রোদ ত্রান্সপোর্ত অমসুং হায়ৱেজকী মন্ত্রালয়গী মখাদা নেস্নেল হায়রেজ ওথোরিতী ওফ ইন্দিয়া (এন.ঐচ.এ.আই.)না ইন্দিয়ন ইন্সতিত্যুৎ ওফ তেক্নোলোজী দিল্লীগা লোয়ননা দেতাদা য়ুম্ফম ওইবা ৱারেপ লৌবদা অমসুং হায়ৱেজকী এদভান্স দেতা মেনেজমেন্ত সিস্তেমদা আর্তিফিসিএল ইন্তেলিজেন্স শীজিন্ননবা সেন্তর ওফ এক্সিলেন্স (সি.ও.ই.) অমা লিংখৎনবা মেমোরেন্দম ওফ অন্দর্স্তেন্দিং (এম.ও.য়ু.) অমা ঙসি খুয়েক পীনখ্রে। এন.ঐচ.এ.আই.গী চিরমেন দা. সুখবির সিংহ সান্ধু অমসুং আই.আই.তি. দিল্লীগী  দিরেক্তর দা. ভি রাম গোপাল রাও অমসুং অতোপ্পা মকোক থোংবা ওফিসিএলশিংগী য়াওনা এম.ও.য়ু. অসি খুয়েক পীনখি।

দেতাদা য়ুম্ফম ওইবা ৱারেপ লৌনদা মখা তানা এন.ঐচ.এ.আই.শিংগী মপাঙ্গল কনখৎহন্নবা এ.আই. অমসুং এম.এল, সিমুলেসন মোদেলশিং শেম্বা, দেতা স্তোরেজ হেনগৎহনবা অমসুং রিত্রাইবেল তৌবা ঙমহন্নবা অসিদা য়ুম্ফম ওইবা এদভান্স এনালাইতিক্স পুথোক্নবা আই.আই.তি. দিল্লিগা লোয়ননা চংশিন্নদুনা থবক হৌরগনি। প্রোজেক্ত য়েংশিনবা অমসুং দেতা মেনেজমেন্ত, হায়ৱেজ নেৎৱার্ক ত্রাফিক দিমান্দ অমসুং থৌদোকশিং য়েংশিনবা, হায়ৱেজকী চেকশিল থৌরাং, হায়ৱেজকী থবক শুরিবা মফম য়েংশিনবা, হায়ৱেজ পেফমেন্ত মেনেজমেন্ত সিস্তেমগুম্বা খনগৎলবা লমশিংদা থবক লৌখৎকনি। এন.ঐচ.এ.আই. দেতা মেনেজমেন্ত পোলিসীগী ইনপুৎশিংসু আই.আই.তি. দিল্লীনা পীরি।

থৌরাং অসিগী শরুক অমা ওইনা, আই.আই.তি. দিল্লীনা ইন্সতিত্যুৎ অসিগী একাদেমিক্কী থবক থৌরমশিংগা লোয়ননা রিসর্চকী খুদোংচাবশিং ফংহন্নবা সাইন্তিফিক অমসুং তেক্নিকেলগী ওইবা খুৎশু-খুৎলাই পীববা লোয়ননা সি.ও.ই.দা মতেং পাংনবা মফম অমসুং ইনফ্রাস্ত্রকচর ফেসিলিতী পীরগনি। তোঙান তোঙানবা ত্রান্সপোর্তেসন অমসুং হায়ৱেজকা মরী লৈনবা রিসর্চকী ফলশিং পীনবা স্তার্ত-অপশিং অমসুং ইনকুবেতরশিং শেমগৎনবা মহৈরোয়শিং অমসুং রিসর্চ স্কোলরশিংগী পিক্নিং চিংশিন্নবা হোৎনরি। অমরোমদা এন.ঐচ.এ.আই.না দেতা সোফৱেয়র ‘দেতা লেক’ য়াওনা মখোয়গী ইনফোর্মেসন রিসোর্সশিংগী অরুবা দেতা সপ্পোর্ত অমসুং মথৌ তাবা এক্সেস পীরগনি। এন.ঐচ.এ.আই.না প্রপোজ তৌখ্রবা সি.ও.ই.দা রিসর্চ অমসুং তোঙান তোঙানবা থবক থৌরমশিংগী মথৌ তাবা শেলগী তেংবাংসু পীগনি।

হায়ৱেজকী এদভান্স দেতা মেনেজমেন্ত সিস্তেমগী সি.ও.ই.দা থবক চত্থবা অসি তাইয়র অনিগী মেনেজমেন্ত স্ত্রকচর অমনা য়েংশিনগনি অমসুং চল্লাইগনি। থম্লিবা পান্দমশিং অসি ফংনবা থবক হৌগৎপা, থবক মখা চত্থবা, পুন্না পায়খৎকদৌরিবা প্রোজেক্তশিং অসিগী অয়াবা লৌবা অমসুং খোঙথাংশিং খঙদোকপা য়াওনা অপুনবা প্লেৎফোর্ম অসিগী থবক থৌমশিং অৱাংবা থাক্কী এদবাইজরি বোর্দ অমা য়েংশিনগনি। মসিনা লৌখৎলিবা থবক থৌরমশিং য়েংশিনগনি লোয়ননা থবক্কী খোঙজেলসু য়েংশিনগনি। অনিশুবা তাইয়রদা পুম্নমক য়েংশিন্নবা অমদি মতম চানা য়েংশিন্নবা কো-ওরদিনেসন কম্মিতি অমা শেম্লগনি। কো-ওরদিনেসন কম্মিতি অসি আর এন্দ দি, আই.আই.তি. দিল্লীগী দিন্না চ্যের লৌগনি; এন.ঐচ.এ.আই.গী মকোক থোংবা ওফিসিএলনা কো-চ্যের তৌগনি অমসুং একাদেমিক অমসুং রিসর্চ ইন্সতিত্যুৎশিংগী এক্সপর্তশিংগী মীহুৎশিং য়াওগনি। আই.আই.তি. দিল্লীনা সেন্তর অসিগী কো-ওর্দিনেতর অমা ওইনা প্রোফেসর অমা খনগনি।

শেম শারিবা অসি চহি মঙাগী মতমগী ওইনা চৎনগনি অমসুং এন.ঐচ.এ.আই.গী অৱাংবা থাক্কী অফবা দিজিতাইজ ওইরবা সিস্তেম পুরক্কনি হায়না আশা তৌরি। চুংশিন্নদুনা থবক তৌগদৌরিবা অসিনা হায়ৱেজকী অনৌবা দেতাদা য়ুম্ফম ওইবা ত্রাফিক অমসুং কন্সত্রক্সন মেনেজমেন্ত সিস্তেমগা মরী লৈনবা তোঙান তোঙানবা লমশিংদা চাউখৎপা পুরক্তুনা এন.ঐচ.এ.আই.দা খক কান্নবা ফংহনবতা নত্তনা লৈবাক পুম্বদা কান্নবা পীরগনি।

সি.ও.ই.গী হায়ৱেজকী দেতা এনালাইসিস অমসুং ত্রাফিক্কী মওং-মতৌদা য়ুম্ফম ওইবা অনৌবা এ.আই. অসিনা জাতিগী থাক্তা দেতাদা য়ুম্ফম ওইরগা ৱারেপ লৌবদা খুদোংচাবশিং পীরগনি।

******