২০২০গী ওগস্ত ৭দা পাংথোকপা ৱেবিনার অমদা সি.এস.আই.আর-সি.এম.ই.আর.ইগী দিরেক্তর, দোক্তর হারিস হিরানি অমসুং এম.এস.এম.ই-দি.আই, পাতনাগী দিরেক্তর, বিশ্বা মোহন ঝানা ঈশিং শেংদোক্নবা তেক্নোলোজিশিংগী মিৎয়েং থম্বা সি.এস.আই.আর-সি.এম.ই.আর.ইনা পুথোকপা কোবিদ-১৯গী তেক্নোলোজিশিং উৎখ্রে।

ৱেবিনার অসিগী মরুওইবা পান্দমদি সি.এস.আই.আর-সি.এম.ই.আর.ইনা শেমগৎপা তেক্নোলোজিশিং হৌজিক সি.এস.আই.আর-সি.এম.ই.আর.ইদা ফংলিবা ইঞ্জিনিয়ারিংগী পাম্বৈশিং অমসুং কান্নবশিং এম.এস.এম.ইগী মখাদা লৈবা ইন্দস্ত্রিশিং অমসুং ওন্ত্রেপ্রেনিউয়রশিংদা খঙহনবনি।

সি.এস.আই.আর-সি.এম.ই.আর.ইগী তেক্নোলোজিশিং উৎলদুনা দোক্তর হিরানিনা হায়খি, সাইন্স অমসুং তেক্নোলোজি অমসুং মেনুফেকচরিংদা দরকার ওইরকপশিং ফংহনবা ঙম্নবা লমদম অসিগী হৈথোই-শিংথোইবা মীওইশিং শেমগৎনবা হোৎনবা অসি ঐখোয়গী পান্দমনি। মসিনা লমদম অমগী মীওইশিং শেমগৎকনি অমসুং অকক্নবা লমদম অমগী শেন-থুমগী খুদোংচাদবশিং কোকহনবা ঙমগনি। খেন্নবা লমদম কয়া লৈবা ঐখোয়গী লৈবাক অসিদা চেকশিন্না শেমগৎপা দিজাইন থিঙ্কিংনা ভারত চাউখৎপগী অনৌবা থাক অমদা য়ৌবা ঙমগনি।

মীয়ামগী অমোৎপশিং শেংদোক্নবা লৈরিবা ওথোরিতিশিংদা য়াম্না অৱাবা অমা ওইরিবা য়াম্লবা দিস্পোসেবল মাক্সশিং অসি লোইশিনবদা প্লাজমা আর্ক মেদিকেল ৱেস্ত দিস্পোসেল সিস্তেম্না মতেং পাংগনি। ইন্তেলি মাস্ত তেক্নোলোজি, হোস্পিতালগী মতেং পাংনবা রোবোতকী খুৎলায়শিং, খুৎ শোক্তনা সাপোন অমসুং ঈশিং তারক্নবা খুৎলায়, বেত্তরিগী মহিক হাৎনবা ইসপ্রেয়র অমসুং মেকানাইজ ভেন্তিলেতর অমসুং ওক্সিজেন কন্সেন্ত্রেতর ৱেবিনার অদুদা উৎখি অমসুং হায়রিবা তেক্নোলোজিশিং অসিনা এম.এস.এম.ই সেক্তর হিংবদা মতেং পাংগনি। মমাংদা কোবিদ-১৯ লাকশিন্নবা তেক্নোলোজিশিং এম.এস.এম.ই ১৩দা ফংহনখ্রে।

দোক্তর হিরানিনা হায়খি, সহরশিংদা ঈশিং ইচাউ থোকপগী মরুওইবা মরমদি খোঙবাল ফুনবদগীনি। সি.এস.আই.আর-সি.এম.ই.আর.ইনা শেমগৎপা মেকানাইজ দ্রেনেজ ক্লিনিং সিস্তেম্না চহি খুদিংগী থেংনবা খুদোংচাদবা অসি কোকহনবা ঙমগনি। বিহারদা ঈশিং মোৎপদগী থেংনরিবা অৱাবশিং সি.এস.আই.আর-সি.এম.ই.আর.ইগী ঈশিং শেংদোক্নবা তেক্লোলোজিশিংনা ফজনা অমসুং ইনর্জি চঙহন্দনা শেংদোকপা য়াগনি। আইরন, আরসেনিক অমসুং ফ্লোরাইদ লৌথোক্নবা তেক্নোলোজিনা সহর অমসুং খুঙ্গংদা ঈশিং শেংদোকপদা মতেং পাংগনি। সি.এস.আই.আর-সি.এম.ই.আর.ইনা পুথোকপা ঈশিং শেংদোক্নবা তেক্নোলোজিশিং মাংজৌননা এম.এস.এম.ই ৪৭দা ফংহনখ্রে। লম য়াম্না কন্দবা সোলার তেক্নোলোজিশিং অমসুং স্মার্দ লাইত্তিং সিস্তেমশিংনা ইনর্জি য়াম্না চঙহন্দনা মৈ শীজিন্নবগী লমদা অওনবা পুরকপা ঙমগনি।

মালেমগী ওইনা থেংনরিবা লাইচৎ মনুং অসিদা সি.এস.আই.আর-সি.এম.ই.আর.ইগী থবকশিং মাংজিল থাদুনা পায়খৎপগীদমক বিশ্বা মোহন ঝা অমসুং বিহার ইন্দস্ত্রি এসোসিএসনগী মীহুৎশিং, ভোজপুর চেম্বর ওফ কমর্স অমসুং অতোপ্পা শক্নাইরবশিংনা দোক্তর হিরানি থাগৎখি।

সি.এস.আই.আর-সি.এম.ই.আর.ইগী তেক্নোলোজিশিংগী খুৎথাংদা লৈবাক অসি চাউখৎনবা মখা তানা পুন্না থবক তৌমিন্ননিংবগী মহাক্কী অপাম্বা শ্রী ঝানা ফোংদোকখি।

*****