জি.এম.আর.না লুচিংবা কন্সোর্তিয়ম ওইরিবা দিল্লী ইন্তর্নেস্নেল এয়রপোর্তস লিমিতেদ (দি.আই.এ.এল.)না ঙসি ভারত্তা লাক্কদবা ইন্তর্নেস্নেল ফ্লাইয়রশিংনা তঙাই ফদবা শেল্ফ-দিক্লারেসন ফোর্ম মেনবা অমসুং তঙাই ফদবা ইনিস্তিত্যুসন ক্বারেন্তাইনগী থৌওংশিং তৌদনবা ওলাইন্দা ফোর্ম পীশিনবা য়াবা অহানবা মখলগী পোর্তেল অমা শেম্লে হায়না লাঊথোকখ্রে। ওনলাইন ফোর্ম অসি সিবিল এবিএসন মন্ত্রালয় (এম.ও.সি.এ.), হকশেল অমসুং য়াইফ য়ুম্বাল মন্ত্রালয়, এক্সতর্নেল এফিয়ার্স মন্ত্রালয় অমসুং দিল্লী, উত্তর প্রদেশ, পঞ্জাব, রাজস্থান, হিমাচল প্রদেশ, জম্মু অমসুং কশমির, হরয়ানা, উত্তরাখন্দ অমসুং মধ্য প্রদেশনচিংবা রাজ্য অমসুং য়ু.তি.শিংগা খুৎশম্নদুনা শেম্বনি। এম.ও.সি.এ.গী চৎন-কাঙলোনগী মতুং ইন্না মসিগী খুদোংচাবা অসি ওগস্ত ৮, ২০২০দগী হৌনা ইন্তর্নেস্নেল এরাইবিং পেসেঞ্জরশিংদা ফংহল্লগনি হায়খি।

মসিগী থৌওং অসিনা পেসেঞ্জরশিংনা চত্থোক চৎশিন তৌবদা নুংঙাইবা অমা ওইরগনি মরমদি মখোয়না য়ৌরকপা মতমদা অমগা অমগা শোক্নদনা ফোর্ম মেনবগী থৌওং তৌররোই। ভারতনা অতোপ্পা লম কয়া অমগা নোংথক্কী লম্বী হাংদোক্নবগা লোয়ননা ইন্তর্নেস্নেল এরাইবেলগী মশিং য়ামখৎলক্কনি হায়বগী থাজবা লৈ। মরম অদুনা মসিগী ওনলাইন্দা শেল্ফ-দিক্লারেসন তৌবা অমসুং ক্বারেন্তাইন তৌদ্রসু য়ারে হায়নবা পোর্তেল অনোবগী থৌওং অসিনা সরকারগী থবক তৌরিবা মীওইশিংনা লাক্কদৌরিবা মীওইশিংগী অকুপ্পা ৱারোল অমসুং খ্বাইদগী নৌবা হকশেলগী ফিভম খঙদুনা ইন্তর্নেস্নেল এরাইবেল পেসেঞ্জরশিং অসিগী মতাংদা অথুবা অমসুং অচুম্বা ৱারেপ লৌবদা তেংবাংগনি।

অকক্নবা থাক ৫গী মখাদা য়াওদ্রসু য়ারে হায়না হায়জরিবা পেসেঞ্জরশিংনা দিল্লী এয়রপোর্তকী ৱেবসাইৎ www.newdelhiairport.in অসিদা ফংলিবা ই.-ফোর্ম অসি মেনশিনগদবনি। মখোয়না হায়রিবা ফোর্ম অসি মখোয়গী পাস্পোর্তকী কোপী য়াওবা অতোপ্পা মতিক চানা শৌগৎপা চে-চাং য়াওদুনা ফ্লাইৎ তোঙদ্রিঙৈগী পুং ৭২গী মমাংদা থাজিনগদবনি। তৌবতবু শেল্ফ-দিক্লারেসন ফোর্ম থাজিনবগীদি অকক্নবা মতম লৈতে।

মসিগী থৌশিল অসিনা মখোয়গী চপ মান্নবা চে-চাংশিং অসি তোঙান তোঙানবা মতমদা ওথোরিতীশিংদা উৎপগী মথৌ তাররোই মরমদি পোর্তেল অসিদা অহানবা এপ্লিকেসন রিক্বেস্ত নম্বরগী মতুং ইন্না মতুং তারকপা মতমদা মথন্নতা মেনশিন্নবা স্মার্ত ওপসন অমা য়াওরি। এপ্লিকেসন খুদিংমক অসি মখোয়না য়ৌরক্লিবা অহানবা মফমদগী মহাক্কা মরী লৈনবা রাজ্য সরকারশিংদা মথন্নতা থাজখিগনি। মসিগা মান্নবা ওইনা শেল্ফ-দিক্লারেসন এপ্লিকেসন অসি হকশেল অমসুং য়াইফ য়ুম্বাল মন্ত্রালয়গী মখাদা এয়রপোর্ত হেলথ ওর্গনাইজেসন্দা মথন্নতা থাজখিগনি।

