হকশেল অমসুং মেদিসিনগী লমদা মৈধ্য প্রদেশকী ফিবম ফগৎহন্নবগী মতাংদা ঙসি দিজিতেল ওইনা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্শ বর্ধন্না মৈধ্য প্রদেশকী চীফ মিনিস্তর সিবরাজ সিংহ চৌহানগা ৱারি শানখ্রে।

২০২৩দা ‘অত্মানির্ভর’ মৈধ্য প্রদেশ অমা ওইহন্নবা মৈধ্য প্রদেশ সরকারগী ওফিসিএলশিংনা পায়খৎকদবা থবকশিং উৎখি। য়ুনিয়ন মিনিস্তরনা মখোয়দা মমল য়াম্লবা পাউতাকশিং পীখি। মিনিস্তরগী পাউতাকশিং থবক্তা মপুংফানা ওন্থোক্কনি হায়না চীফ মিনিস্তরনা মহাক্কী থাজবা পীখি।

কোবিদ-১৯ লাইচৎ মনুংদা ৱাশক লৌরবসু মৈধ্য প্রদেশতা লাইচৎ অসি ফজনা লাকশিনবগীদমক  অমসুং মহাক লায়না অসিগী ফরকপদা য়ুনিয়ন মিনিস্তরনা সিবরাজ চৌহান থাগৎখি।

য়ুনিয়ন মিনিস্তরনা হায়খি, মৈধ্য প্রদেশকী অপুনবা মীশিংগী চাদা ৭৮ অয়ুসমান ভারত প্রধান মন্ত্রী জে.এ.ৱাই স্কিমগী কান্নবা ফংলে। হেল্থ অমসুং ৱেলনেস সেন্তরগী চাদা ২৮.২৬ খক থবক তৌরবসু, মীওই করোর ৮ লৈবা মৈধ্য প্রদেশতা কোবিদ-১৯ লাইচৎ মনুংদা মীওই করোর ১ হেন্না সেন্তরশিং অসিদা লাকখি। অহেনবা হেল্থ অমসুং ৱেলনেস সেন্তরশিং অথুবদা মথৌ পাংথোকহন্নবা মহাক্না রাজ্যগী ওফিসিএলশিংদা খঙহনখি। অয়ুসমান ভারতকী মখাদা লৈবা হেল্থ অমসুং ৱেলনেস সেন্তরশিংনা মীয়ামদা অফবা মগুন লৈবা লায়েংবগী খুদোংচাবশিং লেম্না ফংহল্লিবনি।

মিনিস্তরনা হায়খি, রাজ্য অসি অনৌবা থবকশিং হায়বদি নৌনা পোকপা অনাবা অঙাংশিং লায়েংবা, ফাস্ত রিফরেল য়ুনিত, রোগী কলয়ান সমিতিগী থবকশিংগী মমিং চৎলিবনি। ওথোরিতিশিংনা মীয়ামগী হকশেলগী থবকশিং পায়খৎপা ঙম্নবা ই-সঞ্জিবানি তেলি-মেদিসিন প্লেতফোর্ম শীজিন্নগদবনি।

মহাক্না হায়খি, রাজ্য অসিগী ওইনা অঙাং লাখ ১ পোকপদা এম.এম.আর ১৭৩, অঙাং ১০০০ পোকপদা আই.এম.আর ৪৮ অমসুং অঙাং ১০০০ পোকপদা এন.এম.আর ৩৬  ওইদুনা লৈবাক্কী চাংচত্তগী ৱাংলিবা  অসিনা মীরোনবীশিং অমসুং অঙাংগী হকশেলগী ফিবম অফবা ওইদ্রি হায়বা উৎলে। হেল্থ দিপার্তমেন্তা থবক তৌনবা মীওই য়াম্না ৱাৎলি। হাংদুনা লৈরিবা ফমশিং মেনশিন্নবা অমসুং রাজ্যগী জি.দি.পিগী চাদা ৮ হকশেলগী থবকশিংদা থাদনবা মহাক্না চীফ মিনিস্তরদা তকশিনখি।

রাজ্যগী ওফিসিএলশিংনা উৎখিবা পান্দম ৮ অমসুং থবক ৩৩ অদু য়ুনিয়ন মিনিস্তরনা য়াখি অমসুং মখোয় অদু থবক ওইনা পাংথোক্তুনা প্রধান মন্ত্রীগী ‘অত্মানির্ভর ভারত’কী মঙলান মঙফাউনহন্নবা খঙহনখি।

****