এগ্রিকলচর অমসুং ফার্মরস ৱেলফেয়রগী য়ুনিয়ন মিনিস্তর শ্রী নরেন্দ্র সিংহ তোমারনা ভিদিও কনফরেন্স গী খুত্থাংদা ঙসি ইন্দস্ত্রীগী মীহুৎশিংগা ওর্দিনান্সশিংগী মতাংদা উন্নখ্রে মখোয় অদুদি “দ ফার্মরস” প্রোদুস ত্রেদ এন্দ কর্ম্মস (প্রোমোসন এন্দ ফেসিলিতেসন) ওর্দিনান্স, ২০২০” অমসুং “দ ফার্মরস (ইমপাৱরমেন্ত এন্দ প্রোতেক্সন) এগ্রিমেন্ত ওন প্রাইস এসুরেন্স এন্দ ফার্ম সর্বিসেস ওর্দিনান্স, ২০২০” হারিবা অসি ভারত সরকারনা পুখৎলকপনি। এগ্রিকলচরগী মিনিস্তর ওফ স্তেত শ্রী পারশোত্তম রুপালা, অমসুং এগ্রিকলচরগী সেক্রেতরি শ্রী সঞ্জয় অগর্ৱাল অমদি দিপার্তমেন্ত ওফ এগ্রিকলচর, কোওপরেসন অমসুং ফার্মরস ৱেলফেয়রগী মকোক থোংবা ওফিসরশিংসু য়াওখি।

থৌরম অসিদা ৱা ঙাংলদুনা এগ্রিকলচর অমসুং ফার্মরস ৱেলফেয়রগী য়ুনিয়ন মিনিস্তরনা প্রধান মন্ত্রী শ্রী নরেন্দ্র মোদীবু মহাক্কী মিয়েং লৌউ-শিংউবা হেন্না চাওখৎনবা অমসুং লৌমীগী শেন্মিৎলোন হেনগৎনবগী লালোং অসিবু থাগৎপা ফোংদোকখ্রে। মহাক্না পনখি মদুদি লৌমীগী য়াইফনবগীদমক মখল কয়াগী খোঙথাং লৌখৎলদুনা ‘আত্মনির্ভর ভারত’ তা মিয়েং থম্লি। সরকারনা অপুনবা শাফু অমা শেম্দুনা লৌউ-শিংউবগী পোত্থোকশিং য়োন্নবা অমসুং লৌউ-শিংউবগী মফমশিংদা লৈরিবা অথিংবশিং অসি কোমথোক্নবা লালোং কয়া শেম্দুনা হোৎনরি

খোঙথাং কয়া অসিবু মরিক চুম্বা পীরদুনা, শ্রী তোমারনা হায় মদুদি সরকার অসিনা লাক্কদৌরিবা চহি মরি অসিদা লৌউ-শিংউবগী পোৎলম্দা শিজিন্নবা লু্পা করোর লাখ ১ থাদরে। ফন্দ অসি লৌরোক মতুংদা পোত্থোক থম্বা অমসুং লীবগী খুদোংচাবা পীনবা, হায়রিবা ফন্দ অসি ফার্মর প্রোদুসর ওর্গানাইজেসন্স (এফ.পি.ও.শিং)না পায়গনি, অদুবু ইন্ত্রেপ্রেন্যুর অমনা ফংবসু য়াই। এগ্রিকলচর ইনফ্রাস্ত্রকচর ফন্দ অসিনা এগ্রিকলচর ইনফ্রাস্ত্রকচর লমদা মপাঙ্গল পীরগনি, মসিনা খুঙ্গংদা মফমশিংদা ৱেয়রহাউস চাওখৎহনবা অমসুং শেমগৎপা, কোল্দ স্তোরেজ, পেক্ত হাউস অমসুং পোৎ য়োনবগী খুদোংচাবা ফংলগনি লোয়ননা লৌমীশিংগী অমদি খুঙ্গংদা মফমশিংদা শেন্মিৎলোন ফগৎলগনি। মহাক্না হায়খি মদুদি কেন্দ্রগী মন্ত্রীমন্দলনা অয়াবা পীখ্রবা থা অসিগী মনুংদা, প্রধান মন্ত্রীনা এগ্রিকলচর ইনফ্রাস্ত্রকচর ফন্দ অসি ২০২০গী ওগস্তকী ৯দা হৌদোকখি অমসুং লুপা করোর ১১২৮গী শেনফম অমা প্রাইমরী এগ্রিকলচর ক্রেদিৎ কোওপরেতিব সোসাইতিদা কাইথখি।     