করিগুম্বা হীরম খরগী মতুং ইন্না ক্বারেন্তাইন তৌদবা য়াই নত্ত্রগা য়াদে হায়বগী কোপী অমা পেসেঞ্জরশিংদা থাগনি। অয়াবা ফংলবা মীওইশিংনা দিল্লী এয়রপোর্ত্তা য়ৌবা মতমদা কোপী অসি উৎলবা তুংদা অয়েৎপা য়াওদনা থোক্লকপা য়াগনি। মসিনা পেসেঞ্জরশিংদা নুংঙাইহনবতা নত্তনা ওথোরিতীশিংদসু চৎন-পথাপকী মতুং ইনবা থবক পাঙথোকপা মতমদা থুহনগনি অমসুং এয়রপোর্তকী এরাইবেল হোলদা মী চিনবসু য়াম্না হন্থহনগনি।

পেসেঞ্জর অমা ক্বারেন্তাইন তৌদ্রবসু য়ারে হায়বসি মখাদা পীরিবা থাক অসিগী মনুং চনবগী মতুং ইনগনি – মীরোলবী নুপী, ইমুং মনুংদা মী লৈতবা য়াওবা, শাথিবা লায়না নাবা (অকুপ্পা মরোল হায়রকখিগনি), চহি ১০গী মখাদা লৈবা অঙাং য়াওবা পেসেঞ্জরশিং অমসুং ইকুই কুইদনা পাঙথোকখিবা আর.তি.-পি.সি.আর. তেস্ততা নেগেতিব ওইরবশিং। এয়রলাইন শিংনসু মরী লৈনবা রাজ্যশিংদা কেসকী মতুং ইন্না হায়রিবা থাক ৫ অসিগী মখাদা ক্বারেন্তাইন তৌদ্রবসু য়ারবা পেসেঞ্জরশিংগী মরমদা খঙহনবসু য়াই।

হীরম অসিগী মতাংদা ৱা ঙাংবদা সি.ই.ও.-দি.আই.এ.এল. শ্রী বিদেহ কুমারনা হায়খি, “কোবিদ-১৯না এয়রপোর্তশিংনা থবক তৌবগী মওং য়াম্না হোংহল্লে। ঐখোয়গী হৌজিক্কী ওইবা মিৎয়েংদি পেসেঞ্জরশিংগী তেক্ত কায়দবা অমসুং নুংঙাইবনি। লায়চৎ অসিগী মতমদা থুংলক্লিবা পেসেঞ্জরশিংনা থেংনরিবা খুদোংচাদবা কয়া অসি য়েংলদুনা দিল্লী এয়রপোর্ত্না ভারত সরকারগা খুৎশম্নদুনা ভারত্তা হল্লক্নিংবা মীওইশিংগী ইন্তর্নেস্নেল এরাইবিং পেসেঞ্জরশিংগী হকশেল তেক্ত কায়দবদা মরু ওইবা পীবা খোঙথাং অমা লৌখৎলি। ক্বারেন্তাইন তৌদ্রবসু য়ারে হায়বগী অয়াবা পীবগী থৌওং অসিনা ক্বারেন্তাইন তৌবগী থৌওংদা লাইহনবতা নত্তনা মসিগীদমক্তা ক্যু শাংনা লেপ্তুনা মতম মাঙবা অদুসু হন্থহল্লগনি। মখা তাবা ওইনা পেসেঞ্জরশিংনা শেল্ফ-দিক্লারেসন ফোর্ম অসি হঞ্জিন হজিন্না খুৎনা মেন্নদ্রবসু য়ারগনি”।

এম.ও.সি.এ.গী জোইন্ত সেক্রেতরী মিস উশা পাধীনা দিল্লী এয়রপোর্তকী থৌওং অসিবু থাগৎপা ফোঙদোক্লদুনা হায়খি, “ভারত্তা মীরমদগী মীওইশিং পুশিল্লকপা হৌরকপসি মতম খরদি শুরক্লে। লায়চৎ অসিগী মনুংদা পেসেঞ্জরশিংনা অকক্নবা মরম খরগী মতুং ইন্না অকক্নবা ইন্তর্নেস্নেল ফ্লাইত্তা চৎনবা হোৎনরি। এম.ও.সি.এ.না দিল্লী এয়রপোর্ত্না শেল্ফ-দিক্লারেসন অমসুং পেসেঞ্জরশিংবু খন্দোকপগী থৌওংবু দিজিতাইজ তৌদুনা মওং মরিল চুমহনবগী থাগৎপা ফোঙদোক্লি। দি.আই.এ.এল.না শেম্লিবা ই.-প্লেৎফোর্ম অসি লৈবাক অসিগী এয়রপোর্ত খুদিংদা শিজিন্নগনি অমসুং মসিনা রাজ্যগী হকশেলগী ওথোরিতীশিংবু ইন্তর্নেস্নেল এরাইবেলগী থৌওং অসি থুহনবদা তেংবাংগনি। মসিনা মখা তাবা ওইনা ভারতকী এয়রপোর্তশিংদা ফ্লাইৎ মশিং হেনগৎহনবদসু তেংবাংগনি”।

