এপ্রিল ১১, ২০২০দগী হৌদুনা ওগস্ত ২২, ২০২০ ফাওবা লোকস্ত সর্কল ওফিসরশিং (এল.সি.ও.শিং)না  রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা রাজ্যশিং অসিগী লম হেক্তর ২,৭৮,৭১৬তা লোকস্ত কন্ত্রোল ওপরেসন চত্থখ্রে। ওগস্ত ২২, ২০২০ ফাওবদা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিশগর, হরিয়ানা, উত্তরাখন্দ অমসুং বিহার রাজ্যশিং অসিগী রাজ্য সরকারনা লম হেক্তর ২,৮৭,৩৭৪দা লোকস্ত কন্ত্রোল ওপরেসন চত্থখ্রে।

ঙরাং অয়ুক অমদি নুমিদাংগী মতমদা রাজস্থানগী জিলা ০৩ মদুদি জেসলমের, জোধপুর অমসুং বিকানেরগী মফম ০৪দা অমসুং গুজরাতকী কছ জিলাগী মফম ০২দা এল.সি.ও.শিংনা হোপরশিংগী মা্য়োক্তা কন্ত্রোল ওপরেসনশিং চত্থখি। রাজস্থান অমসুং গুজরাত্তা স্প্রে য়াওবা গারিশিংগা লোয়ননা মেনপাৱর অমসুং কন্ত্রোল তিম মরাং কায়না থাজিনখ্রে

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিশগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

ঙসি (২৩.০৮.২০২০)দা রাজস্থানগী জেসলমের, জোধপুর অমসুং বিকানেরগী জিলাশিংদা অমসুং গুজরাতকী কছ জিলাদা হোপ্পরশিং লৈবা উখি।

ফুদ এন্দ এগ্রিকলচর ওর্গনাইজেসনগী ওগস্ত ১৪, ২০২০গী লোকস্ত স্তেতস অপদেৎকী মতুং ইন্না, হোর্ন ওফ এফ্রিকাদা শান্না পায়বা ঙম্বা কৌজেং শঙ্গুশিং লৈখি। য়েমেন্দা নোং ফজনা চুবনা মরম ওইরগা হোপ্পর বেন্দশিং অমসুং শান্না পায়বা ঙম্বা কৌজেং শঙ্গুশিং পায়শিল্লকদোরি। ইন্দো-পাকিস্তান ঙমখৈদা হোপ্পর গ্রুপশিং অমসুং বেন্দশিং লেপ্তনা শেম্লি।

খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী তেক্নিকেল ওফিসরশিংগী ভর্চ্যুল মীফম ২২ পাঙথোকখ্রে।

*****