শ্রী তোমারনা মখা তানা হায়খি মদুদি, সরকার অসিনা অনৌবা এফ.পি.ও.শিং ১০,০০ শেম্নবা অমসুং পুখৎননবা সেন্ত্রেল সেক্তর স্কীম “ফোর্মেসন এন্দ প্রোমোসন ওফ ফার্মর প্রোদুসর ওর্গানাইজেসন্স (এফ.পি.ও.শিং)” কৌবা স্কীম অমা শেমখ্রে অমসুং অয়াবা পীখ্রে। স্কীম অসি ইকাই খুম্নরবা প্রধান মন্ত্রীনা ২৯.০২.২০২০দা হৌদোকখি। স্কীম অসিগী মখাদা লৈবাক শিনবা থুংনা এফ.পি.ও.শিং ১০,০০০ চহি মঙাগী মতম ২০২৩-২৪ ফাওবদা শেম্নবা পান্দম থম্লি। হায়রিবা এফ.পি.ও.শিং অসি চহি মঙা অসিদা শেম্লবা মতুং ২০২৭-২৮ ফাওবা শাংথরগনি।

মিনিস্তরনা হায় মদুদি লৈবাক অসিদা চেং-হৱাই মশাগী কোন্নবা পুথোকপা ঙমজরে অমসুং অপিকপা লৌমীশিংবু মরুওইনা লৌদুনা চাওখৎনবা হোৎনগদবনি। মসিগী লৌরিবা খোঙথাং অসিনা লৌমীশিংগী পুন্সি মহিং অমসুং খুঙ্গংগী শেন্মিৎলোন্দা চাওখৎলগনি।

ওর্দিনান্স অনিগী হায়বদি এফ.পি.ও.শিং অমসুং রিফোর্মস ইন এগ্রিকলচর মার্কেতিংগী ওইবা প্রজেন্তেসন অমা জোইন্ত সেক্রেতরি (মার্কেতিং), দি.এ.সি. অমসুং এফ.দবল্যু.না শেমদুনা মসিদা মরী লৈনবা লৌমীদা অমসুং অতোপ্পা থৌবুশিংদা কান্নবশিং উৎখ্রে।

ইন্দস্ত্রীগী মীহুৎ অপুম্বনা য়ুনিয়ন এগ্রিকলচর মিনিস্ত্রীগী হোৎনজমন্দা থাগৎপা ফোংদোকখ্রে  সরকারনা পুখৎলক্লিবা ওর্দিনান্সশিং অমসুং লৈবাক শিনবা থুংনা এগ্রিকলচর ইনফ্রাস্ত্রকচর অসিবু মপাঙ্গল কন্নবা হোৎনরিবা অসিবুসু থাগৎপা ফোংদোকখ্রে। মখোয়না হায়খি মদুদি মসিগী পুৱারি ওইগদৌরিবা এগ্রিকলচর মফমশিংদা শেমগৎলি অমসুং “ৱান নেসন, ৱান মার্কেত” লোমদা চংশিন্দুনা লৌমীশিং অমসুং লৌমীগী কাংবুদা হায়নিংঙাই লৈতনা কান্নবা পীরগনি।

স্তেতকী মিনিস্তর শ্রী পার্শোত্তম রুপালানা মহাক্কী মিয়েং থম্লদুনা অমসুং হায়খি মদুদি হাননা লৈজরম্বা অসি শেমগৎপা অমসুং লৌউ-শিংউবগী লমদা চাওখৎনবা লৌমী শেমগৎপদা পান্দম থম্বা। মহাক্না এগ্রিকলচর অমসুং ফার্মরস ৱেলফেয়রগী য়ুনিয়ন মিনিস্তর, দি.এ.সি. অমসুং এফ.দবল্যু.গী মকোক থোংবা ওফিসরশিং অমসুং ইন্দস্ত্রীগী মীহুৎশিং মখোয়না তৌরুবা কান্নবগীদমক থাগৎপা ফোংদোকখ্রে।

****