মিনিস্ত্রী ওফ রোদ ত্রান্সপোর্ত এন্দ হাইৱেজনা বেতরী হাপতবা ইলেক্ত্রিক্কী গারীশিং য়োনবা অমসুং রেজিস্ত্রেশন তৌবগী অয়াবা পীখ্র। রাজ্যশিং অমসুং য়ু.তি.শিংগী ত্রান্সপোর্ত সেক্রেতরীশিংদা ইখিবা চেরোল অমদা মন্ত্রলয় অসিনা তেস্ত এজেন্সীনা পীবা অপ্রুভল সার্তিফিকেতকী মখল অদুগী মতুং ইন্না বেতরী বাওদবা গারীশিং য়োনবা অমসুং রেজিস্তর তোবা য়ারগনি হায়না শেংদোরকখ্রে। মখাতানা, রেজিস্ত্রশন অসিগীদমক্তা বেতরীগী মখল নত্রগা অতোপ্পা অকুপ্পা মরোলশিং অদু তাকপগী মথৌ তাদে হায়খি। তৌইগুম্বশুং, ইলেক্তিক্ গারী, অমসুং বেতরী (অচম্বা বেতরী নত্রগা শিন্দোকপা য়াবা বেতরী) অদুগী প্রোতোতাইপ অদু সেন্ত্রেল মোতোর ভেইকলস রুলেস, ১৯৮৯গী রুল ১২৬কী মখাদা পল্লিবা অখন্না তেস্ত এজেন্সী অদুনা অয়াবা পীখিবা মখল অদু ওইবা মথৌ তাই।

সেন্ত্রেল মোতোর ভেইকলস রুলস, ১৯৮৯গী মখাদা লৈবা,  ভিজ. ফোর্ম-২১ (সেল সার্তিফিকেত), ফোর্ম-২২ (মেন্যুফেকচরে অদুনা পীবা রোদ ৱর্দিনেস সার্তিফিকেত) অমসুং ফোর্ম- ২২-এ  (বোদী অদু তোঙান্না শেমখিবগী মোতোর ভেহিকলসনা পীবা রোদ ৱর্দিনেস সার্তিফিকেত), রুল ৪৭ (মোতোর ভেহিকলশিংগী রেজিস্ত্রেশনগীদমক্তা ওইবা এপ্লিকেশন)গী মখাদা মোতোর ভেহিকলশিংগী রেজিস্ত্রেশন তৌবগীদমক্তা মথৌ তাবা মরী লৈনবা ফোর্মশিং অসিদা রাজ্যশিং/য়ু.তি.শিংগী পুক্নীং চিংশিল্লি,  মসিদা ইঞ্জিন নম্বর/ মোতোর নম্বর (বেতরীনা চেনবা গারী ওইরবদি) অদু ময়াক শেংনা তাক্লি।

সরকার অসিনা লৈবাক অসিদা ইলেক্তিক্না চেনবা গারীশিংগী অপতেক হেনগৎহন্নবা ইকোসীস্তেম অমা শেম্নবা কন্না হোৎনরি। ভেহিক্যুলর পোল্যশন অমসুং ওইল ইমপোর্ত বিল হন্থহন্নবা লৈবাক অসিগী ওইবা চাউরবা এজেন্দা অসি ফংনবা ঐখোয় ময়াম পুন্সিন্দুনা পুন্না থবক তৌমিন্নবগী মতম ওইরে। মসিনা অখোইবদা লৈরিবা মহৌশাগী ফিভম অসি কনবা অমসুং ওইল ইমপোর্ত বিল হন্থহনবদা নত্তনা অনৌবা ইন্দস্ত্রী মরু ওইনা ইলেক্ত্রোনিক্স অমসুং তেলিকম্যুনিকেশন চাউখৎহন্নবা খুদোংচাবা কয়াশু পীগনি।

ইলেক্ত্রিক্কী ওইবা মখোং অনি পানবা গরীশিং অমসুং মখোং অহুম পানবা গরীশিং য়োকখৎনবগীদমক্তা,গারীগী মমলদগী বেতরীগী মমল (অপুনবা মমল অদুগী ৩০-৪০% ওইবা) অদু লৌথোক্নবগী রিকমেন্দেশনশিং অদু মন্ত্রালয় অসিদা খঙহল্লকখ্রে। অদু ওইরবদি গারীশিং অসি বেতরী য়াওদনা মার্কেত্তা য়োনবা য়ারগনি। মসিনা ইলেক্ত্রিক্কী ওইবা মখোং অনি পানবা গরীশিং (২ দবল্যু.) অমসুং মখোং অহুম পানবা গরীশিং  (৩ দবল্যু.)গী মাংজৌননা থিবা মমল অদুনা আই.সি.ই. ২ অমসুং ৩ দবল্যু. দগী হন্থগনি। বেতরী অদুনা  ও.ই.এম. নত্রগা ইনর্জী সার্বিস প্রোভাইদরনা তোঙান্না পীবা য়াগনি।

*********