ਜੁਲਾਈ, 2020 ਦੇ ਮਹੀਨੇ ਲਈ ਖੇਤੀਬਾੜੀ ਅਤੇ ਪੇਂਡੂ ਮਜ਼ਦੂਰਾਂ ਲਈ  ਸਰਬ ਭਾਰਤੀ ਖਪਤਕਾਰ ਮੁੱਲ ਸੂਚਕ ਅੰਕ (ਬੇਸ : 1986-87 = 100) ਵਿਚ 3 ਅਤੇ 4 ਅੰਕ ਵਧ ਕੇ ਕ੍ਰਮਵਾਰ 1021 (ਇਕ ਹਜ਼ਾਰ ਇੱਕੀ ) ਅਤੇ 1028(ਇਕ ਹਜ਼ਾਰ ਅਤੇ ਅਠਵੇਂ) 'ਤੇ ਪਹੁੰਚੇ। ਖੇਤੀਬਾੜੀ ਮਜ਼ਦੂਰਾਂ ਅਤੇ ਪੇਂਡੂ ਮਜ਼ਦੂਰਾਂ ਦੇ ਆਮ ਸੂਚਕਾਂਕ ਦੇ ਵਾਧੇ ਵਿੱਚ ਵੱਡਾ ਯੋਗਦਾਨ ਖੁਰਾਕ ਤੋਂ ਆਇਆ ਹੈ ਜੋ ਕ੍ਰਮਵਾਰ (+) 2.49 ਅੰਕ ਅਤੇ (+) 2.64 ਅੰਕ ਹੈ,ਜੋ ਕਿ ਮੁੱਖ ਤੌਰ ਤੇ ਅਰਹਰ ਦੀ ਦਾਲ, ਮਸਰ ਦੀ ਦਾਲ, ਮੂੰਗਫਲੀ ਦਾ ਤੇਲ, ਮੀਟ , ਪੋਲਟਰੀ, ਸਬਜ਼ੀਆਂ ਅਤੇ ਫਲ ਆਦਿ ਦੀਆਂ ਕੀਮਤਾਂ ਵਿੱਚ ਵਾਧੇ ਕਾਰਨ ਹੋਇਆ ਹੈ।

ਸੂਚਕ ਅੰਕ ਵਿਚ ਵਾਧਾ / ਗਿਰਾਵਟ ਰਾਜ ਤੋਂ ਰਾਜ ਵੱਖ-ਵੱਖ ਹੁੰਦੇ ਹਨ। ਖੇਤੀਬਾੜੀ ਮਜ਼ਦੂਰਾਂ ਦੇ ਮਾਮਲੇ ਵਿਚ, ਇਸ ਨੇ 17 ਰਾਜਾਂ ਵਿਚ 1 ਤੋਂ 15 ਅੰਕ ਦਾ ਵਾਧਾ ਅਤੇ 3 ਰਾਜਾਂ ਵਿਚ 3 ਤੋਂ 8 ਅੰਕ ਦੀ ਕਮੀ ਦਰਜ ਕੀਤੀ ਹੈ। ਤਾਮਿਲਨਾਡੂ ਰਾਜ 1216 ਅੰਕਾਂ ਦੇ ਨਾਲ ਸਿਖਰ 'ਤੇ ਪਹਿਲੇ ਸਥਾਨ 'ਤੇ ਰਿਹਾ, ਜਦੋਂ ਕਿ ਹਿਮਾਚਲ ਪ੍ਰਦੇਸ਼ 786 ਅੰਕਾਂ ਨਾਲ ਸਭ ਤੋਂ ਹੇਠਾਂ ਰਿਹਾ।

ਪੇਂਡੂ ਮਜ਼ਦੂਰਾਂ ਦੇ ਮਾਮਲੇ ਵਿਚ, ਇਸ ਨੇ 15 ਰਾਜਾਂ ਵਿਚ 1 ਤੋਂ 14 ਅੰਕ ਦਾ ਵਾਧਾ ਦਰਜ ਕੀਤਾ ਹੈ ਅਤੇ 4 ਰਾਜਾਂ ਵਿਚ 1 ਤੋਂ 5 ਅੰਕਾਂ ਦੀ ਕਮੀ ਆਈ ਹੈ ਜਦੋਂ ਕਿ ਰਾਜਸਥਾਨ ਰਾਜ ਵਿਚ ਸਥਿਰ ਰਿਹਾ। ਤਮਿਲਨਾਡੂ ਰਾਜ 1202 ਅੰਕ ਦੇ ਨਾਲ ਚੋਟੀ 'ਤੇ ਰਿਹਾ, ਜਦੋਂ ਕਿ ਹਿਮਾਚਲ ਪ੍ਰਦੇਸ਼ 838 ਅੰਕਾਂ ਨਾਲ ਸਭ ਤੋਂ ਹੇਠਾਂ ਰਿਹਾ।

