিং অসিগা লান্থেংমিন্নসি হায়রদুনা শ্রী নাইদুনা ভারতকী মীওই খুদিংনা, মরু ওইনা নহাশিংনা, মওং অমতগী তাথী তাওই তৌবা লৈতবা অনৌবা ভারত অমা শেম্নবা পাঙথোকপা য়াগনাদা শরুক য়ানবা হায়খি।

****