ওর্গানিক্কী লৌউ-শিংউগী ৱারী অসি ভারত্তা পাম্নবা হেল্লকপদা নত্তনা মালেমগী অতোপ্পা লৈবাকশিংনসু পাম্নবা হেল্লকপগা লোইননা শন্দোকপা হেনগৎলক্লি। কোবিদ লাইচৎনা য়ৈবীরবা মালেম অসিদা হকচাং ফবা অমসুং চাবদা শোক্নিংঙাই ওইদ্রবা চীঞ্জাকশিংবু পাম্নবগী চাং হেনগৎলক্লি অমসুং মসিমক ঐখোয়গী লৌমী, কঞ্জুমরশিং অমসুং অকোইবদা য়াইফনবগী তাঞ্জা অমা ফংলবনি।

ভারতনা ওর্গানিক ফার্মর য়াম্না লৈবদা মকোক থংলি অমসুং ওর্গানিক ফার্মিংগী লম চাউবদনা মাপন শুবদা লৈরি। সিক্কিম্না মালেমদা ওর্গানিক খক্তমক ফংবা রাজ্য অহানবা ওইরে অমসুং অতোপ্পা রাজ্য ত্রিপুরা অমসুং উত্তরাখন্দসু পান্দম অসি ফংনবা হোৎনরি। অৱাং নোংপোক লমদম অসি মহৌশানা ওর্গানিক ওইদুনা লাকচৈ অমসুং লৈবাক অসিগী মফম অতৈদগী কেমিকেল য়াওবা পোৎলম চাবগী চাং য়াম্না নেম্লি। মসিগা মান্ননা ত্রাইবেল অমসুং আইলেন্দ ওইবা লমশিংবু মখোয়গী ওর্গানিক্কী ৱারী অসি মখা তানা য়োকখৎনবগীদমক পুক্নিং থৌগৎলি।

লৌমীশিংদা ওর্গানিক ফার্মিংবু লৌখৎনবা অমসুং প্রেমিয়ম ওইবা মমলনা মরম ওইদুনা রিন্যুমরেসন হেনগৎনবগীদমক মিসন ওর্গানিক ভেল্যু চেন দিবেলপমেন্ত ফোর নোর্থ ইস্ত রিজন (এম.ও.ভি.সি.দি.) অমসুং পরমপরাগৎ কৃশি বিকাস য়োজনা (পি.কে.ভি.ৱাই.) হায়বা থৌরাং অনী কেমিকেল য়াওদনা পোৎচৈ থানবগীদমক ২০১৫দা হৌদোকখ্রে। এগ্রি এক্সপোর্ত পোলিসী ২০১৮না চপ মান্নবা মতমদা পাঙ্গল পীরদুনা ভারত অসি মালেমদা ওর্গানিক মার্কেৎকী মরুওইবা লম অমা ওইনা হৌরকপা ঙমগনি। মরুওইবা ভারতনা অতোপ্পা লৈবাকশিংদা থাদোক্লিবা ওর্গানিক্কী পোত্থোকশিংদি ফ্লাক্স সীদ, সোইবিন, চা, হিদাক লাংথক্কী পাম্বীশিং, চেঙ অমসুং হৱাই-চেঙৱাইনি, হায়রিবশিং অসিনা ২০১৮-১৯দা মপান্দা থাদোকখিবা ওর্গানিক্কী পোত্থোকশিংগী মনুংদা চাদা ৫০ কোনশিনখি অমসুং লুপা কোতি ৫১৫১ য়ৌখি। অসম, মিজোরম, মনিপুর অমসুং নাগালেন্দদগী য়ু.কে., য়ু.এস.এ., স্বাজিলেন্দ অমসুং ইতালিদা থাদোক্লিবা পোত্থোকশিং অসিনা চাউবগী চাং অমসুং লমথুংফম হেনগৎহন্দুনা হকচাং ফবা চীঞ্জাকশিং পাম্নবগী চাং হেনগৎলক্লি হায়বসি তাক্লে।

লৈরিবশিংগী মফমদা থাজবা হেনগৎনবগীদমক সর্তিফিকেৎ পীবা হায়বসি য়াম্না তঙাইফদবা অমা ওইরি। পি.কে.ভি.ৱাই. অমসুং এম.ও.ভি.সি.দি.না পার্তিসিপেতোরী ফরেন্তী সিস্তেম (পি.জি.এস.) অমসুং নেসনেল প্রোগ্রাম ফোর ওর্গানিক প্রদক্সন (এন.পি.ও.পি.)গী মখাদা মথং শিৎনা দোমেস্তিক অমসুং এক্সপোর্ত মার্কেৎকী সর্তিফিকেৎ পীরি। ফুদ সেফতী অমসুং স্তেন্দার্দ (ওর্গানিক ফুদ) রিগুলেসন্স, ২০১৭ অসি এন.পি.ও.পি. অমসুং পি.জি.এস.কী স্তেন্দার্দতা লেপ্পী। কঞ্জুমরনসু ফসাই, জাইবিক ভারত/পি.জি.এস. ওর্গানিক ইন্দিয়াগী মার্কশিং পোত্থোকশিংদা পোৎ অদুগী ওর্গানিক্কী শেংবগী চাং য়েংবীগদবনি। পি.জি.এস. গ্রীন অসি চহী অহুম্লোম চঙনা 'ওর্গানিক"তা মাই ওনশিনলক্লবা কেমিকে য়াওদ্রবা পোত্থোকশিংদা পীরি।

