রাজ্য সভাগী থৌমীশিংগী লৈফম য়াম্না ৱাৎপগী ফিভমগী ৱারোইশিন পুরক্নবা হায়দুনা লৈবাক্কী কোনুংদা লৈবা মফম চারবা আর.কে. পুরমগী সেক্তর ১২দা দ্বেল্লিং য়ুনিৎ ৪০ শারগনি।

রাজ্য সভাগী চেয়রমেন শ্রী এম. বেঙ্কয়া নাইদুনা ঙসি লুপা কোতি ৪৬কী হাউজিং কমপ্লেক্স অসিগী উরেপ উয়ুং তম্বগী প্লেক অসি উপরাস্ত্রপতি নিৱাস্তগী রিমোত্তা হাংদোকখি। থৌরম অসিদা হাউজিং অমসুং অর্বান এফিয়ার্স অমসুং সিবিল এবিএসনগী কেন্দ্র মন্ত্রী শ্রী হরদীপ সিংহ পুরিসু শরুক য়াখি।

প্লেক হাংদোকখ্রবা তুংদা শ্রী নাইদুনা হায়খিবদা সেক্রেতরিএৎকী থৌমীশিংগী লৈফম লৈতবগী খুদোংচাদবা কয়া থেংনরবসু ইং ২০০৩দা সেক্রেতরিএত্তা পীখিবা মফম চারবা লম অসিবু মতম কয়া শিজিন্নবা য়াদনা লৈরকখি অমসুং মসিগীদমক্তা মহাক্না নুংঙাইতবা ফাওই হায়খি। চহি ১৭কী শাংলবা মতমগী মতুংদা হাউজিং প্রোজেক্ত অসিগী থবক পায়খৎপা হৌবা য়াবা অসিনা সেক্রেতরিএৎকী চাদিং তৌদ্রবসু য়াবা শেনফম কয়া অমা কল্লবনি হায়খি। শ্রী নাইদুনা তাংলবা লম অসি শিজিন্নবা য়াদনা লৈরকখ্রিবা অসি সোসিএল-ইকোনোমিক-লীগেল-এদমিনিস্ত্রেতিবকী ওইবা চয়েৎনবা কয়া লৈবদগীনি হায়খি।

লম অসিবু শিজিন্নবা য়ানবা হায়দুনা হৌখিবা চহি অনিদা হাউজিং অমসুং অর্বান এফিয়ার্স মন্ত্রী শ্রী পুরি, মন্ত্রালয় অসিগী সেক্রেতরী শ্রী দুর্গা শঙ্কর মিশ্রা, দিল্লী সরকারগী সেনিয়র ওফিসারশিং, দি.দি.এ., দি.য়ু.এস.আই.বি., লেন্দ এন্দ দিবেলপমেন্ত ওফিসারশিং অমসুং অতোপ্পা মরী লৈনবা মীওইশিংগা লোয়ননা পাংথোকখিবা মীফম কয়াবু চেয়রমেন্না নৌহৌননা পনখি। মসিগী মথক্তা শ্রী নাইদুনা লেফতেনেন্ত রাজ্যপাল শ্রী অনিল বাইজাল অমসুং দিল্লীগী মুখ্য মন্ত্রী শ্রী অরবিন্দ কেজ্রিৱালগসু হীরম অসিগী মতাংদা ৱারী শানখি।

শ্রী নাইদুনা ইং ২০০৩দা দাইরেক্তোরেৎ ওফ ইস্তেৎনা রাজ্য সভাদা পীখিবা স্ক্বার মীতর ৮৭০০গী পাক চাউবা তাংলবা লম অসি মতম চানা শিজিন্নফম থোক্না শজিন্নরম্মবদি হাউস রেন্ত এলাৱেন্সকী মওংদা পীখ্রিবা শেনফম কয়া অসি কল্লমদুনা হাউজিং প্রোজেক্ত অসিদা শেনফম অসি থাদরম্লবদি হৌজিক ফাওবগী মনুংদা শেনফম খরা লেম্মম্বসু য়ারিবনি। সেক্রেতরিএৎ অসিনা আর.এস.তি.ভি.বু এন.দি.এম.সি.দা লৈহনবগী ওইনা চহিদা লুপা কোতি ৩০গী য়াম্লবা শেনফম অমা ভরা ওইনা পীরি অমসুং চেনেল অসিবু আর.কে. পুরমদা মতম চানা হোংদোক্লম্লবদি মশক থোকপা কান্নবা অমসু ফংলগনি হায়না মহাক্না হায়খি।

