পৃথিবীগী মনুং থংবা শরুক্তগী ভোল্কেনিক ইরপসন, ফোল্ত জোন অমসুং জিওথর্মেল সিস্তেমশিংনা একজোস্ফিয়রদা কার্বোন ইনফ্লক্স থাদোক্লকপনা পৃথিবীগীগী অইং অশাদা অতেনবা মতমগী নত্ত্রগনা তুং কোইনা চৎপা মওংদা মালেম পুম্বগী ওইনা কার্বোন সাইকলদা অকাইবা পীরি। হিমালয়দা অইং অশা অমসুং কেমিকেল কন্দিসন খেন্নবা জিওথর্মেল স্প্রিং ৬০০ রোম লৈ। লমদম অসিগী ওইনা অমসুং মালেমগী থাক্তা লৈবা অইং অশাগী ফিবমদা লৌরিবা থৌদাং অমসুং তেক্তোনিকনা থোকহনবা গ্যাস থাদোকপগী মওংদা মখোয়না লৌরিবা থৌদাংশিং অসি কার্বোন সাইকল নৈনদুনা গ্লোবেল ৱার্মিং থোকহনবা নৈনবদা য়েংশিনবা চঙগনি।

হিমালয়গী গর্ৱাল জগাদা স্ক্বার কিলোমিতর ১০,০০০ রোম হেন্না শন্দোক্তুনা লৈরিবা হিমালয়গী জিওথর্মেল স্প্রিংশিং অসিনা কার্বোন দাইওক্সাইদ মরাং কাইনা য়াওবা ঈশিং থাদোকপা থেংনরে। হায়রিবসি ৱাদিয়া ইন্সতিত্যুৎ ওব হিমালয়ান জিওলোজী হায়বা ভারত সরকারগী সাইন্স অমসুং তেক্নোলোজী বিভাগকী মখাদা লৈবা ওতোনোমস ইন্সতিত্যুৎ অসিনা ইফুৎশিং অসিদগী থাদোক্লকপা গ্যাসশিং নৈনবা মতমদা খঙলকখিবনি। নুংশিৎকী কুয়োমদা কার্বোন দাইওক্সাইদ দিগ্যাশিং (মহী ওইবা পোৎশক মরুওইনা ঈশিং অমসুং এক্যুৱস সোলুসন্দা তুংদুনা য়াওবা গ্যাস থাদোকপা) ফ্লক্স তৌবগী চাং অসি চহীদা মোল ৭.২X১০^৬কী চাংনি।

ইনভাইরোন্মেন্তেল সাইন্স এন্দ পোলুসন রিসর্চ হায়বা সাইন্তিফিক জর্নেল অসিদা ফোংবা নৈনবা অমনা হায়রি মদুদি থর্মেল স্প্রিংশিং য়াওরিবা কার্বোন দাইওক্সাইদশিং অসিগী হৌরকফম অসি হিমালয়ান কোরদা মনুং হঞ্জিন্না লৈবা কার্বোনেৎ রোকশিংনা মেগ্মাতিজম অমসুং গ্রাফাইৎ ওক্সিদেসন তৌবগা লোইননা মেতামোর্ফিক দিকার্বোনেসন থোকপনা ওইহল্লি। অয়াম্বা জিওথর্মেল ওইবা ঈশিংশিং অসি সিলিকেৎ রোকশিং মনিল ওইনা মাংখিবা অমসুং কায়থরকপনা ওইহল্লি।