পি.কে.ভি.ৱাই.গী মখাদা লম হেক্তর লাখ ৭ রোমগী জগাদা ক্লস্তর ৪০,০০০ লোমদা মতেং পীরি। এম.ও.ভি.সি.দি.না মখোয়গী লম হেক্তর ৮০,০০০দা কোইরিবা এফ.পি.ও. ১৬০দা মতেং পীরি। মসিগী ক্লস্তরশিং অসিনা তুং কোইনা চৎনবগীদমক, কৈথেলদা থাদোকপগী থবক অসি কন্ত্রেক্ত ফার্মিং মোদতা তৌদুনা পোত্থোকশিং অমসুং ইন্দস্ত্রী অদুনা তঙাইফদবা অপাম্বা চাং অমসুং ক্বালিতী অদু ফংহনবা মরু ওই। হায়রিবসি বল্ক বাইয়রশিং অমদি ফাইতো এক্সত্রেক ইন্দস্ত্রীশিংগী অপাম্বগী লম্বীদা চঙশিনলিবনি। খ্বাইদগী য়াম্না লৈনবা পাম্বা পোত্থোকশিংগী মনুংদা শিং, য়াইঙং, চাক-হাও, মরু মরাং, ন্যুত্রি সেরিএল, কিহোম, হিদাক লাংথক শীজিন্নবা পাম্বী, বকৱেৎ, উশোই, অসিনচিংবশিংনি। সপ্লাই অসি অৱাং নোংপোক লমদমদগী মেঘালয়গী মাদর দেরী, মনিপুরদগী রেবান্তা ফুদ অমসুং বিগ বাস্কেৎতগী হৌখ্রে। আর.দব্ল্যু.এ.শিংদা কৈথেল ওইরবা লৌমীশিংগী কাংবুশিং অমসুং হকথেংননা য়োনবগী থবক অসি মহারাস্ত্রা অমসুং কর্নাতাকাদা চত্থদুনা তগৎ তগৎ তেক্লিবা পোত্থোকশিংবু শহরশিংদা লৈরিবা মীওইশিংদা দোলালী চাবা য়াওদনা অপাম্বা মমলদা য়োনবা ফংজরে। এগ্রেগেতরশিং য়াওবনা অপীকপা অমসুং মার্জিনেল ফার্মরশিংদদি শেল তানবা নুংঙাইহন্দে। মসিনা মরম ওইদুনা কৈথেলদা য়ুম্ফম থমদুনা জিল্লা অমা পোত্থোক অমা হৌদোকপগী ৱাখল্লোন অসি পুক্নিং থৌগৎলি, মসিগী মথক্তা অচৌবা শহরশিংগা থংনবা মফমশিংদা ওর্গানিক পাম্নবসু হেনগৎলক্লগনি।

লাইচৎ অসিনা ভারত্তা য়ৈরকপা মতমদা, অফবা চীঞ্জাক ফংহনবা হায়বসি হকশেল ফগৎহনবা হায়বসিগা চপ মান্ননা মরুওইবা লৌখি। রাজ্যশিংদা মন্দিশিংদা চিলহনবা হন্থনবগীদমক হকথেংননা য়োনবগী থবক লৌখৎনবগীদমক রাজ্যশিংদা ওর্দরশিং থংথনবা অমসুং লেজিস্লেসনশিং শেমদোক্তুনা লৌমীশিংদা কৈথেল মরাং কাইনা ফংহনবা মথৌ তাখি। লমদাং চাদবনা, মহৌশাগী কৈথেলদা চত্থোক চৎশিন য়ারক্তবা, দিমান্দ হন্থরকপা কয়া অসিনা রাজ্য অমসুং ক্লস্তর কয়াদা শেমদোক শাদোকপা কয়া থমদুনা খুদোংচাদবা অসিবু খুদোংচাবা শেম্নবা তাঞ্জাশিং লৌখি। কোহিমাগী ফ্রীন কেরাবান্না নাগালেন্দগী খুঙ্গংশিংদগী শহর ওইবা মফমশিংদা মনা মশিং, হেন্দিক্রাফ অমসুং হেন্দলুমগী পোত্থোকশিংগী মরক্তা শম্নফম অমা শেমখি (www.instamojo.com)। মহারাস্ত্রদা এফ.পি.ও.শিংনা ওনলাইন্দা উহৈ অমসুং মনা মশীং কয়া য়োন্নখি অমসুং পঞ্জাবতনা ইলেক্ত্রিক ভেনশিংদা য়ুম্থোং-য়ূম্থোংদা পোৎচৈ থিনবীখি। মনিপুর ওর্গানিক এজেন্সী (এম.ও.এম.এ.)না এম.ও.ভি.সি.দি.গী এফ.পি.সি. ১৫দা পোত্থোকশিং খোমগত্তুনা ইম্ফালগী সঞ্জেন্থোং অমসুং চিংমৈরোংদা লৈবা ওর্গানিক হোলসেল সেন্তরদা পুদুনা মীয়ামদা ফংহনখি।