লম অসিবু শিজিন্নবদা থেংবদগী থেংনরিবা খুদোংচাদবা কয়া অসি য়েংলদুনা শ্রী নাইদুনা দিল্লীদা লৈরিবা কেন্দ্র সরকারগী থৌমীশিংগী লৈফম পীবা ঙম্বগী শরুক ৬৭% অসিগা চাংদম্নদা রাজ্য সভা সেক্রেতরিএৎকী থৌমীশিংদা লৈফম পীবা ঙম্বগী চাং অসি ৩৮% খক্তনি হায়খি। সেক্রেতরিএৎকী থৌমীশিংগী তাইপ-৩ অমসুং তাইপ-৪গী ক্বারতরগী অৱাৎপা লৈরিবা অসি ৭২%গী চাংদনি হায়খি অমসুং মসিনা মরম ওইদুনা আর.কে. পুরমদা লৈরিবা লমগী স্ক্বার মীতর ৪০২৪গী পাক চাওবদা অহানবা তাঙ্কক্কী ওইনা তাইপ-৩গী ক্বার্তর ৩২ অমসুং তাইপ-৪গী ক্বার্তর ২৮ হান্না শাবা হৌগনি হায়না শ্রী নাইদুনা হায়খি। হৌজিক লৈরিবা সেক্রেতরিএৎ অসিগী  ওফিসার অমসুং স্তাফ ১৪০০গী ওইনা শুপ্নগী লৈফম ৫৩৬ খক্তমক লৈ।

থবক তৌফমগা ময়ুম ওইনা লৈবা মফমগা নক্নবা অসিনা থৌমীশিংদা পুক্নিং থৌগৎপা হেল্লি হায়না হায়রদুনা থবক শুবগী মতম য়াম্না শাংবা অমসুং হাউস অসিনা সেসন ফম্বা মতমদদি অমুক্কা হেন্না মতম শাংনা থবক তৌরিবা রাজ্য সভাগী থৌমীশিংগী হৌজিক্কী ওইনা লৈফম মরাং কায়দনা লৈবা অসিদা নুংনাংবা ফোঙদোকখি।

রীএল ইস্তেৎ রীগ্যুলেসন অমসুং দিবেলপমেন্ত এক্ত ২০১৬ চৎনহনখিবদা মতম অদুগী হাউজিং অমসুং অর্বান পোবর্তী এলেবিএসন মন্ত্রী ওইনা মহাক্কী থৌদাং কয়া য়াওখিবা অদুবু পল্লদুনা শ্রী নাইদুনা মসিগী পাক চাউবা আইন অসিনা ক্রেদিবিলিতীগী ইরাং থেংনরিবা রীএল ইস্তেৎ সেক্তরদা খেৎনবা অমা পীখি অদুবু সেক্তর অসিবু হেন্না চাউখৎহনগে হায়রবদি মসিগী স্তেকহোলদর খুদিংমক্না থবক ময়াম অমা পাঙথোকপগী তঙাই ফদবা হৌজিকসু লৈরি হায়না মহাক্না হায়খি।

