জল শক্তিগী কেন্দ্র মন্ত্রী শ্রী গজেন্দ্র শেখাৱৎ অমসুং গুজরাতকী মুখ্য মন্ত্রী শ্রী বিজয় রুপানীনা ঙসি গুজরাত্তগী ভিদিও কনফরেন্সকী থোংদা জল জীবন মিশন অসি মথৌ পাংথোকহন্নবা য়েংশিন মীফম পাংথোকখ্রে। থক্নবা ঈশিং পীবা অসি ফংহন্নবগী সর্ভিসনি, মসিদা ঈশিংগী চাং কোন্ননা, অফবা ঈশিং ফংহনবগী অমদি মতম নাইনা ঈশিং অসি শোইদনা ফংহনবগী ফ্লেগশিপ প্রোগ্রাম্নি, জল জীবন মিশন (জে.জে.এম.) অসি হৌখিবা চহিদগী রাজ্যশিংগা খুৎশম্নদুনা পাংথোকহনবা হৌহনখি। মসিগী মিশন অসিগী পান্দমদি মীপুম খুদিংমক য়ৌহনবনি, হা.বদি খুঙ্গংশিংগী ইমুং খুদিংদা তোতী তাহনবনি।

গুজরাতনা ২০২২ ফাওবদা রাজ্য অদুগী খুঙ্গাংগী ইমুং খুদিংদা মিশন অসিগী মখাদা চান্নবা মীৎয়েংদা তোতী শমহন্নবগী পান্দম থম্লি।

গুজরাতকী সরকারনা দিসেন্ত্রেলাইজ ওইবা, ফংহন্নবা হায়রকপগী ওইবা অমসুং কাংলুপ্না শিন্দোক-শিঞ্জিন তৌবা থক্নবা ঈশিং ফংহন্নবগী থৌরাং অসি ২০০২দগী ৱাতর অমসুং সেনিতেসন প্রোগ্রাম(দব্লয়ু.এয়এসয়এম.ও.)দগী পাংথোকপা হৌখি। মসিগী কন্না হোৎনবা অসিনা রাজ্য় অদুগী ইমুং চাদা ৭০দা তৌতী ঈশিংগী থৌরাং থৌদুনা শোই-ঙাম্লরোইদবা থক্নবা ঈশিং ফংহনখি। গ্রাম পঞ্চায়েৎ অমসুং পানী সমিতীবু খুঙ্গং অদুগী ঈশিং ফংহন্নবগী স্কীম অসি থৌরাং তৌনবা,  চৎনহন্নবা, থবক পাংথোকহন্নবা অমদি য়েংশিন্নবা শৌগত্তুনা দব্লয়ু.এয়এসয়এম.ও. অসি ফংহন্নবগী মায় পাকপা দিসেন্ত্রেলাইজ ওইবা মোদেল অমা ওইরে।  

গুজরাতকী রাজ্য অসিগী খুঙ্গংগী ইমুং লাক্ষ ৯৩.০৩গী মনুংদা লাক্ষ ৬৮.৬৩দা তোতী ইশিং শমহনখ্রে। গুজরাতনা ২০১১-২১ ফাওবগী মতমদা ইমুং লাক্ষ ১১.১৫দা তোতী শমহন্নবগী থৌরাং তৌরি। ২০২০-২১দা লুপা কোতী ৮৮৩.০৮কী অয়াবা পীখি অমদি রাজ্যগী শরুক য়াওনা লুপা কোতী ১,৭৭৭.৫৬ শোইদনা লৈহন্নবা তৌখি।  ফাইনান্স কমিশন গ্রান্তশিংদগী পি.আর.আই,শিংদা গুজরাতনা লুপা কোতী ৩,১৯৫ ফংহনখি অমদি মদুদগী চাদা ৫০দি শোইদবা মওংদা ঈশিং ফংহন্নবা অমদি মহিক-মতাই লৈহন্দনবা শিজিন্নগদবনি।  

রাজ্য অদগী খুঙ্গং ১৮,১৯১গী মনুংদা খুঙ্গং ১৭,৮৯৯দা পাইপতগী ঈশিং ফংহনবগী সিস্তেম লৈরি। গুজরাতকী মুখ্য মন্ত্রীনা হায়খি মদুদি অতোপ্রা খুঙ্গং ৬,০০০তা দিসেম্বর ২০২০ ফাওবদা চাদা ১০০ তোতী শম্লগনি।   মখা তানা রাজ্য অসিগী জিলা ৫দা চহি লোইশিল্লকপদা তোতী লোইনা শম্লগনি। তশেংনমক রাজ্য অসিনা জিলা ১২গী ইমুং চাদা ১০০দা মিসিগী শেনবা চহি অসিদা তোতী শম্লগনি। শোক্নিংঙাই ওইদ্রবা থক্নবা ঈশিং ফংহন্নবা সর্ফেস বেজ ওইবা ঈশিংগী সিস্তেমসু রাজ্য অদুগী লেমহৌরিবা খুঙ্গংশিংদা লাক্কদৌরিবা চহি অনিসিদা মপুং ফানা পাংথোক্লগনি হায়নসু মখা তানা পনখি। মহাক্না কেন্দ্র মন্ত্রীদা ফাইনান্স কমিশন গ্রান্তশিং অসি খুঙ্গংশিদা থক্নবা ঈশিং ফংহন্নবা অমদি মহিক-মতাই লৈহন্দনবা খুরক উচল থাগনি হায়বগী থাজবসু পীখি। 