ওর্গানিক ই-কম্মর্স প্লেৎফোর্ম www.jaivikkheti.inনা লৌমীশিংবু রিতেল অমসুং বল্ক বাইয়রশিংগা হকথেংননা শম্নহনবগী মপাঙ্গল কনখৎহল্লি। পাক চাউনা দিজিতেল তেক্নোলোজী শীজিন্নবা হায়বসি লাইচৎ অসিগী মতমদা মরুওইবা মচাক অমা ওইখি অমসুং মীয়াম্না পাম্নবা অমা ওইরে, মসিনা চত্থোক চৎশিনগী লোজিতিক্স, অসিনচিংবগী শেল হন্থহল্লে, মসিদা নত্তনা পীরিবা ক্বালিতীগী ঈপাউদসু মচেৎ অমতা তাহন্দ্রে। তশেংনমক, ভিদিও কনফরেন্সিং অমসুং ৱেবিনারশিংনা হীরম অসিগী মতাংদা মীয়ামদা মখোয়গী থবক্তা কাইহন্দনা অমসুং উন্নবা য়াদ্রবা মতমদা পাউ লৌবা ঙমহনলি। এন.ই.আর.গী রাজ্যশিংনসু আই.সি.এ.আর.না  শেমগৎপা ইন্তিগ্রেতেদ ফার্মিং মোদেলশিংদা শরুক য়াদুনা চাথোক হেনগৎহনবা, ইন্তিগ্রেতেদ ন্যুত্রিএন্তস অমসুং লাইনা লাইচৎ ফনবগী থবকশিংগা লোইননা লৌমীশিংগী শেন্থোক হেনগৎহল্লি। ভিদিও কনফরেন্সশিং অসি কম্পেনীশিংনা থেংনরিবা অৱাবা কয়া অসি খঙদোক্নবা অমসুং ক্লস্তরশিং চলাইবদা মরুওইবা থৌদাং লৌরিবা রিজনেল সেন্তরশিংগা রাজ্যশিংগা ৱারী শানবগী পাঙ্গল হেনগৎনবা অমসুং লৌমীশিং অমসুং লৌমীগী কাংলুপশিংদগী পোত্থোকশিং হকথেংননা লৈনবগীদমক অনৌবা খুৎপু শেম্বদা মতেং পাংলি।

নেচরেল ফার্মিং অসি ভারত্তদি অনৌবা ৱাখল্লোন অমনি, মসিদা লৌমীশিংনা হিদাক লাংথক শীজিন্নদনা লৌ খোইগনি – মরুওইনা ওর্গানিক ওইবা অরেম অপাশিং, শন্থী শনয়ুং, কম্পোস্ত অসিনচিংবা শীজিন্নদুনা। ওর্গানিক ফার্মিং হায়বসিগী নুংগী ওইবা ৱাখল্লোন অসি ইলিমেন্তশিং পুশিনবা হায়বনি মসিদা লৈহাউ, ঈশিং, মাইক্রোব অমসুং ৱেস্ত প্রদক্তশিং , ফোরেস্ত্রী অমসুং এগ্রিকলচর পুনশিনবা হায়বসিনা নেচরেল রিসোর্শসিং অসি তুং কোইনা শীজিন্নবগী অচুম্বা মচলনি, হায়রিবশিং অসি এগ্রি ভেজ ইন্দস্ত্রীশিংগীদমক চীঞ্জাক অমসুং ফীদস্তোকশিং হেনগৎলকপনা অৱাবা ফিবম অমদা লাক্লি। মসিসু সস্তেনেবল দিবেলপমেন্ত গোল ২না 'চাক লাম্বা থুপচিনবা, ফুদ সেক্যুরিতী হেনগৎহনবা, অমসুং ন্যুত্রিসন ফগৎহনবদা পান্দম থম্লিবা অমসুং সস্তেনেবল এগ্রিকলচর লৌখৎনবা' হোৎনরিবা অসিগা অমুক্তদা চৎমিন্নরি।

ইন্তর্নেসনেল স্তেন্দার্দশিংগা চুন্ননবা প্রদ্যুসরশিংগী কেপাসিতী বিল্দিং শাবা অমসুং ৱাখল লৌশিং পীবীদুনা ইন্দিয়ন ওর্গানিক ফার্মরশিংনা অথুবদা মালেমগী এগ্রিগী পোত্থোকশিংদা অচুম্বা মফম অমদা থম্বা ঙম্লগনি।

*********