রুগোসাফ্লোবানোই, পোদোকার্ফ্লাবোন, অমসুং আসিসোফ্লেবোনগুম্বা ত্যুবর্ক্যুলোসিস অমসুং চিকঙ্গুনিয়া ফহল্লিবা ফ্লেবোনইদ মোলিক্যুলশিংবু পাম্বীশিংদগী লৌথোক্লে। ইয়ান হানবা ওইনা, সাইন্তিস্তশিংনা লেবতা মোলিক্যুলশিংবু মোলিক্যুল শুংনবগী লম্বী অমা পুথোক্লে, মসিনা হিদাক লাংথক শীজিন্নবা য়াবা পাম্বীশিংবু হেন্না মাঙহন্দনা কুম চুপ্পা অমা ফংহন্নবগী পাম্বৈ অমা পীরগনি।

সাইন্স অমসুং তেক্নোলোজী (দি.এস.তি.), ভারত সরকারগী অঘর্কার রিসর্চ ইন্সতিত্যুৎ (এ.আর.আই.), পুনেগী সাইন্তিস্তশিংনা অহানবা ওইনা ত্যুবর্ক্যুলোসিস অমসুং চিকঙ্গুনিয়া লাইয়েংবদা চঙবা ফ্লেবোনইদ মোলিক্যুল পুথোকপগী লম্বী অমা পুথোক্লে। কোবিদ-১৯ লাইয়েংবদা শীজিন্নবা য়াবাওগী মওং মতৌসু অহানবা চাংয়েং তৌবদা থেংনরে।

পীয়র রিভ্যু সাইন্তিফিক জর্নেল অমা ওইরিবা 'এ.সে.এস. ওমেগা"দা হন্দক ফোংখিবা ৱারেং অমদা দা. প্রতিভা স্রিবাস্তব অমসুং মহাক্কী এ.আর.আই.গী কাংবুনা রগোসাফ্লেবোনোইদ, পোদোকার্ফ্লেবোন, অমসুং আইসোফ্লেবোনগুম্বা ফ্লেবোনোইদকী অহানবা মপুং ফানা সিন্থেতিক ওইবা ফ্লেবোনোইদ পুথোকখ্রে।

'রুগোসাফ্লেবোনোইদ এ" অসি চাইনাগী হিদাক কান্নবা পাম্বী রোসা রুগোসাদগী ফংবনি। 'পোদোকার্ফ্লেবোন এ' অসিনা পোদোকার্পস মাক্রোফাইলস্তগী লৌথোকপনি।

রোসা রুগোসা (খ্বাইদগী ওই থংবা) অমসুং পোদোকার্পস মেক্রোফাইলস

"অয়াম্বা অয়ুর্বেদগী পোত্থোকশিং অসি ফ্লেবোনোইদ মরাং কাইনা য়াওই। ফ্লেবোনোইদশিং অসি খামেন, তিলহৌ, লেত্যুস, অঙ্গুর, শেম, স্ত্রোবেরী, নাস্পতি, অমসুং অতোপ্পা মনা মশীংশিংদা য়াম্না মরাং কাইনা য়াওই। ফ্লেবোনইদ য়াম্না য়াওবা মচী ওইবা চীঞ্জাকশিংনা ঐখোয়বু থমোইগী লাইনা, লিভর, কিদনী, ব্রেন, অমসুং অতোপ্পা লৌনগনবা লাইনা কয়াদগী ঙাকথোকই। হৌজিক মালেমগী ওইনা কোবিদ-১৯না মরম ওইদুনা ৱাখলগী ওইবা অকিবা কয়া অমা থেংনরি। ফ্লেবোনোইদশিং অসিনা ঐখোয়গী হকচাংবু নাদ-য়েক্তনা থম্বা ঙম্বনা মরম ওইদুনা, ফ্লেবোনোইদ মরাং কাইনা য়াওবা চীঞ্জাকশিং অসি চাবা ফৈ।" হায়না দা. স্রিবাস্তবনা ফোংদোক্লক্লি।