হাউজিং অমসুং অর্বান এফিয়ার্সকী মন্ত্রী শ্রী হরদীপ সিংহ পুরিনা চেয়রমেন্দা লৈফম লৈত্রিবা অসিবু য়েংলদুনা এন.বি.সি.সি.না হাউজিং কমপ্লেক্স অসি লোইশিন্নবা চহি অহুমগী মতম পীরবসু হায়রিবা মতম অসিগী মমাংদা প্রোজেক্ত অসি লোইশিনবা ঙমগনি হায়বগী থাজবা পীখি। ইং ২০১৬তা হৌদোকখিবা অর্বান মফমশিংগী ওইবা হাউজিং ফোর ওল মিসন অসি মায় পাক্না চত্থদুনা হৌজিক ফাওবদা য়ুম কোতি ১.০৭ শাবগী অয়াবা পীখ্রে অমসুং পান্দম ওইরিবা য়ুম কোতি ১.১২ শাবা অসি পান্দম থম্লিবা ২০২২ ফাওবগী মনুংদা লোইশিনবা হায়রিবসিগী মমাংদা য়াম্না থুনা লোইশিনবা ঙম্লগনি হায়খি।  মসিন অসিগী মখাদা অর্বান মফমশিংদা শাবা য়ুম লাখ ৩৫দি মী লৈবা হৌনখ্রে অমসুং অতোপ্পা য়ুম লাখ ৬৫না হৌজিক কন্না শাবগী থবক চত্থরি হায়না মখা তানা হায়খি।

শ্রী পুরিনা হায়খি, “লম অসিবু শিজিন্নবগী মতাংদা মতম অমদা ওইথোকপদা অরুবা ওইগনি হায়না খন্নরম্বা অসু হৌখিবা চহি অনিসিদা রাজ্য সভাগী চেয়রমেন্না উৎখিবা থ ৱাই য়াওবা অমসুং নিংহন্নদবগী মতৌ অদুনা হীরম অসিগী ৱারোইশিন পুরকপা ঙম্লিবনি”। মন্ত্রীনা লেমহৌরিবা লমগী শরুক অসিসু অথুবা মতমদা রাজ্য সভা সেক্রেতরিএৎকী থৌমীশিংনা লৈনবা হাউজিং কমপ্লেক্স শাবগী অনিশুবা তাঙ্কক্কীদমক্তা শিজিন্নবা য়ারগনি হায়বগী থাজবা পীখি।

রাজ্য সভাগী জেনেরেল সেক্রেতরী শ্রী দেশ দীপক বর্মা, সেক্রেতরী দাঃ পি.পি.কে. রামাচারয়ুলু, এন.বি.সি.সি.গী সি.এম.দি. শ্রী পি.কে. গুপ্তা অমসুং হাউজিং অমসুং অর্বান এফিয়ার্স মন্ত্রালয় অমসুং রাজ্য সভাগী সেক্রেতরিএৎকী সেনিয়র ওফিসারশিংসু থৌরম অদুদা শরুক য়াখি।

মহাক্না ৱা ঙাংখিবগী অপুনবা ৱারোল মখাদা পীরিঃ

হাউজিং অমসুং অর্বান এফিয়ার্স অমসুং সিবিল এবিএসন অমসুং কম্মর্স অমসুং ইন্দস্ত্রীগী রাজ্যগী মন্ত্রী শ্রী হরদীপ সিংহ পুরিজী, রাজ্য সভা সেক্রেতরী জেনেরেল শ্রী দেশ দীপক বর্মা, ভারত সরকারগী সেক্রেতরী শ্রী দুর্গা শঙ্কর মিশ্রা, রাজ্য সভা সেক্রেতরিএৎ অমসুং হাউজিং অমসুং অর্বান এফিয়ার্স মন্ত্রালয়গী সেনিয়র ওফিসারশিং !

ঙসিগী রাজ্য সভা সেক্রেতরিএৎকী থৌমীশিংগী হাউজিং কমপ্লেক্স শাবগী উরেপ উয়ুং তম্বা অসি হীরম অনিদা য়াম্না তোপ তোপ্পা ওই। অহানবা অসিনা মসিগী বর্চুএল ওইবা মওং অসিনি অমসুং অনিশুবা অসিনা লৈবাক্কী কোনুংগী মফম চারবা আর.কে. পুরমদা চহি ১৭কী মমাংদা সেক্রেতরিএত্তা পীখ্রবা লম অসিবু রাজ্য সভাগী থৌমীশিংগী লৈফম য়াম্না লিক্লবা ফাওবদা মফম চানা শিজিন্নবা য়াহনখিদবা অসিনি।