সাইন্তিস্ত কাংবু অসিনা হিমালয়গী গর্ৱালগী ফোল্ত জোনশিংদা ফংবা জিওথর্মেল স্প্রিং ২০ লোমদগী লৌখৎলকপা ঈশিংগী সেম্পলশিং অসিদা য়াওবা কেমিকেল অমসুং স্তেবল আইসোতোপশিং নৈনখি। দিজোল্ব ইনওর্গানিক কার্বোন (δ^১৩সি._{দি.আই.সি.}), অমসুং ওক্সিজেন (δ^১৮ও.) গুম্বা আইসোতোপ মেজর্মেন্তশিং ( ওর্গানিক অমসুং ইনওর্গানিক কম্পাউন্দশিংদা য়াওবা অখন্নবা স্তেবল আইসোতোপ অমসুং কেমিকেল ইলিমেন্তশিং য়াওবগী চাং)গা লোইননা মরুওইবা আইওনশিং সেম্পল খুদিংমক্কী নৈনখি।

মখোয়না জিওথর্মেল স্প্রিংগী ঈশিংদা চাং ৱাংনা দিজোল্ব তৌরবা ইনওর্গানিক কার্বোনশিং δ^১৩সি._{সি.আই.সি.} গী রেসিও (-৮.৫%দগীনা +৪.০% ভি.পি.দি.বি.) অমসুং অতোপ্পা মরুওইবা আইওনশিং, μEq/L ১৬৯৭দগীনা ২১,৫৫৩ ফাওবগী খেন্নবা লৈবা বাইকার্বোনেৎ (ঐচ.সি.ও.৩-);μEq/L ৯০দগীনা ১৯,১৭১ ফাওবগী খেন্নবা লৈবা অমসুং μEq/L ৪৩৬তগীনা ২৩১৮১ ফাওবগী খেন্নবা লৈবা ক্লোরাইদ অমসুং সোদিয়মশিং থেংনখি। ক্লোরিন - অমসুং সোদিয়ম + চাং ৱাংনা জিওথর্মেল স্প্রিংদা য়াওরিবসিনা মখোয়গী অরুবা হৌরকফমশিং তাকই।

দব্ল্যু.আই.ঐচ.জি.না পাঙথোকখিবা সিমুলেসন স্তদী অমনা হায়রি মদুদি মসিগী জিওথর্মেল স্প্রিংশিং অসিদা চহী অমদা দিগাস ~৭.২X১০^৬মোল ওব কার্বোন দাইওক্সাইদ নুংশিৎকী কুয়োমদা থাদোকপগী পাঙ্গল লৈ হায়না থেংনখি। মসিগী নৈনবা অসিদগী ফংবা চাউরাকপা ফ্লক্সকী চাং অসি হিমালয় (চহীদা ~১০^১১মোল)গী অপ্লিফ তৌবদা অমসুং সব এরিএল ভোল্কেনিজম (চহীদা মোল ১০^১২) থোকপা মতমদা নুংশিৎকী কুয়োমদা কার্বোন দাইওক্সাইদ থাদোকপগা চাংদম্নবা য়াই। অসিগুম্বা কার্বোন দাইওক্সাইদ দিগ্যাসিং তৌবসি নুংশিৎকী কুয়োমদা গ্লোবেল কার্বোন আউৎফ্লক্স নৈনবদা য়াওহনগদবনি।

ফিগ. জিওজেনিক কার্বোন দাইওক্সাইদ দিগ্যাসিংগী স্কেমেতিক মোদেল। বেকগ্রাউন্দ দেতাঃ (এ) ভালদিয়া (১৯৯৯)দগী ফংবা অৱাংবা হিমালয়গী (গর্ৱাল) জিওলোজিকেল মেপতা প্লোত তৌবা জিওথর্মেল স্প্রিংগী মফম;  (বি) বেক্কর আল. (২০০৮)দগী ফংবা স্কেমেতিক দিগ্যাসিং মোদেলগী স্তদী এরিয়া;(সি) কাল্দৱাল এৎ আল.দগী ফংবা ঐখোয়গী নৈনবগী মফমগী রেজিস্তিবিতী অসি বেকগ্রাউন্দনি।

(পব্লিকেসন লিঙ্কঃ https://doi.org/10.1007/s11356-020-07922-1)

******