সাইন্তিফিক ওইনা ভিসেরল লৈশ্মানিয়াসিস হায়না খঙনবা ত্রোপিকেলগী নাইনাশিংগী মরক্তা অমা ওইরিবা কালা-আজার নারবা অনাবশিংনা ভারত্তগী ওরেল নেনোমেদিসিন্না অথুবদা ফহল্লবা য়াই। ওরেল থেরাপ্যুতিকশিং অসিনা বঙ্গলাদেশ, ব্রাজিল, চাইনা, ইথিওপিয়া, ভারত, কেন্যা, নেপাল, সোমালিয়া, খা সুদান অমসুং সুদান্দা চাদা ৯৫ নাহল্লিবা ভি.এল. অসি লাশিনবা অমসুং মুত্থৎপদা মতেং ওইরগনি।

দিপার্ত্মেন্ত ওব সিয়ান্স অমসুং তেক্নোলোজী, ভারত সরকারগী মখাদা ওতোনোমস ইন্সতিত্যুৎ অমা ওইরিবা ইন্সতিত্যুৎ ওব নেনো সাইন্স অমসুং তেক্নোলোজী (আই.এন.এস.তি.), মোহালিদগী সাইন্তিস্তশিংনা ওরেল নেনোমেদিসিন অমা সর্ফেস মোদিফাইদ সোলিদ লিপিদ নেনোপার্তিকলদা য়ুম্ফম ওইবা ভিসেরল লৈশ্মানিয়াসিস লানেথেংননবগী পুশিনলবা কার্গো সিস্তেম অমা পুথোকখ্রে। দি.এস.তি-সর্ব অর্লি কেরিয়র রিসর্চ এৱার্দনা শৌঙাক পীবা মখোয়না নৈনদুনা পুথোকখিবসি 'সাইন্তিফিক রিপোর্তস' অমসুং 'মতিরিএল সাইন্স এন্দ ইঞ্জিনীয়রিং সি' দা ফোংখ্রে।

আই.এন.এস.তি.গী কাংবু অসিগী মতুং ইন্না, হৌজিক ফাওবদা ভেসেরল লৈশ্মানিয়াসিস ফবা ঙম্বা থেরাপ্যুতিক ওইবা খোংথাংদা শেমদোক্লবা এন্তি লৈশ্মানিয়াল দ্রগ অনী পুল্লগা নৈনদুনা রিপোর্ত অমতা লৈখিদ্রি। মসিগী নৈনরোল অসিনা হায়রি মদুদি ২-হাইদ্রোক্সিপ্রোপাইল- β-সাইক্লোদেক্সত্রিন (ঐচ.পি.সি.দি.)গা লোইননা শেমদোক্লবা মোদিফাইদ ফোর্ম্যুলেসন (এম.-দি.সি.এস.এল.এন.)না এন্তি-লৈশ্মানিএলগী ওরেল দেলিবরী দ্রগ ওইনা শীজিন্নবা য়াবগী মওং অমা উৎলে।

দা. শ্যাম লাল এম.না লুচিংবা আই.এন.এস.তি.গী কাংবু অমনা থিজিনবগী থবক চত্থখিবসিদা এন্তি লৈশ্মানিএল দ্রগ এম্ফোতেরিসিন বি. (এ.এম.বি.) অমসুং পেরোমোমাইসিন (পি.এম.) অসি সোলিদ লিপিদ নেনোপার্তিকল ওইনা গুলি ওইনা ওন্থোক্লে অমসুং মখা তানা ২-হাইদ্রোক্সিপ্রোপাইল- β-সাইক্লোদেক্সত্রিন (ঐচ.পি.সি.দি.) ওইনা শেমদোক্লি। সাইন্তিস্তশিং অসিনা ফোর্ম্যুলেসন অসিবু ভিসরল লৈশ্মানিয়াসিস্কী ওরেল থেরাপ্যুতিক ওইনা শীজিন্নবা য়াব্রা হায়বদু য়েংখি। মখোয়না ইমলসন সোল্ভেন্ত ইভাপোরেসন মেথদ শীজিন্নদুনা ঐচ.পি.সি.দি. মোদিফাইদ দ্রগ হাপ্লবা মপং ওইবা লিপিদ নেনোপার্তিকলশিংবু শীজিন্নখি। মখোয়না পুথোকপা নেনোপার্তিকদা য়ুম্ফম ওইবা কম্বাইনেতরী হিদাক পীবগী পথাপ অসিনা ইন ভাইত্রো অমসুং ইন ভিবো মোদেল অনীমক্তা এল. দোনোবানিনা নাহল্লবা মেক্রোফেজদা ইন্ত্রাসেলুলার অমেস্তিগোৎ হন্থহন্দুনা  অমসুং এল. দোনোবানি নারবা বাল্ব/সি. মাইস মোদেলদা হেপাতিক পেরাসাইৎ হেনবা মথং মনাও নাইনা হন্থহন্দুনা মখোয়দা করিগুম্বা হু পুবা সাইদ ইফেক্ত অমত্তা লৈহন্দনা কান্নবরা  হায়বা চাংয়েং তৌখি।

আই.এস.এস.তি.গী কাংবুগী মখা পোন্না, মপং ওইবা লিপিদ নেনোপার্তিকলনা থেরাপ্যুতিক এজেন্তপু গেস্ত্রোইন্তেস্তিনেল ত্রেক্ততা তুম্বা ঙম্বা মওং অমদা লৈদুনা ওরেল অপতেক হেনগৎহল্লি অমসুং মসিনা বাইল সোল্ৎ অমসুং ফোস্ফোলিপিদশিং শুংহন্দুনা য়ানশিন্নরবা মিসেলশিং ওইহল্লি। মখা তানা, ২-হাইদ্রোক্সিপ্রোপাইল- β-সাইক্লোদেক্সত্রিন (ঐচ.পি.সি.দি.) অসি মোলিক্যুলার হোস্ত ওইবা মখোয় মশাগী হাইদ্রোফোবিক কেবিতীদা নোন কোভেলেন্ত ইন্তরেক্সনগী মখাদা ঈশিংদা তুম্বা গেস্ত মোলিক্যুল ওই হায়না খন্নবা সাইক্লিক ওলিগোসাকরাইদশিংনি।

আই.এন.এস.তি.গী কাংবুনা তৌরিবা নৈনবা অসিনা লৈবাক অসিনা লাইয়েংবীদনা লৈরক্লবা লাইনা কয়াগী অনৌবা লাইয়েং পুথোক্নবগীদমক পেতেন্ত অমসুং প্রোসেস পুথোক্নবগী থৌদাং লৌখৎলকপা য়াই। নেনোমোদিফিকেসনশিংগী মতেংনা প্যুরিফাইদ দ্রগশিংগী থেরাপ্যুতিক দোজ হন্থহনবনা হৌজিক চত্থরিবা লাইয়েংশিংদা য়ানুংদগী হিদাক থাবা মতমদা অৱাবা অমা ওইরিবা হু পুবগী চাং য়াম্না হন্থগনি।

[পব্লিকেসন লিঙ্কঃ

https://doi.org/10.1038/s41598-020-69276-5

https://doi.org/10.1016/j.msec.2020.111279

অহেনবা মরোলগীদমক, দা. শ্যাম লাল এম. (shyamlal@inst.ac.in) দা তান্নবীয়ু।]

*****