‘ঈশিং অসি হেনগৎলক্লোই অদুবু মসি লিকনা শীজিন্নগদবনি’- ৱাখল লৈরবা ৱাহৈশিং অসি ফোঙদোকপা মতমদা রামদাসকী মায়থোং অদু অৱানা খাঙবগী মমি তাই অমসুং খোঞ্জেল অদু কল্লপনা তৌখি। পুনেগী জিলা ঈশিং তাংবা মফম অমগী দিপুতী সর্পঞ্চ ওইনা মহাক্না লৌশিং অসি মহাক্কী কাংলুপনা ঈশিং মরিক অমগীদমক থেংনরিবা অৱাবা অসি উবদগী ফংলকখিবনি।

রামদাস অসি পুনেগী উগালেৱদি খুঙ্গংগী মিতর ৯২৭ ৱাংবা য়ুমশিং ৪০ তাবা চিংমচা অমা ওইরিবা ভোজানেৱদিগী খুঞ্জা অমনি। চহি কয়া মহাক্কী কাংলুপ মরু ওইনা নুপীশিংনা অফবা ঈশিং ফংদবনা মরম ওইদুনা অৱাবনা থল্লবা পুন্সি মহিং অমা লেনবা মহাক্না উদুনা লাক্লি। খুঙ্গং অসিগী অকুৎ-অতোং নাইবা ফীভম অসিনা মরম ওইদুনা মী তারিবা মফম অসিদা চিংখোংদা লৈরিবা খুঙ্গংগী ঈশিং পীরিবা গুহা অসিদগী ৱাতর সপ্লাইগী পাইপ পুবদা অৱাবা ওইহল্লি।

উগালেৱাদিগী মরু ওইবা খুন মচা (গাওথান) অসিদা তেপ ৱাতর সপ্লাই সিস্তেম লৈ, মসিদা গুহাদগী লোয়ননা তুরেলদগী ঈশিং চিংখৎলি অমসুং তেঙ্কতা হাপ্পী অমসুং মসিবু মরু ওইবা খুন মচা অসিগী য়ুমথোং খুদিংদা ফংহল্লি। অদুবু ভোজানেৱদিগী ওইন্দি থক্নবা ঈশিংগীদমক মফম অদুগী লৈনুংগী ঈশিংদা তাংদুনা লৈরি মরমদি চিংমায়দা লৈবনা অমসুং অকনবা-অচৌবা বেসল্ত ওইবনা মফম অসিগী লৈনুংগী ঈশিংগী চাং অসি নেম্মি। মমাংদা ভাওজানেৱদিনা ‘শিবাকালিন তেঙ্ক স্কিম’গী মখাদা অকনবা-অচৌবা বেসল্তদা শাবা তেঙ্ক অসিদগী মখোয়গী থক্নবা অমসুং য়ুমগী শীজিন্ননবা ঈশিং ফংহল্লম্মী। ইনফ্লোশিং অসি অককনবা ওইবনা অমসুং নোং লিকনা তাবা পন্থাদা মফম অসিগী মীয়াম্না ঈশিং তাংবগী অৱাবা মায়োক্নরি। মফম অসিগী মীয়াম্না মিতর ৫০০ খোঙনা মথক্তা কাদুনা ঈশিং শোকইবা তাখি।

কাংলুপ অসিগী মরু ওইনা নুপীশিংগগী অৱাবা অসি কোকহন্নবা, রামদাসনা খুন মচা অসিদা অফবা ঈশিং ফংহন্নবা লুচিংদুনা হোৎনখি। মসি মায় পাক্নবা মী তারিবা মফম অসিগী মনাক্তা লির ৫,০০০ চনবা তেঙ্ক অমা শাখি। মসিনা কাংলুপ অসিনা অরাপ্পা মফমসগী চত্তুনা ঈশিং শোকপগী মতম হন্থহনবদা অমসুং হোৎনবদা মতেং পাংলি। তেঙ্ক অসিদগী ঈশিং অসি শিবাকালিন তেঙ্ক অসিদগী সিফোনগী পাম্বৈনা পুরকই অমসুং তোতিগী খুত্থাংদা য়ুমথোং ৪০দা ফংহল্লি। তেঙ্ক অসি ঈশিং চনবা হেনগৎহন্নবা মসি য়ুনিসেফ – মুম্বাইনা তেংবাংলিবা ‘দ্রোপ্স ওফ হোপ’ অমসুং জল জীবন মিসনগী মখাদা লুবা হেনগৎহনখি অমসুং শেমজিনখি।

