প্রধানমন্ত্রীগী লোইশঙ

“ অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং অমা ২০২০গী অগস্ত ১৩দা প্রধান মন্ত্রী নরেন্দ্র মোদীনা হৌদোক্লগনি

Posted On: 12 AUG 2020 9:15AM by PIB Imphal

২০২০গী ওগস্ত ১৩দা ভিদিও কনফরেন্সকী খুৎথাংদা “অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং প্রধান মন্ত্রী নরেন্দ্র মোদীনা হৌদোক্লগনি।

চহি খর অসিদা সি.বি.দি.তিনা দাইরেক্ত তেক্স লৌবগী মতাংদা অচৌবা অওনবা কয়া পুরকখ্রে। হৌখিবা চহিদা কোরপোরেত তেক্স রেত চাদা ৩০দগী চাদা ২২দা হন্থহনখি অমসুং অনৌবা মেনুফেকচরিং য়ুনিতশিংগী রেত চাদা ১৫দা হন্থরে। দিবিদেন্দ দিস্ত্রিবুসন তেক্সসু মুৎথৎলে।

তেক্স রেতশিং হন্থহন্নবা অমসুং দাইরেক্ত তেক্স লোশিং লাইথোকহন্নবা তেক্সকী অওনবশিং পুরক্নবা মিৎয়েং থম্লি। আই.তি দিপার্তমেন্তনা থবক তৌবদা অরোন-অথুপ লৈতনবা অমসুং নিংথিনা থবক পাংথোক্নবা সি.বি.দি.তিনা থৌরাং কয়া পায়খৎলে। পায়খৎলিবা থবকশিংগী মনুংদা ওফিসকী ই-পাউ ফাওনবদা অরোন-অথুপ লৈতনবা দিপার্তমেন্তনা পাউ পীবা খুদিংমক কম্পুতরনা পীবা য়ুনিক দোকুমেন্ত আইদেন্তিফিকেসন নম্বর অমা য়াওনবা নৌনা দোকুমেন্ত আইদেন্তিফিকেসন নম্বর(দি আই এন) হৌদোক্লে। তেক্স থিবদা লাইবা হেনগৎহন্নবা, লনাই মীওইশিং খুদোংচানবা আই.তি দিপার্তমেন্তনা মাংজৌননা মেনশিল্লবা ইনকম তেক্স রিতর্নশিং শীজিন্নবা হৌরে। স্তার্দঅপশিংনা তেক্স থিনবগী নিয়মশিংসু লাইথোকহল্লে।

পন্দুনা লৈরিবা তেক্সকী ৱাথোকশিং ৱারোইশিন পুরক্নবা আই.তি দিপার্তমেন্তনা দাইরেক্ত তেক্স “বিবাদ সে বিশ্বাস এক্ত,২০২০” পুথোক্লে অমসুং মসিগী মখাদা ৱাথোকশিং লোইশিন্নবা লাউথোক্লিবশিং অদু খুদক্তা ফাইল তৌরে।তেক্স থিরবশিংগী অৱাবশিং/কোর্তকী কেসশিং হন্থহন্নবা, তোঙান-তোঙানবা কোর্তশিংদা দিপার্তমেন্তনা অপীল তৌনবা শেনফমগী চাং হেনগৎহল্লে। দিজিতেল অমসুং ইলেকত্রোনিক ওইনা শেন পীথোক-পীশিন তৌবা হেনগৎহন্নবা থবক কয়া পায়খৎলে। রিতর্ন ফাইল তৌনবগী মতম শাংদোকহন্দুনা অমসুং তেক্স থিরিবশিংগী মখুৎতা শেন য়াম্না লৈনবা রিফন্দশিং অথুবদা থাদোক্তুনা কোবিদ লাইচৎ মনুংদা তেক্স থিরিবশিং খুদোংচানবা থবক কয়া আই.তি দিপার্তমেন্তনা পায়খৎলে।

প্রধান মন্ত্রীনা হৌদোক্কদৌরিবা “ অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং অসিনা দাইরেক্ত তেক্সকী অওনবশিং পুরক্নবা খোঙচৎ মাঙলোমদা খুমাংচাউশিল্লগনি।

হৌদোকপা থৌরম অদুদা তোঙান-তোঙানবা চেম্বরস ওফ কমর্স, ত্রেদ এসোসিএসনশিং, চার্তর একাউন্তেন্তশিংগী এসোসিএসনশিং অমসুং শক্নাইরবা তেক্স থিবা মীওইশিং শরুক য়াবগী মথক্তা ইনকম তেক্স দিপার্তমেন্তগী ওফিসারশিং অমসুং ওফিসিএলশিং শরুক য়াগনি। থৌরম অদুদা য়ুনিয়ন ফাইনান্স অমসুং কোরপোরেত এফেয়ার্স মিনিস্তর শ্রীমতি নিরমালা সিতারমন অমসুং ফাইনান্স অমসুং কোরপোরেত এফেয়ার্সগী রাজ্য মন্ত্রী অনুরাগ সিংহ থাকুরসু শরুক য়াগনি।

*****



(Release ID: 1645260) Visitor Counter : 2