তেক্নোলোজীনা অথুবা মতমদা চাউখৎলকপগা লোয়ননা তসেং তসেংবশিংগী মতৌশিং অসি বর্চুএলনা মহুৎ শিনলক্লি অমসুং কোরোনা ভাইরস থোক্লকপদগী মসিবু হেন্না খুমাং চাউশিলহন্দুনা বর্চুএলনা তসেং তসেংবা অসেংবা ওইরে। ভাইরস অসিনা ওইহল্লক্লিবা অনৌবা মহৌশাগী থৌওং অসিনা ঐখোয়বু কন্সত্রক্সন তৌরিবা মফমদগী লাপ্না লৈহল্লে অমসুং উরেপ ঊয়ুং তম্বা অসিসু বর্চুএল রীএলিতী ওইনা ওইহল্লে। পুম্নমক অসি ভাইরস অমসুং মহাক্কী খোঙলোই ওইরিবা কোবিদ-১৯ লায়চৎনা ওইহল্লক্লিবা অহোংবশিং থেংননবা অমত্তা ঙাইরবা লম্বীনি।

ঙসিগী থৌরম অসিগী তোপ তোপ্পা অনিশুবা মরম অসিনা লৈবাক অসিগী কোনুংদা লৈবা লম অমা শিজিন্নফম থোকপা মওংদা শিজিন্নবা য়ানবা হোৎনবদা চংবা খুদোংচাদবশিং অমসুং মসিনা শাংলবা মতম অসিবু লম অসি শিজিন্নবা য়াদনা লৈহনখিবা অসিনি। হীরম অসিগী মতাংদা হৌখিবা চহি ২দগী হোৎনরকপদা থেংনখিবা সোসিএল-ইকোনোমিক-লীগেল-এদমিনিস্ত্রেতিবকী ওইবা মওংশিং অসি উবদা ঐহাক্না য়াম্না ঙকপা ফাওখি।

অর্বান দিবেলপমেন্ত মন্ত্রালয়না য়াম্না ঙন্না ইং ২০০৩দা ‘এস ইস হ্বেয়ার ইস’তা য়ুম্ফম ওইদুনা রাজ্য সভাদা স্ক্বার মীতর ৮৭০০ পাক চাউবা লম অসি মসিগী মীওই কয়া লৈনবা য়ুম শানবা হায়দুনা পীরকখি। হৌখিবা মতমশিং অসিদা লম অসিবু শিজিন্নফম থোকপা মওং শিজিন্ননবা করি থৌওং পাংথোকখিবগে হায়বদু নীংথিনা খংদ্রে।

ঐহাক্না সেক্রেতরিএৎকী থৌমীশিংগী লৈফম ৱাৎপা অমসুং আর.কে. পুরমদা লৈরিবা অহাংবা লম অসিগী মরমদা হেক খঙবগা মসিবু শিজিন্নবা য়ানবা হায়দুনা মমাংগী চহিদগী ঐহাক্না হোৎনদুনা লাক্লি। রাজ্য সভাগী চেয়রমেন অমা ওইনা ঐহাক্না মন্ত্রী শ্রী পুরি, মহাক্কী সেক্রেতরী শ্রী মিশ্রা, লেন্দ এন্দ দিবেলপমেন্ত ওফিসারশিং (এল. এন্দ দি.ও.), দি.দি.এ.গী ওফিসিএলশিং, দিল্লী সরকার, দি.য়ু.এস.আই.বি. অমসুং অতোপ্পা মীওইশিংগা মীফম কয়া পাঙথোকখি। ঐহাক্না দিল্লীগী লেফতেনেন্ত গবর্নর অমসুং মুখ্য মন্ত্রী ফাওবগসু ৱারী শাখি। অকোনবদদি ঐখোয়না ঙসিগী নুমিৎ অসিদা য়ৌরক্তুনা লৈরে। লম অসিগী পাক চাউবগী তংখাই হেনবদি সেক্রেতরিএৎকী থৌমীশিংনা লৈনবা হাউজিং প্রোজেক্ত অসিগী অনিশুবা তাঙ্কক হৌনবগীদমক্তা হাংহনগদবা ৱাৎলি।