ਰਾਜਾਂ ਵਿੱਚੋਂ, ਖੇਤੀਬਾੜੀ ਮਜ਼ਦੂਰਾਂ ਲਈ ਖਪਤਕਾਰਾਂ ਦੀ ਕੀਮਤ ਸੂਚਕ ਅੰਕ ਵਿੱਚ ਵੱਧ ਤੋਂ ਵੱਧ ਵਾਧਾ ਮੇਘਾਲਿਆ (15 ਅੰਕ) ਵਿੱਚ ਕੀਤਾ ਸੀ ਅਤੇ ਪੇਂਡੂ ਮਜ਼ਦੂਰਾਂ ਲਈ ਇਹ ਜੰਮੂ-ਕਸ਼ਮੀਰ ਅਤੇ ਮੇਘਾਲਿਆ ਰਾਜਾਂ (14 ਅੰਕ) ਵਲੋਂ ਕੀਤਾ ਗਿਆ ਸੀ ਜੋ ਮੁੱਖ ਤੌਰ 'ਤੇ ਦੁੱਧ, ਮੀਟ ਬੱਕਰੀ, ਮੱਛੀ ਸੁੱਕੀ, ਬੀੜੀ, ਸਬਜ਼ੀਆਂ ਅਤੇ ਫਲਾਂ ਅਤੇ ਬੱਸ ਦਾ ਕਿਰਾਇਆ ਆਦਿ ਕੀਮਤਾਂ ਵਿੱਚ ਵਾਧੇ ਕਾਰਨ ਹੋਇਆ। ਇਸ ਦੇ ਉਲਟ, ਖੇਤੀਬਾੜੀ ਮਜ਼ਦੂਰਾਂ ਅਤੇ ਪੇਂਡੂ ਮਜ਼ਦੂਰਾਂ ਲਈ ਖਪਤਕਾਰਾਂ ਦੇ ਮੁੱਲ ਸੂਚਕ ਅੰਕ ਵਿੱਚ ਸਭ ਤੋਂ ਵੱਧ ਕਮੀ ਤ੍ਰਿਪੁਰਾ ਵਿੱਚ ਅਨੁਭਵ ਕੀਤੀ ਗਈ ਜਿਥੇ ਕ੍ਰਮਵਾਰ -8 ਅਤੇ -5 ਅੰਕ ) ਦੀ ਗਿਰਾਵਟ ਆਈ ਜੋ ਮੁੱਖ ਤੌਰ 'ਤੇ ਚਾਵਲ, ਮੀਟ ਬੱਕਰੀ, ਮੱਛੀ ਤਾਜ਼ੀ/ਖੁਸ਼ਕ ਆਦਿ ਦੀਆਂ ਕੀਮਤਾਂ ਵਿਚ ਗਿਰਾਵਟ ਦੇ ਕਾਰਨ ਹੋਇਆ ਹੈ।

ਸੀਪੀਆਈ-ਏਐੱਲ ਅਤੇ ਸੀਪੀਆਈ-ਆਰਐਲ ਦੇ ਅਧਾਰ ਤੇ ਮਹਿੰਗਾਈ ਦਰ ਦੀ ਅੰਕ ਦਰ ਜੂਨ,2020 ਵਿੱਚ 7.16 ਫ਼ੀਸਦ ਅਤੇ 7.00 ਫ਼ੀਸਦ ਤੋਂ ਘਟ ਕੇ ਜੁਲਾਈ, 2020 ਵਿਚ ਕ੍ਰਮਵਾਰ 6.58 ਫ਼ੀਸਦ ਅਤੇ 6.53 ਫ਼ੀਸਦ ਦਰਜ ਕੀਤੀ ਗਈ।ਸੀਪੀਆਈ-ਏ ਐੱਲ ਅਤੇ ਸੀਪੀਆਈ-ਆਰਐੱਲ ਖੁਰਾਕ ਸੂਚਕ ਅੰਕ 'ਤੇ ਅਧਾਰਿਤ ਮਹਿੰਗਾਈ ਦਰ ਜੁਲਾਈ ,2020 ਵਿਚ ਕ੍ਰਮਵਾਰ (+)7.83 ਫ਼ੀਸਦ ਅਤੇ (+) 7.89 ਫ਼ੀਸਦ ਹੈ। 

ਸਰਬ ਭਾਰਤੀ ਖਪਤਕਾਰ ਮੁੱਲ ਸੂਚਕ ਅੰਕ (ਆਮ ਅਤੇ ਸ਼੍ਰੇਣੀਬੱਧ)

                                                                                      ****

ਆਰਸੀਜੇ/ਐਸਕੇਪੀ/ਆਈਏ