ওল ইন্দিয়া ইন্সতিত্যুৎ ওফ আয়ুর্বেদ (এ.আই.আই.এ.) অমসুং দিল্লী পুলিস্কী মরক্তা দিল্লী পুলিস্কী মীওইশিংগী য়ুমগী কোলোনিশিংদা আয়ুর্বেদ প্রিবেন্তিব অমসুং প্রোমোতিব হেলথ সর্বিস য়ৌহন্নবা  এম.ও.য়ু. অমগী খুৎয়েক পীনখ্রে। ‘ধনৱাত্রি রথ’ অমসুং পুলিস ৱেলনেশ সেন্তর কৌবা মোবাইল এপ অমগী খুত্থাংদা পীবা সর্বিস অসি আয়ুশ মন্ত্রালয়না শৌগত্তুনা এ.আই.আই.এ.না পীগনি।

দিল্লী পুলিস্কী কম্মিস্নর শ্রী এস.এন. স্রিবাস্তব অমসুং আয়ুশ মন্ত্রালয়গী এসিদস্নেল সেক্রেতরী শ্রী  প্রমোদ কুমার পাথক্কী মনুংদা এম.ও.য়ু. অমগী খুৎয়েক পীনখ্রবনি।  ‘ধনৱাত্রি রথ’ অসি এ.আই.আই.এ.গী দাইরেক্তর প্রোফঃ তনুজা নেসারিগী মমাংদা লোঞ্চ তৌখি।

এন.আই.আই.এ.গী জোইন্ত বেঞ্চর ওইরিবা আয়ুশ মন্ত্রালয়গী মখাদা লৈবা ওতোনোমস ইন্সতিত্যুৎ আয়ুরকশা অমসুং দিল্লী পুলিসনা দিল্লী পুলিস্কী মীওইগুম্বা ফ্রন্তলাইন্দা লৈরিবা কোবিদ লান্মীশিংগী হকশেলবু আয়ুর্বেদগী খুত্থাংদা ঙাক-শেন্দুনা থম্নবা পান্দম থম্লি। প্রোজেক্ত অসিগী মখা তারকপা ওইনা আয়ুর্বেদ প্রিবেন্তিব অমসুং প্রোমোতিব হেলথ কেয়র অসি দিল্লী পুলিস্কী ইমুং মনুংগী মীওইশিংদসু পীনবা থৌরাং তৌরি।

থৌরম অসিদা শ্রী পাথক্না হায়খিবদা এ.আই.আই.এ. অমসুং দিল্লী পুলিস্কী জোইন্ত বেঞ্চর অসি মশিগী মওংদা খ্বাইদগী চাউবা থবক অমনি অমসুং মসিনা য়াম্না মায় পাক্তুনা অতোপ্পশিংগীসু খুদম অমা ওইহল্লি হায়খি। মহাক্না দিল্লী পুলিসনা হোৎনরিবশিং অসিবুসু থাগৎপা ফোঙদোকখ্রে। চাউরাক্না দিল্লী পুলিস্কী মীওই চাউরাক্না ৮০,০০০দা থা অনিগী ওইনা আয়ুরকশা য়েন্থোকপা মতমদা দিল্লী পুলিস্কী মীওইশিংদা কোবিদ-১৯গী পোজিতিব ওইবা অমসুং মসিদগী লৈখিদবগী চাং য়াম্না হন্থখি। মসিগী সেবাশিং অসি হৌজিক দিল্লী পুলিস্কী ইমুং মনুংগী মীওইশিংদসু ফংহল্লে। ধনৱাত্রি রথ অমসুং পুলিস ৱেলনেশ সেন্তরগী সেবা অসি এ.আই.আই.এ.গী ও.পি.দি.শিংদসু য়ৌহনগনি অমসুং মসিগী পান্দমদি আয়ুর্বেদ প্রিবেন্তিব হেলথ কেয়র সর্বিস্কী খুত্থাংদা দিল্লী পুলিস্কী মীওইশিংগী ইমুং মনুংদা কান্নবা পীবনি। ধনৱাত্রি রথ - আয়ুর্বেদ হেলথ কেয়র সর্বিস্কী মোবাইল য়ুনিৎ অসিদা দাক্তরশিংগী কাংবু অমা য়াওহন্দুনা দিল্লী পুলিস্কী কোলোনীশিংদা চাং নাইনা চত্তুনা য়েংশিনগনি। মসিগী আয়ুর্বেদ হেলথ সর্বিস অসিনা তোঙান তোঙানবা লায়না কয়াগী ইরাংশিং হন্থহনগনি অমসুং হোস্পিতালদা থাবগী মওংবু হন্থহন্দুনা হেলথকেয়র সীস্তেম অমসুং অনাবশিংদা শেল তিংবা হন্থহনগনি হায়বগী থাজবা থম্লি।  

প্রোফঃ তনুজা নেসারিনা মতম্না চাংয়েং তৌরবা অমসুং সাইন্সকী খুত্থাংদা প্রমান উৎলবা আয়ূর্বেদগী লায়না ঙাকথোকপগী হিদাক অসিনা দিল্লী পুলিস্কী মীওইশিংগী মনুংদা কোবিদ-১৯গী থৌদোক থোকপগী চাং হন্থহনবদা তেংবাংখি হায়খি। আয়ুর্বেদনা প্রিবেন্সন অমসুং প্রোমোস্নেল হেলথ কেয়র সর্বিস পীবগা লোয়ননা ক্যুরেতিব হেলথ কেয়রদসু মান্নবা মিৎয়েং পী হায়খি। প্রোফঃ তনুজানা পুলিস ৱেলনেশ সেন্তরদা পীরিবা সর্বিস অসিনা দিনাচার্য় অমসুং রিতুচার্য়গী থৌওংনচিংবা আয়ুর্বেদ লাইফস্তাইলগী খোঙথাং কয়া অসিবু মীয়ামদা হেন্না মশক খঙহনগনি হায়না মখা তানা হায়খি।

পুলিস্কী কম্মিস্নরনা ৱা ঙাংবদা আয়ুশ মন্ত্রালয় অমসুং এ.আই.আই.এ.বু দিল্লী পুলিস্কী হকশেলদা খুমাং চাওশিলহনগীদমক্তা থাগৎপা ফোঙদোকখি। মহাক্না মায় পাকপা ফংলবা দিল্লী পুলিস অমসুং এ.আই.আই.এ.গী জোইন্ত বেঞ্চর অসিবুসু থাগৎপা ফোঙদোকখি।

***