সেক্রেতরিএৎকী থৌমীশিংগী লৈফম য়াম্না ৱাৎলিবা অসিগী মাইকৈরোমদগী য়েংলবদি উরেপ উয়ুং তম্বদা চহি ১৭কী শাংলবা মতম চংখিবা অসি মিৎয়েং চংফম থোকপনি। অঙনবদা থবক পায়খৎলম্লবদি হাউস রেন্ত এলাৱেন্সকী মওংদা রাজ্য সভা সেক্রেতরিএৎকী য়াম্লবা শেনফম অমা কনলম্বা য়াবনি। হৌজিক ফাওবগী ওইনা চাউরবা শেনফম অমা তুংশিল্লম্বা য়ারবনি। রাজ্য সভানা এন.দি.এম.সি. বিলদিংদা আর.এস.তি.ভি. থম্বগী চহিগী ওইনা য়াম্লবা লুপা কোতি ৩০গী ভরা পীদুনা লাক্লি। চেনেল অসিবু অনৌবা মফম অসিদা হোংদোক্লকপদা খুদোংচাবা কয়া অমসু ফংলম্লগনি।

রাজ্য সভা সেক্রেতরিএৎকী ওফিসার অমসুং স্তাফ ১৪০০গী  লৈফমগী তঙাই ফদবগী শরুক ৩৮% খক্তং পীবা ঙম্লি অমসুং লেমহৌরিবা ৬২%গী অৱাৎপা লৈরে হায়বা তাক্লি। মখোয়গী লৈফম পীনবা ঐখোয়দা হৌজিক লৈফম ৫৩৬ খক্তমক লৈ। মসিগী মনুংদা সেক্রেতরিএৎ অসিনা আই.এন.এ. মার্কেত্তা শাবা লৈফম ১০৫ অমসুং হাউজিং অমসুং অর্বান এফিয়ার্স্না দিপার্ত্মেন্ত পুলগী মখাদা পীবা লৈফম ৪৩১ য়াওরি।

অসিগুম্লবা রাজ্য সভা সেক্রেতরিএৎ থৌমীশিংগী লৈফম তঙাই ফদবা পীবা ঙমদবা অসিগা চাংদম্নরবদি লৈবাক্কী কোনুং অসিদা লৈরিবা অপুনবা কেন্দ্র সরকারগী থৌমীশিংদা পীরিবা লৈফমগী চাং অসি ৬৭%নি।

সেক্রেতরিএৎকী থৌমীশিংগী ওইনা তাইপ-৩ অমসুং তাইপ-৪গী থাক্তা লৈবা মফমগী অৱাৎপা য়াম্না চাউবা ৭২%গী চাংনি। মসিগা মান্নবা ওইনা দিল্লীদা লৈরিবা কেন্দ্র সরকারগী থৌমীশিংগী অৱাৎপা অসি মথংশিৎনা ৪২% অমসুং ২১%নি।

পুম্নমক অসিদা য়ুম্ফম ওইদুনা ঐখোয়না স্ক্বার মীতর ৪২০৪ পাক চাউবা লম অসিদা চাউরাক্না লুপা কোতি ৪৬ চংদুনা তাইপ-৩গী হাউজিং য়ুনিৎ ৩২ অমসুং তাইপ-৪গী ওইনা ২৮ য়াওনা অপুনবা হাউজিং য়ুনিৎ ৬০ শানবা ৱারেপ লৌরে। এন.বি.সি.সি.না আর.কে. পুরমদা শাগদবা অহানবা তাঙ্কক্কী অকুপ্পা প্রোজেক্ত রিপোর্ত পীশিনখ্রে। কমপ্লেক্স অসিদা এফ.এস.আই.গী কাঙলোনগী মতুং ইন্না লৈমাই থারগা মথোল ৭ লৈবা অমসুং লৈমাই থারগা মথোল ১৩ লৈবা ব্লোক অনি লৈগনি।

