থাজবা য়াবা পাউ অমদা চাইনাগী মীওই খর অমসুং মখোয়গা লোয়নবা ইন্দিয়নশিংনা সেল এন্তিতি পরিং অমা পৈশা কাইথোকপা অমসুং হৱালা ত্রান্সসেক্সন লিখুন ফংবদগী, চাইনা এন্তিতিস, মখোয়গী নক্নবা অরোনবশিং অমসুং বেঙ্ককী মীওই খরগী মফমশিংদা থি-হুম্বা চৎথখ্রে।  

থি-হুম্বগী থবক অসি চাইনিজ মীওই অমনা হায়দোরকপদগী খংলকপনি, বেঙ্ক একাউন্ত ৪০ হেনবা অমা শাজিন্নবা এন্তিতিদা শেম্দুনা লুপা করোর ১,০০০ হেনবগী শেন্ফম হাপচিন্দুনা মতম কয়াদগী চৎথদুনা লাক্লি। চাইনিজ কম্পনি অমগী সবসিদ্যারি অমা অমসুং মসিগা মরী লৈনবশিংনা লুপা করোর ১,০০ হেনবগী শেন্ফম লাননা লৌথোক্তুনা ইন্দিয়াদা রিতেল সোরুম হাংদুনা ব্যুজিনেস তৌখি। মখা তারকপদা থি-হুম্বা অসিদগী হৱালা ত্রান্সসেক্সন অমসুং পৈশা কাইথোকপদা শিজিন্নবা মরাল লৈরবা চেশিং অসি হকথেংননা চেন্নবা বেঙ্ককী ইম্প্লোয়িশিং অমসুং চাতর একাউন্তেন্তশিং ফাগৎখি।  হোংকোং অমসুং য়ু.এস. দোল্লরগী হাৱালা ত্রাঞ্জেক্সন চেন্নবা সাখিশিং লৈরে। মখা তাবা থি-হুম্বগী থবক চৎথরি।     

****