লৈবাক অসিদা কোভিদ-১৯গী লোকদাউন্না মরম ওইদুনা শেন্মিৎলোনগী ফিভম শোক্লিঙৈ মরক অসিদা প্রাইম মিনিস্তরগী খনগৎলবা ইম্প্লোইমেন্ত জেনেরেসন প্রোগ্রাম (পি.এম.ই.জি.পি.) খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি.)না ফংহল্লিবা অসি য়াম্না য়াংনা চংশিল্লি। পি.এম.ই.জি.পি.গী প্রোজেক্তশিং অয়াবা পীবগী অনৌবা অমসুং অথুবা থৌওং অমা পুথোরকপা হায়বদি ফাইনেন্সিএলগী চহি অসিগী থা মঙা মদুদি ২০২০গী এপ্রিলগী ১দগীনা ২০২০গী ওগস্তকী ১৮ ফাওবদা প্রোজেক্তশিং অয়াবা পীরি অমদি মসি ৪৪% চোংখৎখি, মসিগীদমক মপুং ওইবা ৱারেপ অসিবু লৌরিবা মিনিস্ত্রী এম.এস.এম.ই.বু থাগৎপা ফোংদোক্লি।     

খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি.)না প্রোজেক্ত লাখ ১.০৩ অয়াবা পীখ্রে অমসুং শেন্থং পীথগদবা বেঙ্কশিংদা এপ্লিকেসন থাদুনা মমাং চহিদগী ৭১,৫৫৬ প্রোজেক্তশিংগী  হেন্দুনা ৪৪%দা চোংখ্র।

পি.এম.ই.জি.পি. অখন্নবা খনগৎলবা ইম্প্লোইমেন্ত জেনেরেসন প্রোগ্রাম (পি.এম.ই.জি.পি.) অমসুং খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি.) অসি স্কীম অসিগী ফংহন্নবা নোদাল এজেন্সিনি। মিনিস্ত্রী অসিনা এপ্রিল ২৮দা দিস্ত্রিক্ত লেবেল তাস্ক ফোর্স কম্মিতি (দি.এল.তি.এফ.সি.)না পি.এম.ই.জি.পি.গী প্রোজেক্তশিং অয়াবা পীবদা লৌগদবা থৌদাংগী পোরম পীখ্রে। দি.এল.তি.এফ.সি. লৌগদৌরিবা থৌদাং অসি দিস্ত্রীক্ত কলেক্তরশিংনা লুচিংগনি হায়রিবা অসি মতম চংবা থবক্নি।  অদুনা পি.এম.ই.জি.পি. অমসুং কে.ভি.আই.সি.গী প্রোজেক্তশিং অসি থুনা ফংহনবা য়ানবা মরুওইনা স্কীম অসি অহানবদা থম্লি। কে.ভি.আই.সি.না পীরিবা গাইদলাইনগী মতুং ইন্না নোদেল এজেন্সিশিংনা  পি.এম.ই.জি.পি. স্কীম অসি ফংহন্নবা হোৎনরি।

২০২০গী এপ্রিলদগী ওগস্ত ফাওবদা, শেন্থং পীগদবা বেঙ্কশিংনা প্রোজেক্ত ১১,১৯১কী এপ্লিকান্তশিংদা লুপা করোর ৩৪৫.৪৩গী শেন্ফম কাইথোকখি অদুবু মমাং চহি হায়বদি ২০১৯গী অহানবা থা মঙাদা প্রোজেক্ত ৯,১৬১কী এপ্লিকান্তশিংদা লুপা করোর ২৭৬.০৯গী শেন্ফম কাইথোক্তুনা হন্দক্কী চহিনা হেন্দুনা বেঙ্কশিংনা শেন্থং পীখ্রবা প্রোজেক্তশিং অসি ২২% অদুগা পৈশা ওইনা কে.ভি.আই.সি.না হেনগৎখিবসি ২৪%নি।

হন্দক্কী চহি অসিদা লোকদাউন লৈরিবা থা মঙা অসিদা পি.এম.ই.জি.পি. প্রোজেক্ত থুনা ফংহনবা অসি লৈবাক অসিগী শিংথানিঙাই ওইবা অমনি। সরকার অসিনা পীরিবা মশিং য়াম্লবা প্রোজেক্ত অসিনা লম্দমগী ওইবা পোত্থোক শুংজদুনা মশানা মশাবু থবক পীজবা অমসুং অৱাৎপা লৈতবা পুন্সি মহিং অমা পীরগনি। 

কে.ভি.আই.সি.গী চেয়রমেন শ্রী ভিনাই কুমার সক্সেনানা হায়খি মদুদি পি.এম.ই.জি.পি. প্রোজেক্তকী অয়াবা পীবদা মশিং য়াম্না হেনগৎলকপা হায়বসি প্রধান মন্ত্রীগী “মিনিমম গবর্নমেন্ত, মেক্সিমম গবর্নান্স”গী মহৈনি। “দিস্ত্রীক্ত কলেক্তরগী থৌদাংনা প্রোজেক্তশিং অথুবা মতমদা ফংহনবা ঙম্বনি। অদুমওইনমক, বেঙ্কশিংনা থৌওং অসিবু য়াম্না থুনা ফংহন্নবা হোৎনগদবনি মদুনা এপ্লিকান্তশিংদা মতম চানা থবক পায়খৎতুনা লৈবাক অসিদা থবক হৌরগনি,” হায়না সক্সেনানা হায়খি।

খাদি এন্দ ভিলেজ ইন্দস্ত্রীজ কম্মিসন

******