ঈশিং ফজনা শীজিন্নবা য়ানবা অমসুং ক্বাইলিতী লৈহন্নবা, রামাসনা খুঞ্জাশিংবু পুনশিন্দুনা মখোয়দা মফম অদুগী মীয়ামগী মথৌ তাবা থক্নবা ঈশিং চহি চুপ্পা ফংহন্নবা কাঙলোন খরা ঙাক্না চৎপা মথৌ তাবা অদু খঙহন্নখি। কাংলুপ অসিনা ঈশিং লিক্না শীজিন্ননবা কাঙলোন খরা শেমখি। ভোজানেৱদিগী খুঞ্জাশিংনা ঈশিং অসি নোংজু মতমদা তেঙ্কতা ঈশিং মরাং কায়না লৈবা মতমদা খক্তা সিফোন সিস্তেম শীজিন্ননবা ৱারেপনখি। লেমহৌরিবা থা নিপান অসিদনা কাংলুপ অসিনা শিবাকালিন তেঙ্কতগী ঈশিং শোক্লি। অসুম্না তৌদুনা, কাংলুপ অসিনা ঈশিং হেন্না শীজিন্নবরা য়েংশিল্লি। তেঙ্ককী ঈশিং অসি ক্বালিতী লৈবরা হায়বা কুপ্না য়েংশিল্লি অমসুং মীয়ামনা তেঙ্ক মনাক্তা ঈশিং শোকচিনবা অমসুং শা-শন তেঙ্ক মনাক্তা চংবদা অথিংবা থম্মি।

মসিনা মীয়াম পুন্না হোৎন্দুনা লৌখৎপা দিসেন্ত্রেলাইস ৱাতর মেনেজমেন্তগী অফবা খুদম অমা ওইবা ঙম্লে। ঈশিং অসি লিক্না শীজিন্নবনা ভোজানেৱদিদা কালেন থাদা ঈশিং তাংবা হায়বা অসি হৌজিক্তি থোকখিদ্রে।

মহারাস্ত্রাদা ঈশিংগী অৱাবা অসি চহি কয়া ইকং থোকপনা মরম ওইদুনা কাহেন্না ফীভম শোকচিল্লে অমসুং নোং চাং নায়না তাদবা অমসুং অচৌবা মাং তাকপা অমা থোকপগী ফীভমদা লৈবনা ৱাতর তেবল অসি অৱাবগী চাংদা কায়থরে। অসিগুম্বা অৱাবা ফীভম অসিদা ভোজানেৱদি খুঙ্গংগী মীয়াম পুন্না হোৎনবগী অফবা ৱারীশিং অসিনা অৱাবা কোকহল্লি। কেন্দ্র সরকারগী অচৌনা প্রোগ্রাম ওইরিবা জল জীবন মিসন মায় পাকপদা গ্রাম পঞ্চায়ৎশিং, মফম অদুগী মীয়ামশিং অমসুং রামদাসগুম্বা অশেংবা লুচিংবনা খুঙ্গংশিংদা ৱাতর সপ্লাই সিস্তেমশিং মতম-শাংনা চল্লাইনবা প্লানিং তৌবা, ইমপ্লিমেন্ত তৌবা, য়েংশিনবা, চল্লাইবা অমসুং শেমজিন্না অমদি মীয়াম য়াওহনবদা মরু ওইবা থৌদাং শোইদনা লৌবা মথৌ তাহল্লি। ঐখোয়গী কন্সতিত্যুসনদা ইদুনা লৈরিবা অপুনবনা পাঙ্গলনি হায়বা অদু তাক্লি।

জল জীবন মীসন অসিনা লৈবাক অসিদা লৈরিবা য়ুমথোং খুদিংদা চাং নায়না অমসুং মতম শাংনা থক্নবা ঈশিং মতিক চানা (@নোংমদা মীওই অমদা লিতর ৫৫কী চাংদা) অমসুং অফবা মখলগী ঈশিং পীনবা পান্দম থম্লি। খুঙ্গংগী লমদমদা য়ুমথোংগী তোতি শম্বা অসিনা নুপীশিংগী মরুওইনা নুপীমচাশিংগী অৱাবা পোৎলুম অমা কোকহনবদা মতেং পাংলগনি। মসিনা খুঙ্গংগী মফমশিংদা লৈরিবা মীওইশিংগী হিংবগী মহাওসু হেনগৎহল্লগনি।  

*****