প্রোজেক্ত অসি গ্রিহা (গ্রীন রেতিং ফোর ইন্তিগ্রেতেদ হেবিতেৎ এসেস্মেন্ত) গী কাঙলোন ইন্দুনা পায়খৎকদবনি। মসিদা য়ুম্থক্তা খিনবা সোলার পাৱর জেনেরেতর, য়ুম শাবগী মোনোলিথিক ফ্রেমৱর্ক, ইন্তেল্লিজেন্ত বিলদিং মেনেজমেন্ত সীস্তেম, কার খাম্নবা বেজমেন্ত অনি লৈবনচিংবা মওং মতৌ য়াওরি।

থবক মফমগা নক্ননা য়ুম লৈবা অসিনা থৌমীশিংদা মখোয়গী অফবা পুথোক্তুনা থবক তৌবদা পুক্নিং থৌগৎলি। থবক শুবগী মতম শাংবা অমসুং হাউসনা সেসম ফম্বা মতমদনা হেন্না শাংবা থৌওং লৈরিবা রাজ্য সভাগী থৌমীশিংগী হাউজিং দিমান্দ সেতিস্ফেক্সন অসি য়াম্না নেম্মি হায়বসি খংবদা ঐহাক য়াম্না পেন্দে। ঐহাক্না হীরম অসগী মতাংদা করিগুম্বা খরা তৌনিংদুনা লাকখি অমসুং থৌদাং অসি পাঙথোকপদা চহি ২ চংখ্রে। হৌজিক্তি ঐহাক য়াম্না নুংঙাইরে। লেমহৌরিবা লমগী শরুক অসিদা অথুবা মতমদা প্রোজেক্ত অসিগী অনিশুবা তাঙ্কক্কী থবক পায়খৎপা ঙমগনি হায়না ঐহাক্না থাজবা থম্লি।

সেক্রেতরিএৎকী থৌমীশিংগী লৈফম ৱাৎপগী হীরম অসিগী মতাংদা ঐহাক্না মন্ত্রী ওইবিরিবা শ্রী পুরি অমসুং মহাক্কী ওফিসিএলশিংগী কাংবুদা সেক্রেতরিএৎনা হায়জরিবা অসিবু  খন্নদুনা দিপার্ত্মেন্ত পুলগী মখাদা ঐহাক্কী হাউজিং য়ুনিৎশিং ফংহনবীনবা হায়জরি।

মরুপশিং !

অতৈ মফমদা ওইবগুম ঐখোয়গী লৈবাক অসিদা অর্বানাইজেসন হেনগৎলকপগা লোয়ননা লৈননবা য়ুমগী তঙাই ফদবশিং অসি য়াম্না হেনগৎলক্লগনি। হীরম অসিগী মরমদা খঙলদুনা প্রধান মন্ত্রীনা অর্বান মফমশিংদা চত্থগদবা হাউজিং ফোর ওলগী ৱাখল্লোন খনখ্রবনি। মতম অদুদা য়েংশিনবদা লাকখিবা ৱারোলশিংদা য়ুম্ফম ওইদুনা অর্বান মফমশিংদা য়ুম কোতি অমা হেন্না শাবগী পান্দম থমদুনা ঐহাক্না জুন ২০১৫দা অর্বান মফমশিংদা মিসন অসিবু মশক থোকহন্দুনা লোঞ্চ তৌখিবা অদুদা ঐহাক্না চাউথোকচবা ফাওই।

হীরম অসিদা ঐহাক্না থৱাই য়াওজবনিনা য়ুম শাবগী মিসন অসি ঐহাক্না কুপনা শেন্নরি। মন্ত্রালয় অসিদা ঐহাক্কী মহুৎ শিল্লিবা মন্ত্রী শ্রী পুরিগী পাউতাক্কী মখাদা মিসন অসি মায় পাক্না চত্থরিবা অসি উবদা ঐহাক য়াম্না নুংঙাই।

