অচৌবা হেক্কাথোন অমা ২০২০গী ওগস্তকী ৭তা পাংথোক্কদৌরি, মসিদা কেতগোরি খায়না খনগৎলবা ‘আত্মানির্ভর ভারত এপ ইন্নোভেসন চলেঞ্জ’গী মকোক থংবা ফাইনেলীস্তশিংনা মখোয়গী এপশিং উৎকদৌরি। অচৌবা হেক্কাথোন অসি মাইগোব ইন্দিয়া অমসুং দিজিতেল ইন্দিয়াগী সোসিএল মেদিয়া প্লেতফোর্মদা ১২ পি.এম.দগী ৫ পি.এম.ফাওবা লেপ্পা লৈতনা লাইফ পীগদৌরি।

 ‘আত্মানির্ভর ভারত এপ ইন্নোভেসন চলেঞ্জ’ অসি প্রধান মন্ত্রী শ্রী নরেন্দ্র মোদীনা ২০২০গী জুলাইগী ৪দা লৈবাক অসিগী তেক্ত ইন্ত্রেপ্রেন্যুর অমসুং স্তার্ত-অপস ৬,৯৪০না শরুক য়াদুনা হৌদোকখিবনি। অচৌবা অহেনবা তান্নবা অসিদা কেতগোরি মখল ৯ য়াওরি মখোয় অদুদি ব্যুজিনেস, ই-লর্নিং,ইন্তরতেন্মেন্ত, গেমস, হেল্থ, ন্যুজ,ওফিস এন্দ ৱার্ক ফ্রোম হোম, অতৈ অমসুং সোসিএল অসিনি।

ইন্দস্ত্রী, একাদেমিয়া অমসুং সরকারগী অপুনবা হৈথোইরবা জুরী মেম্বরশিংনা য়াম্না কুপ্না এপসশিং অসিগী প্রজেন্তেসনশিং অসিবু ২০২০গী জুলাইগী ৩১দগীনা ওগস্তকী ৪ ফাওবা নুমিৎ ৫নি চুপ্না য়েংলবা মতুংদা খনগৎখি। জুরীশিং অসিনা লৈবাক অসিগী ইনখৎলক্লিবা ইন্তরপ্রেন্যুরশিপ মখোয়না উৎলিবা দোমেইন খুদিংগী অনৌবা থবকশিং অসিদা ফাইনেলীস্তশিং অসি খনবদা অৱাবা মাইয়োক্নখি। 

২০২০গী ওগস্তকী ৭তা ফাইনেলীস্তশিংনা অচৌবা হেক্কাথোন অসিদা মাইগোব ইন্দিয়া অমসুং দিজিতেল ইন্দিয়াগী সোসিএল মেদিয়া প্লেতফোর্মদা লেপ্পা লৈতনা  ১২ পি.এম. -৫ পি.এম. ফাওবা মখোয়গী এপসশিং লাইফ পীগদৌরি।

থেংনরিবা অৱাবা অসিদা এপসশিংগী থোইদোক হেন্দোকপা উবা ফংই মসিদা মখোয় মখোয়গী কেতগোরিদা মকোক থোংবা ওইবগী মথৌনা লৈ। এপস কয়া অমদি নুগী ইন্তরপ্রেন্যুরনা শেমগৎপনি মসিদা মগুন লৈবা অমসুং মাই পাকপা ইন্তরপ্রাইসেস পুথোকপদা ইন্নোভেসন অমসুং তেক্নোলোজিনা কয়া য়াম্না মতেং ওইবগে হায়বদু উৎলি। ‘আত্মানির্ভর ভারত এপ ইন্নোভেসন চলেঞ্জ অসি মেত্রোপোলিতান সিতি খক্তা নত্তনা তৈয়র ২ অমসুং তৈয়র ৩ থংননা লৈরিবা সহরশিংগী তেক-দিবলপরশিংদা অচৌবা খুদোংচাবা অমনি। মসিগী মাইয়োক্নরিবা অৱাবা অসিনা শোকেজ ইন্দিয়াদা মিয়েং থম্লি মদুদি মালেমগী থাক্তা মকোকচিংবা এপ শাগৎপা লৈবাক অমা ওইহনগনি হায়না।   

                                                               *****