ঐচ.জি. ৱেল্সকী ‘ইনভিজিবল মেন’দা শকউদবা ওইননবগীদমক্তা হকচাঙগী ওপ্তিকেল প্রোপরতীশিংবু শেমদোক শাদোকই‍। সাইন্তিস্তশিংনা হৌজিক মসিগা মান্নবা মওংদা চুনবা মনুং মপান ফাওনা উবা ঙমবা সব্সত্রেত অমদা কন্তিনুঅস ফিল্মগী মহুত্তা মেতলগী মেস স্ত্রকচর অমা শেম শাদুনা ইলেক্ত্রোমেগ্নেতিক ইন্তরফরেন্স (ই.এম.আই.)দগী ঙাকথোক্নবা শকউদবা চুঙ্গোয় অমা শেম্লে‍। শকউদবা চুঙ্গোয় অসি লান্মীগী তোঙান তোঙানবা অরোনবা হীরমশিংদা শীজিন্নবা য়াগনি অমদি ইলেক্ত্রোমেগ্নেতিক ৱেব থাদোক্নবা নৎত্রগা চুপশিন্নবা খুৎলায়শিং মখোয়গী মশক মওং কায়হন্দনা কুপশিন্দুনা থমবদা শীজিন্নবা য়াগনি‍।

ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীগী মখাদা লৈবা মনীং মখা তমবা ইনস্তিত্যুৎ অমা ওইরিবা সেন্তর ফোর নেনো এন্দ সোফ্ত মেত্তর সাইন্সেস (সি.ই.এন.এস.) বেঙ্গলুরুগী সাইন্তিস্তশিংনা মখোয়গী লেবোরেতরীদা নৌনা পুথোকচবা স্প্রে কোতিংগী খুত্থাঙদা ক্রেক তেম্প্লেতিং থৌওং শীজিন্নদুনা মেতেল জালিনা শেমবা মনুং মপান ফাওনা উবা অমদি কোন্থোক কোনশিন তৌবা য়াবা ই.এন.আই. চুঙ্গোয় অসি শাখিবনি‍।

সি.ই.এন.এস. কাঙবু অদুনা উবা ঙমবা ত্রান্সমিত্তেন্স (তি), চাদা ৮৫রোমগী মনুং মপান ফাওনা উবা ঙমবগী পেরামিতর লৈবা অমদি সীত রেজিস্তেন্স (আর._এস.) স্ক্বার অমদা ~ ০.৮৩ ওহ্ম লৈবা কোপ্পর মেতেল জালি অমা পোলিথিলিন তেরিফথেলেত (পি.ই.তি.)দা মখোয়গী সবস্ত্রেৎ ওইনা শেমগৎখিবনি‍। ‘বুলেতিন ওফ মেতরিএল সাইন্স’ জর্নেলদা ফোঙখিবা মখোয়গী রিছর্চ অমগী খুত্থাঙদা চুনবা মনুং মপান ফাওনা উবা ঙমবা সবস্ত্রেত্তা মেতেল জালি কোতিং তৌদুনা শেমবা মনুং মপান ফাওনা উবা অমদি কোন্থোক কোনশিন তৌবা য়াবা ই.এম.আই. চুঙ্গোয় অসিনা শীংথানিংঙাই ওইনা ৱাংবা মওংদা কে.য়ু. বেন্দ (গিগাহর্জ ১২ দগী ১৮ ফাওবা)গী পাক চাউবা স্পেক্ত্রেল রেঞ্জতা চাংচত্তা ~ ৪১ দি.বি.গী অপুনবা ই.এম.আই. সিল্দিং (এস.ই._তি.) ভেল্যু উৎলি‍।

মনুং মপান ফাওনা উবা ঙমবা সবস্ত্রেৎ (লীক্লি, পি.ই.তি.) অমা হেক্তদা মেতেলগী কন্তিনুঅস ফিল্ম (সি.য়ু.) কোতিং তৌশিনবনা মনুং মপান ফাওনা উবা ঙম্বগী চাংদা অকায়বা পীরকপনা মসিগী মহুত্তা হায়রিবা থৌওং অসিদদি সি.ই.এন.এস. কাঙবু অদুনা সবস্ত্রেৎ অদুদা মেতেল জালিগী নেতৱর্ক হাপচিন্দুনা কন্তিনুঅস ফিল্মনা চাদা ১০০ খুমজিনখিবদুগা মান্নদবা মওংদা সবস্ত্রেৎকী চাদা ৭ খক্তমক খুমজিল্লি‍। মসিনা কন্তিনুঅস মেতেল ফিল্মগা চাংদম্নবদা মেতেল জালি অসি মনুং মপান ফাওনা উবা ঙমবা ওইহল্লি‍। মনুং মপান ফাওনা উবদসু হন্থহনবা কন্তিনুঅস মেতেল ফিল্মগা মান্নবা অথাবগী চাংদা মেতেল জালি শীজিন্নবনা ইলেক্ত্রোমেগ্নেতিক হেন্না ঙাকথোকপা ঙমই‍।