হৌজিক লৈরিবা সরকারগী কাঙলোনশিংগী মতুং ইন্না ভারত্তা লাকপা ইন্তর্নেস্নেল ফ্লাইৎকী পেসেঞ্জর খুদিংমক্না মশাগী শেল তিংদুনা নুমিৎ ৭নিগী ক্বারেন্তাইন তৌগদবনি অমসুং মসিগী মতুংদা ময়ুমদা অমুক নুমিৎ ৭নিগী ক্বারেন্তাইন তৌগদবনি হায়রি। মীরমদগী লাক্লিবা পেসেঞ্জর খুদিংনা তঙাই ফদনা এ.পি.ঐচ.ও.না হেলথ স্ক্রীনিং তৌগদবনি। মসিদা মনুং চনবা থৌওংশিংদি চেকশিন্না খিন্দুনা থম্লবা য়াম্না চুম্বা মাস স্ক্রীনিং তৌবা কেমেরানা থর্মেল তেম্পেরেচর লৌবনি।

দি.আই.এ.এল.গী মরমদা ৱাফম খরা

জি.এম.আর. গ্রুপ্না লুচিংবা দিল্লী ইন্তর্নেস্নেল এয়রপোর্ত লিমিতেদ (দি.আই.এ.এল.) অসি কন্সোর্তিয়ম অমনি অমসুং মসিদা জি.এম.আর. গ্রুপ, এয়রপোর্ত ওথোরিতী ওফ ইন্দিয়া অমসুং ফ্রাপোর্ত য়াওরি। কন্সোর্তিয়ম অসিনা দিল্লী এয়রপোর্তপু চহি ৩০গী ওইনা শেল থাদবা, শেম-শাবা, দিজাইন তৌবা অমসুং শেন্নবগী থবক পাঙথোকপগী অয়াবা লৈ অমসুং হায়রিবা মতম অসি চহি ৩০ অমগসু শাংদোকপা য়াই। মসিনা পব্লিক প্রাইবেৎ পার্ত্নর্শিপ (পি.পি.পি.)গী অফবা খুদম অমা ওইদুনা লাক্লি। এয়রপোর্ত অসি এয়রপোর্ত কাউন্সিল ইন্তর্নেস্নেলনা ইং ২০১৯গী এয়রপোর্ত সর্বিস ক্বালিতী প্রোগ্রামগী ওইনা পাক চাউবা অমসুং মফমগী (এসিয়া পেসিফিক্কী এম.পি.পি.এ. ৪০ হেনবগী মনুংদা) মতুং ইন্না খ্বাইদগী ফবা এয়রপোর্তনি হায়না লাউথোকখ্রবনি। দি.আই.এ.এল.না দিল্লীগী আই.জি.আই. এয়রপোর্তপু হৌজিক্কী মতমগা চানবা ওইহন্নবা ভারতকী নিং-খা তম্লবা মতুংদা শাবা খ্বাইদগী চাউবা বিলদিং তর্মিনেল ৩ (তি.৩)বু থবক হৌহনবগী থৌওং য়াওনা হায়নখিবা থা ৩৭কী মনুংদা শাবা লোইশিনখি। 

দি.আই.এ.এল.না শেন্নবা পেসেঞ্জর তর্মিনেলশিং অসি মসিদা লৈরিবা হৌজিক্কী মতমগী খ্বাইদগী চাউখৎপা ইনফ্রাস্ত্রকচর, মওং-মতৌ অমসুং মথৌ নীংথিনা পাঙথোকপগীদমক্তা মমিং চৎলি। তি.৩না কেরিয়র কয়াগী থুংফম ওইরি অমসুং মসিনা ভারতকী মীওইশিংনা নোঙথক্তা পাইবগী অনৌবা মওং অমা পীরি। দিল্লী এয়রপোর্ত অসিনা পেসেঞ্জর অমসুং কার্গোগী সেবা পীবগী ওইনা ইং ২০১৮দা এম.পি.পি.এ. ৬৯.৮গী চহিগী ত্রাফিক লৈদুনা ভারতকী মকোক থোংবা এয়রপোর্ত ওইদুনা চৎলি। দি.আই.এ.এল.না গ্রীন সস্তেনেবল তেক্নোলোজীদা অহেনবা মিৎয়েং চংলি অমসুং থৌওং অসিগীদমক্তা মনা কয়া অমসু ফংখ্রবনি। অকুপ্পা ৱারোলগীদমক্তা http://www.newdelhiairport.in দা চংবীয়ু।

****