লৌউ-শিংউগী মথংদা রীএল ইস্তেৎ সেক্তর অসিনা থবক পীবা অনিশুবা খ্বাইদগী চাউবনি। নমথাক তৌগনবা মীওই খরগী মরমদগী সেক্তর অসি খুদোংচাদবা কয়া অমা থেংনখ্রে অমসুং মসিগী মরম ওইদুনা  কস্তমরশিংগী থাজবা মাংবা অমসুং সেক্তর অসিদা মীয়াম্বা থম্বা থাজবা মাঙবগী থৌওং কয়া থোকখ্রে। মসিগী হীরম অসি অচুম্বা মওং অমদা শেমদোক্তবা য়ারোই। ইং ২০১৬তা মতম অদুগী মন্ত্রী অমা ওইনা ঐহাক্না রীএল ইস্তেৎ রেগ্যুলেসন অমসুং দিবেলপমেন্ত এক্ত চৎনহনখিবদা শরুক য়াখিবা অদুদা ঐহাক্না নুঙাইবা ফাওই। মসিগী এক্ত অসিনা সেক্তর অসিদা অহোংবা কয়া পুরকখি হায়বগী ঐঙোন্দা থাজবা লৈ।

অর্বানগী মফমশিংদা লম অসি য়াম্না তাঙবগা লোয়ননা রিসোর্স অমসু ওই। মসিবু কান্নদবা রিসোর্স ওইনা লেম্না লৈহনবগী মহুত্তা কান্নবা মওংদা শিজিন্নগদবনি। রাজ্য সভা সেক্রেতরিএৎনা মতম কুইরবগী তুংদা মখোয়দা পীখ্রবা লম অদুবু শিজিন্নবা ঙম্নবা হোৎনবদা থেংনখিবা খুদোংচাদবা কয়া অসিগী মতাং অসি মরী লৈনবা মীওইশিংনা পরা অমা ওইনা লৌবা য়ারিবনি।

কোবিদ-১৯গী লায়চৎ অসিনা লায়রবা অমসুং মাইগ্রেন্ত শিন্মীশিংনা হিংবগী হক্কা য়াম্না কনবা মরী লৈনরিবা য়ুম অমা লৈবগী মতাংদা থেংনখিবা খুদোংচাদবা কয়া মীয়ামগী মাংদা পুথোক্লে। মসিগী খুদোংচাদবশিং অসি থেংননবা হাউজিং অমসুং অর্বান এফিয়ার্স মন্ত্রালয়না মখোয়গী থবক থৌরমশিং পাঙথোকপদা শরুক অনি হেনগৎলে তাবদা ঐহাক্না হরাওবা ফাওই।

ঐহাক্না রাজ্য সভা সেক্রেতরিএৎকী থৌমীশিংদা কান্নবা পীগদবা থৌওং ওইরিবা আর.কে. পুরমদা শাগদবা হাউজিং কমপ্লেক্সকী অহানবা তাঙ্কক্কী উরেপ উয়ুং তম্বা অসিদা য়াম্না হরাওবা ফাওই।

ঐহাক্না ঙসিগী থৌরম অসিগী খুদোংচাবা লৌদুনা মন্ত্রী ওইবিরিবা শ্রী পুরি, সেক্রেতরী শ্রী মিশ্রা, লেফতেনেন্ত রাজ্যপাল অমসুং দিল্লীগী মুখ্য মন্ত্রী অমসুং ঙসিগী ফিভম অসি য়ৌহল্লকপদা তেংবাংখিবা মীওই খুদিংমকপু থাগৎপা ফোঙদোক্লি।

ঐহাক্না হীরম অসিগা মরী লৈনবা রাজ্য সভা সেক্রেতরিএৎকী সেক্রেতরী জেনেরেল অমসুং সেনিয়র ওফিসিএলশিংবু মখোয়না পাঙথোকখিবা থবকশিং অদুগীদমক্তা থাগৎপা ফোঙদোক্লি।

মীয়াম্বু থাগৎচরি !

************