হায়রিবা মেতেল জালি অসি এক্রাইলিক, পোলিকার্বোনেত, লীক্লিনচিংবা সবস্ত্রেৎ অমা হেক্তদা ইলেক্ত্রোদকী কন্দক্তিভিতী হন্থহন্দনা শেমবা য়াই‍।

প্রোজক্ত অসিদা থবক তৌরিবা সি.ই.এন.এস.কী সাইন্তিস্ত দা: অশুতোস কে. সিংহনা হায়, “পুথোক্লিবা পোৎলমসি ইলেক্তরোমেগ্নেতিক ৱেব থাদোক্নবা নৎত্রগা চুপশিন্নবা খুৎলায়শিং মখোয়গী মশক মওং কায়হন্দনা কুপশিন্দুনা থমবদা শীজিন্নবা য়াবনা চাউনা কান্নবা মনুং মপান ফাওনা উবা ঙমবা অমদি কোন্থোক কোনশিন য়াবা চুঙ্গোয়গী চাউরবা দিমান্দ অসিবু ফংহনবা য়াবগী ওইথোকপা লৈ‍।”

হায়রিবা মনুং মপান ফাওনা উবা ঙমবা ই.এম.আই. চুঙ্গোয় অসি বেঙ্গলোর ইন্দিয়া নেমো-২০১৮ অমসুং ২০২০, আইকোনসেত-২০১৮ অমদি ২০২০, এস.পি.আই.ই-২০১৯নচিংবা তোঙান তোঙানবা মমীং লৈরবা এক্সপো অমসুং কন্ফরেন্সশিংদা পাক শন্না খঙহন্নবগীদমক অমদি মার্কেতিংগীদমক উৎখ্রে‍। চুঙ্গোয়শিং অসি চাংয়েং অমসুং কদায়ফাওবা শীজিন্নফম লৈগদগে য়েংনবগীদমক হৌজিক ফংলে‍।

প্রোফেসর জি.য়ু. কুল্কর্নিনা লুচিংবা কাঙবু অদুনা সি.ই.এন.এস.তগী মহাক্কী থবক তৌমিন্নবশিং অমসুং ইন্দস্ত্রিএল পার্ত্নর হিন্দ হাই ভেক্কম (ঐচ.ঐচ.ভি) প্রাইভেৎ লিমিতেদকা খুৎশম্নরগা দি.এস.তি.না শেন থাদবা সেমি-ওতোমেতিক প্রদক্সন প্লান্ত – নেনোমিসন সি.ই.এন.এস.-অর্কবথি কেম্পসতা মনুং মপান ফাওনা উবা ঙমবা ই.এম.আই. চুঙ্গোয়গী মতিক উৎপা মনুং মপান ফাওনা উবা কন্দক্তিং গ্লাস্সেস পুথোক্নবগীদমক লিংখৎখ্রে‍।

ফিগর: (এ) মনুং মপাউ ফাওনা উবা ঙমবা ই.এম.আই. চুঙ্গোয় অসিগী হেন্না উবা ঙম্বা উৎলি‍, (বি) সি.য়ু. ফিল্মগা চাংদম্নবদা সি.য়ু. জালিগী ই.এম.আই. চুঙ্গোয়গী কান্নবা উৎলি‍; (সি) ৱাই-ফাই রুতর, ই.এম.আই. ফংলিবা মেতেল বোক্স অমদা মোবাইল ফোন অমা হাপ্তুনা থমবগী সেত অপ উৎলি‍। ফোন অদু কোতিং য়াওদবা মনুং মপান ফাউনা উবা (দি) পি.ই.তি. সীৎ অমসুং (ই) সি.য়ু জালি কোতিং তৌরবা পি.ই.তি. সীতকী মখুম্না খুমজিনবা মতমদা ৱাই-ফাই সিগনেলগী (ই.এম.আই.) এতেনুএসনগী চাং

 [চেফোঙগী অকুপ্পা ৱারোল: এস. ৱালিয়া, এ.কে. সিংহ, বীনা এস.জি., এস. বোস, জি.য়ু. কুল্কর্নি, মেতেল মেস-বেজ ত্রান্সপেরেন্ত ইলেক্ত্রোদ্স এস হাই-পর্ফোর্মেন্স ই.এম.আই. সীল্দ, বুল. মেতর.সাইন্স. ৪৩, ১৮৭ (২০২০)‍।‍

https://doi.org/10.1007/s12034-020-02159-7

অহেনবা ৱারোলগীদমক দা: অশুতোস কে. সিংহগা (aksingh@cens.res.in) পাউ ফাওনবা য়াগনি‍।]

*****