কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

২০২০-২১গী চুগী লৌরোক মতমদা চিনিগী মিলশিংনা পীগদবা চুগী চুনবা মমল মন্ত্রীমন্দলনা অয়াবা পীরে

Posted On: 19 AUG 2020 4:33PM by PIB Imphal

প্রধান শ্রী নরেন্দ্র মোদীনা লুচিংবা কেবিনেৎ কমিতি ওন ইকোনোমিক এফেয়ার্সনা, কমিসন ফোর এগ্রিকলচরেল কোস্ত এন্দ প্রাইজেস(সি এ সি পি)না লৌখিবা ৱারেপশিংগী মতুংইন্না ২০২০-২১গী চুগী লৌরোক মতম(ওক্তোবর-সেপ্তেম্বর)দা চিনিগী মিলশিংনা পীগদবা চুগী ফিয়র এন্দ রিমুনেরেতিপ প্রাইজ(এফ আর পি) অয়াবা পীরে, অকুপ্পা মখাদা লৈরে:

১) ২০২০-২১গী চুগী লৌরোক মতমগী এফ.আর.পি চাদা ১০ হেনগৎতুনা কুইন্তল অমদা লুপা ২৮৫ পীরে;

২) মথক্কী চাদা ১০ মমল হেনগৎখিবা অসিদা কুইন্তল অমদা লুপা ২.৮৫গী প্রেমিয়ম ওইনা চাদা ০.১ হেনগৎকনি

৩) চাদা ০.১ পোইন্ত হন্থবদা কুইন্তল অমদা এফ.আর.পি লুপা ২.৮৫ হন্থবা মতমদা, মিলশিংগী রিকোভরি চাদা ১০গী মখাদা লৈগনি অদুবু চাদা ৯.৫গী মথক্তা লৈগনি। অদুম ওইনমক, রিকোভরি চাদা ৯.৫গী মখাদা লৈবা মিলশিংগী ওইনা, এফ.আর.পি অসি কুইন্তল অমদা লুপা ২৭০.৭৫দা লেপ্লে।

চু থারিবা লৌমীশিংনা মখোয়গী পোৎথোকশিং চুনবা মমলদা য়োনবা ঙম্নবা এফ.আর.পি অসি লেপ্পনি।

সুগরকেন(কন্ত্রোল)ওর্দর,১৯৬৬গী মখাদা চুগী ‘ফিয়র এন্দ রিমুনেরেতিপ প্রাইজ’ লেপ্পনি। মসি লৈবাক শীনবা থুংনা অমতা ওইনা চৎনগনি।

***



(Release ID: 1647067) Visitor Counter : 107