ভারত পুম্বগী লৌউ-শিংউগী শিন্মীশিং অমসুং খুঙ্গঙগী শিন্মীশিংগী জুলাই, ২০২০গী কঞ্জুমর প্রাইস ইন্দেক্স নম্বর (বেজ: ১৯৮৬-৮৭=১০০) পোইন্ত ৩ অমসুং ৪ হেনগত্তুনা মথঙশিৎনা ১০২১ (লিশিং অমগা কুনমাথোই) অমসুং ১০২৮ (লিশিং অমগা কুননিপান)দা লৈরে‍। লৌউ-শিংউগী শিন্মীশিং অমসুং খুঙ্গঙগী শিন্মীশিংগী জেনেরেল ইন্দেক্স হেনগৎলকপগী চাউনা থৌদাং লৌরিবশিং চীঞ্জাক্তগী মথঙশিৎনা পোইন্ত (+) ২.৪৯ অমসুং পোইন্ত (+) ২.৬৪ লাক্লিবসি মরুওইনা হৱাই মাইরোংবী, মুসোরী, লৈবাক হৱাইগী থাউ, হামেংগী শাদোং, য়েন-ঙানু, মনা মশিং অমসুং উহৈ-ৱাহৈনচিংবগী মমল হেনগৎলকপননি‍।

ইন্দেক্সতা ৱাংখৎলকপা/তাথরকপা অসি স্তেত অমগা অমগা খেন্নৈ‍। লৌউ-শিংউগী শিন্মীশিংগী মতাংদদি, স্তেত ১৭দা পোইন্ত ১দগী ১৫ ফাওবা হেনগৎপা থেংনৈ অদুগা স্তেত ৩দনা পোইন্ত ৩দগী ৮ফাওবা হন্থবা থেংনৈ‍। তামিল নাদুনা পোইন্ত ১২১৬ ওইদুনা ইন্দেক্স তেবলদা মকোক তারি অদুগা হিমাচল প্রদেশনা পোইন্ত ৭৮৬ ওইদুনা মমৈদা লৈরি‍।

খুঙ্গঙগী শিন্মীশিংগী মতাংদনা স্তেত ১৫দা পোইন্ত ১দগী ১৫ ফাওবা হেনগৎপা থেংনৈ অদুগা স্তেত ৪দনা পোইন্ত ১দগী ৫ ফাওবা হন্থবা থেংনৈ‍ অমদি রাজস্থানগী ওইনদি লেংদনা লৈ‍। তামিল নাদুনা পোইন্ত ১২০২ লৈদুনা ইন্দেক্স তেবলগী মকোক্তা লৈরি অদুগা হিমাচল প্রদেশনা পোইন্ত ৮৩৮ লৈদুনা মমৈদা লৈরি‍।

স্তেতশিংগী মরক্তা লৌউ-শিংউগী শিন্মীশিংগী খঞ্জুমর প্রাইস ইন্দেক্স নম্বর খ্বাইদগী ৱাংনা হেনগৎলকপসি মেঘালয়া স্তেত্তা (পোইন্ত ১৫) থেংনৈ অদুগা খুঙ্গঙগী শিন্মীশিংগী ওইনা শঙ্গোম, হামেংগী শাদোং, ঙা অয়াইবা, বিরি, মনা মশি অমসুং উহৈ-ৱাহৈ অমদি বস ভরা হেনগৎলকপনা মরম ওইরগা জম্মু অমসুং কাশ্মির অমদি মেঘালয়াদা (পোইন্ত ১৪) থেংনৈ‍। মদুগী ওন্ন-তৈনবদা লৌউ-শিংউগী শিন্মীশিং অমসুং খুঙ্গঙগী শিন্মীশিংগী কঞ্জুমর প্রাইস ইন্দেক্স নম্বর খ্বাইদগী য়াম্না হন্থবা অসিনা চেং, হামেংগী শাদোং, ঙা অতেকপা/অয়াইবনচিংবগী মমল হন্থরকপনা মরম ওইরগা ত্রিপুরা স্তেত্তা (মথংশিৎনা পোইন্ত -৮ অমদি পোইন্ত -৫) থেংনৈ‍।

সি.পি.আই.-এ.এল. অমসুং সি.পি.আই.-আর.এল.দা য়ুম্ফম ওইবা পোইন্ত তু পোইন্ত ইনফ্লেসনগী চাং জুন ২০২০দা চাদা ৭.১৬ অমদি চাদা ৭.০০ ওইরমবদগী মথংশিৎনা জুলাই ২০২০দা চাদা ৬.৫৮ অমসুং চাদা ৬.৫৩ ওইরে‍। সি.পি.আই.-এ.এল. অমসুং সি.পি.আই.-আর.এল.গী চীঞ্জাক্কী ইন্দেক্সতা য়ুম্ফম ওইবা ইনফ্লেসন্না জুলাই ২০২০দা মথংশিৎনা চাদা (+) ৭.৮৩ অমসুং চাদা (+) ৭.৮৯ ওইরে‍।

ওল-ইন্দিয়া কঞ্জুমর প্রাইস ইন্দেক্স নম্বর (জেনেরেল অমদি গ্রুপ-ৱাইজ)

******