ফ্লেবোনোইদশিং অসি পাম্বীশিংদগী ফংই। অদুমওইনমক, মহৌশাগী পোত্থোকশিং অসি কুম, মফম অমসুং মখাল খেন্নবনা মরম ওইদুনা চাং নাইনা ফংদে। মসিগী খুদোংচাদবসিগী মথক্তা, হিদাক কান্নবা পাম্বীশিংবু কা হেন্না মাংহন তাকহনবনা মরম ওইদুনা অকোইবগী ফিবমদসু কাইহল্লি।

হায়রিবা খুদোংচাদবশিং অসিবু কোকহন্নবগীদমক, লেবোরেতরীচদা ইচম চম্না অমসুং মমল চঙহন্দনা সিন্থেতিক প্রোতোকোল শীজিন্নদুনা শেমদুনা কোকহনবা য়াগনি। সিন্থেতিক ওইবা মহৌশাগী পোত্থোকশিং অসি মহৌশাগী পোত্থোকশিংদা য়াওরিবা স্ত্রকচর অমসুং হিদাক কান্নবগী মগুনশিং অদু মান্ননা য়াওই।

ফ্লেবোনোইদকী কেমিকেল স্ত্রকচর অসি ফিমেল হোর্মোন ১৭-বিতা-ইস্ত্রাদিওল (এস্ত্রোজেন)গা মান্নৈ। মরম অসিনা ফ্লেবোনোইশিং অসি প্রিমেনোপোজেলগী তাংকক্তা নুপীশিংনা খুদোংচাদবা থেংনবা হন্থহনগনি।

"রুগোসাফ্লেবোনোইদ শুংবা মতমদা, ঐহাক্কী কাংবুনা দাইহাইদ্রো রুগোসা ফ্লেবোনোইদ ফংখ্রে, হায়রিবসি চিকঙ্গুনিয়া অমসুং ত্যুবর্কুলোসিস থিংনবা হোৎনবদা য়াম্না কান্নৈ। হায়রিবা মোলিক্যুলশিং অসিগী কোবিদ-১৯ থিংনবগীদমক স্পাইক প্রোতিন, প্রোতিজ অমসুং আর.দি.আর.পি.দা তার্গেৎ তৌদুনা কম্প্যুতেসনেল এনালাইসিসু তৌখি, অমসুং মসিদগী ফংবা ফলশিংসু হরাউবা পোক্নিংঙাই ওইখি" হায়না দা. স্রিবাস্তবনা ফোংদোকখি।

দা. স্রিবাস্তবনা মহাক্কী পি.ঐচ.দি. মহৈরোই নিনাদ পুরানিক্না পেরিমেনোপোজেল তাংকক্কী নুংঙাইতবগা মরী লৈননা কম্পাউন্দ সিন্থেসাইজ তৌরিবসিদসু মহাক্না থাজবা পোকই হায়না ফোংদোকখি।

"সিন্থেতিক কেমিস্ত্রীদা, মহৌশাগী পোত্থোকশিংগী এনালোগ অসি চপ মান্নবা লম্বীদা শেম্বা য়াই। করিগুম্বা মতমদা মহৌশাগী পোত্থোকশিংদগী এনালোগশিংনা হেন্না হিদাক লাংথক্কী ওইবা মগুন হেন্না য়াওবা য়াওই" হায়না দা. স্রিবাস্তবনা ফোংদোকখি।

রুগোসাফ্লেবোনোইদশিংগা তি.বি. প্রোতিনগগী ইন্তরেক্সন এনালাইসিস

ফ্লেবোনোইদকী এন্তি-চিক.ভি. তেস্ত তৌবা

[ফোংখিবগী অকুপ্পা মরোলঃ https://doi.org/10.1021/acsomega.9b02900

দি.ও.আই. 10.1038/s41598-019-43768-5

https://doi.org/10.1039/C8RA00636A

https://doi.org/10.1039/C7RA04971D

মখা তাবা অকুপ্পা মরোলগীদমক, দা. প্রতিভা স্রিবাস্তব (psrivastava@aripune.org, 020-25325123), সাইন্তিস্ত, বাইওপ্রোস্পেক্তিং গ্রুপ, অমসুং দা. পি.কে. ধাকেফালকর, দিরেক্তর (ওফিসিএতিং), এ.আর.আই., পুনে, director@aripune.org, pkdhakephalkar@aripune.org, 020-25325002.দা পাউ ফাউবীয়ু]

******