গুজরাতকী মুখ্য মন্ত্রীনা আই.ও.তি.গী সেন্সর য়েংশিনবগী সিস্তেম অসি রাজ্য অসিগী জিলা অনিগী খুঙ্গং ১০০০দা ঈশিং ফংহন্নবা থবক পায়খৎনবগী থৌরাং লৈরে হায়বদি খুঙ্গংগী ইমুং খুদিংদা চাং নাইনা অমদি মতম শাংনা ঈশিং মতিক চানা কোন্নবা অমদি অফবনি মশক খংলবা থক্নবা ঈশিং ফংহন্নবা নিংথিনা মথৌ পাংথোক্নবা য়েংশিন্দুনা পায়খৎলগনি হায়রিবা পাইলত প্রোজেক অসি হেক মায় পাক্না পাংথোকপগা রাজ্য অসিগী খুঙ্গংশিংদা ঈশিং পীবগী থাক অসি ওনলাইন্দা য়েংশিল্লগনি। 

কেন্দ্র মন্ত্রী শ্রী শেখাৱৎনা ৱাতর মেনেজমেন্ত পুম্নমক অসিগীদমক্তা গুজরাত সরকারনা পায়খত্তুনা  লৈবাক অসিগী ঈকং অদুম্মক থোকফম ওইরিবা রাজ্য অসিদা ঈশিং ফংহন্দুনা তোঙান-তোঙানবা সেক্তরশিংনা মথৌ তাবশিং অসি ফংহনবদা মায় পাক্না থবকশিং অসি পাংথোকপগীদমক্তা থাগৎপা ফোংদোকখি।  দিসেন্ত্রেলাইজ ওইবা, দিমান্দ দ্রাইভন ওইবা অমসুং মীওই কাংলুপ্না য়েংশিনবা থক্নবা ঈশিংগী থৌরাং অসি দব্লয়ু.এয়এসয়এম.ও.দগী তৌবা হৌখি, কেন্দ্র মন্ত্রীনা গুজরাতনা দিসেন্ত্রেলাইজ ওইবা মোদেল অসিদা লময়ানবা অমা ওইনা পান-ইন্দিয়া ফ্লেগশিপ থৌরাং জল জীবন মিশনগী দুত অমা ওইনা লৌরিবা থৌদাং অসি শিংথানখি।   জল জীবন মিশনগী মখাদা খুঙ্গংদা ঈশিং ফংহন্নবা কমিতী শেম্বদা, মওং শেম্বদা, চৎনহনবা অমদি থবক পাংথোকহন্দুনা অমসুং য়েংশিনবদা গ্রাম পঞ্চায়েৎ/পানী কমিতীনা লৌরিবা থৌদাং অসি শন্দোক্না হায়রদুনা শ্রী শেখাৱৎনা জি.পি.শিং নত্রগা পানী কমিতীশিং অসি ‘কান্নবা ফংহন্নবা’ ওইনা শেমগৎনবা লুম্না ৱা হায়খি। কমিতীশিং/গ্রাম পঞ্চায়েৎনা ঈশিং ফংহনবগী চার্জ ওইনা মীওই কাংলুপ অদুগী চহিদা ও. অমসুং এম.গী চাদিং ওইনা চাদা ৭০ মুক খোমগৎপা ঙমখিবগীদমক্তা থাগৎপা ফোংদোকখি।  

জল জীবন মিশন্না খুঙ্গংগী ইমুং খুদিংদা মতম শাংনা(নোংমদা মী অমদা লিতর ৫৫দা(@গী মমলদা) অমদি অফবনি হায়বগী অয়াবা লৌরবা থক্নবা ঈশিং শোইদনা ফংহনগনি হায়বগী থাজবা পীখি। থৌরাং অসিনা খুঙ্গংগী মফমশিংদা খুঙ্গংগী মফমশিংদা তোতী শমদুনা খুঙ্গংদা লৈরিবা নুপীশিংগী মরু ওইনা নুপীমচাশিংগী হৈনদবশিং অদু কোকহনবদা মতেং পাংলগনি। মসিনা খুঙ্গংগী মফমশিংদা লৈরিবা মীশিংগী ‘অরাইবা পুন্সি মহিং’ হিংবা ফগৎহল্লগনি।

*****