লৌউ-শিংউ মন্ত্রালয়
ঙরাং রাজস্থানগী জিলা ৫গী মফম ১০দা অমসুং গুজরাতকী কৎচ জিলাগী মফম ২দা লোকস্ত কন্ত্রোল ওপরেসন চত্থখ্রে
এপ্রিল ১১দগী ওগস্ত ১৮, ২০২০ ফাওবা রাজ্য ১০গী লম হেক্তর লাখ ৫.৬৩ হেনবদা লোকস্ত কন্ত্রোল ওপরেসনশিং চত্থখ্রে
Posted On:
19 AUG 2020 5:52PM by PIB Imphal
এপ্রিল ১১, ২০২০দগী হৌদুনা ওগস্ত ১৮, ২০২০ ফাওবা লোকস্ত সর্কল ওফিসরশিং (এল.সি.ও.শিং)না রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা রাজ্যশিং অসিগী লম হেক্তর ২,৭৬,২৬৭দা লোকস্ত কন্ত্রোল ওপরেসন চত্থখ্রে। ওগস্ত ১৮, ২০২০ ফাওবদা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহার রাজ্যশিংগী রাজ্য সরকারনা লম হেক্তর ২,৮৭,৩৭৪দা লোকস্ত কন্ত্রোল ওপরেসন চত্থখ্রে।
ঙরাং অয়ুক অমদি নুমিদাংগী মতমদা রাজস্থানগী জিলা ০৫ মদুদি জেসলমের, বার্মর, বিকানের, চুরু, অমসুং হনুমানগর হায়রিবশিংগী মফম ১০দা অমসুং গুজরাতকী কৎচ জিলাগী মফম ০২দা এল.সি.ও.শিংনা হোপরশিংগী মা্য়োক্তা কন্ত্রোল ওপরেসনশিং চত্থখি।
হৌজিক্কী ওইনা রাজস্থান অমসুং গুজরাতকী রাজ্যশিংদা স্প্রে য়াওবা গারীগা লোয়ননা কন্ত্রোল তীম ১০৪ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। রাজস্থানগী বার্মর, জেসলমের, বিকানের, নাগোর অমসুং ফালোদিদা লৈবা অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিল হীদাকশিং কাপথোক্তুনা কৌজেং মপুং ফানা লাকশিন্নবা দ্রোন ১৫ মথৌ তৌহল্লি। হোপর কন্ত্রোলদসু দ্রোনশিং শীজিন্নরি। মথৌ তাবগী মতুং ইন্না রাজস্থানগী সেদ্যুল দেজর্ত এরিয়াদা বেল হেলিকোপ্তর অমা শীজিন্নখ্রে।
গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।
ঙসি (১৯.০৮.২০২০)দা রাজস্থানগী জেসলমের, বার্মর, বিকানের, চুরু, অমসুং হনুমানগর জিলাশিংদা অমসুং গুজরাতকী কৎচ জিলাদা হোপ্পরশিং লৈবা উখি।
ফুদ এন্দ এগ্রিকলচর ওর্গনাইজেসনগী ওগস্ত ৭, ২০২০গী লোকস্ত স্তেতস অপদেৎকী মতুং ইন্না, হোর্ন ওফ এফ্রিকাদা শান্না পায়বা ঙম্বা কৌজেং শঙ্গুশিং লৈখি। য়েমেন্দা নোং ফজনা চুবনা মরম ওইরগা হোপ্র বেন্দশিং অমসুং শান্না পায়বা ঙম্বা কৌজেং শঙ্গুশিং পায়শিল্লকদোরি। ইন্দো-পাকিস্তান ঙমখৈদা হোপ্পর গ্রুপশিং অমসুং বেন্দশিং লেপ্তনা শেম্লি।
খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী তেক্নিকেল ওফিসরশিংগী ভর্চ্যুল মীফম ২২ পাঙথোকখ্রে।
|
1
|
গুজরাতকী কৎচতুগা, তেহ-ভুজতা এল.দবল্যু.ও. ওপরেসন চত্থবা
|
|
2
|
রাজস্থানগী বিকানেরগী কেলান, তেহ_মক্রানাদা এল.দবল্যু.ও. ওপরেসন চত্থবা
|
|
3
|
রাজস্থানগী হনুমানগরগী মেগানা, তেহ-নোহারদা অশীবা হোপরশিং
|
|
4
|
রাজস্থানগী চুরুগী তেহ-তারানগরদা এল.দবল্যু.ও. ওপরেসন চত্থবা
|
|
5
|
রাজস্থানগী বার্মরগী খনোদা, তেহ-পচপদ্রাদা এল.দবল্যু.ও. ওপরেসন চত্থবা
|
******
(Release ID: 1647057)
Visitor Counter : 110