হেন্দলু সেক্তর অসি ভারতকী মমিং চৎলবা নাৎকী চৎনবীগী খুদম অমসুং লৈবাক মীয়ামগী মরু ওইবা শেন্থোক লম্বী অমা ওইদুনা লাক্লি। সেক্তর অসিদা হেন্দলুমগী ফিশা-লোনশা  অমসুং মরী লৈনবশিংগী থবক তৌরিবশিং অসি নুপীনা ৭০% ওইবনা নুপীশিংবু মপাঙ্গল হাপ্পগী মরু ওইবা মফম অমা ওইরি।

ওগস্ত ৭, ২০২০দা তাবা ৬শুবা হেন্দলুম নুমিৎকী থৌরমদা কোবিদ-১৯গী লায়চৎ অসি য়েংদুনা মীয়াম পুনবা থিংনবা হায়দুনা তেক্সতাইল মন্ত্রালয়না বর্চুএলগী খুত্থাংদা থৌরম অমা শীল্লি। তেক্সতাইল অমসুং নুপী-অঙাং চাউখৎপগী মন্ত্রী শ্রীমতি স্মৃতি ইরানিনা থৌরম অসিগী অথোয়বা মীথুংলেন অমসুং তেক্সতাইল সেক্রেতরী শ্রী রবি কপুরনা গেস্ত ওফ হোনর ওইগনি। হিমাচল প্রদেশকী মুখ্য মন্ত্রীসু শিমলা, ঐচ.পি.দগী বর্চুএলগী খুত্থাংদা থৌরম অসিদা শরুক য়াগনি।

মসিগী মথক্তা, ভারত পুম্বগী এন.আই.এফ.তি. কেম্পস খুদিংমক; ৱীবর সর্বিস সেন্তর (দবল্যু.এস.সি.); নেস্নেল হেন্দলুম দিবেলপমেন্ত কোর্পোরেসন (এন.ঐচ.দি.সি.); হেন্দলুম এক্সপোর্ত প্রোমোসন কাউন্সিল (ঐচ.ই.পি.সি.)গা লোয়ননা কুল্লু (হিমাচল প্রদেশ)গী ক্রাফৎ হেন্দলুম বিলেজ; মুম্বাইগী তেক্সতাইল কমিতী অমসুং চেন্নইগী ঐচ.ই.পি.সি.না পাঙথোকপা বর্চুএল মেলাসু থৌরম অসিদা পুনগনি। মসিগা লোয়ননা দবল্যু.এস.সি.শিং অমসুং এন.ঐচ.দি.সি.গুম্বা দিবেলপমেন্ত কম্মিস্নর ওফ হেন্দলুমগী লোয়শঙশিং অমসুং নেস্নেল ইন্সতিত্যুৎ ওফ ফেশন তেক্নোলোজী (এন.আই.এফ.তি.)গী কেম্পস ক্যাদসু মসিগা মরী লৈনবা থৌরমশিং পাঙথোক্কনি।

ওগস্ত ৭ অসি ইং ১৯০৫দা হৌদোকখিবা স্বাদেশি ইহৌবু নীংশিংবা ওইনা লৈবাক্কী হেন্দলুমগী নুমিৎ হায়না খনবনি। মসিগী পান্দমদি মীয়ামদা হেন্দলুম ইন্দস্ত্রী অমসুং মসিনা সোসিও-ইকোনোমিক বিবেলপমেন্ততা শরুক য়ারিবা অসিগী মরমদা পাক শন্না খঙহনবনি।

থৌরম অসিবু মশক থোকহনবা অমসুং মীয়ামদা ফিশা-লোনশাগী থবকশিংগী মরমদা চাউথোকচবগী ইথিল ফাওহন্নবা হায়দুনা হেন্দলুমগী খুন্নাইগী ওইবা সোসিএল মীদিয়া কেম্পেন অমা পাঙথোকপগী থৌরাংলি। প্রধান মন্ত্রীনা মীয়াম খুদিংনা ভারতকী হেন্দলুম অমসুং হেন্দিক্রাফৎকী পোত্থোকশিং শিজিন্ননবা অমসুং অতোপ্পদসু মসিগী মরমদা হায়ফম থোকই হায়খি। মালেমনা মসিগী পোত্থোকশিং অসিগী মরমদা খঙবা হেল্লিবমখৈ ঐখোয়গী আর্তিসানশিং অমসুং ফিশা-লোনশা তৌবশিংদা কান্নবা পীবা হেনগদৌরিবনি হায়খি।

তেক্সতাইল মন্ত্রী শ্রীমতি স্মৃতি ইরানিনা কেন্দ্র সরকারগী মন্ত্রীশিং, লেফতেনেন্ত গবর্নরশিং, রাজ্যশিংগী মুখ্য মন্ত্রীশিং, পার্লিয়ামেন্তকী মেম্বরশিং অমসুং মমিং লৈরবা ইন্দস্ত্রীলিএলিস্ত অমসুং মখোয়গী মরুপশিংনা ফিশা-লোনশা তৌরিবা মীওইশিংগী খুন্নাইদা মখোয়গীদমক্তা ঐখোয়না অমত্তা ওইনা লেপ্লি খঙহন্নবা সোসিএল মীদিয়াদা ৱাফম ফোঙদোক্নবা অমসুং অতোপ্পদসু থৌওং অসি পাঙথোক্নবা হাইয়ু হায়না হায়খি।

তেক্সতাইল মন্ত্রালয়না অসিগা মান্নবা মওংদা ভারত সরকারগী সেক্রেতরীশিং অমসুং মখোয়গী থাক মান্নবা ওফিসারশিংদসু মসিগী ৱাফম অসি থমখ্রে। মসিগী মথক্তা রাজ্যগী সেক্রেতরী খুদিংমক, এক্সপোর্ত প্রোমোসন কাউন্সিলশিং, সেন্ত্রেল সিল্ক বোর্দ, নেস্নেল জ্যুত বোর্দকুম্বা সিস্তর তেক্সতাইল বোদীশিংদসু কম্মন হেশ্তেগ অমগী মখাদা সোসিএল মীদিয়া কেম্পেন অসি চাউথোকহন্নবা অমসুং মখোয়গা লোয়নবা মীওইশিং অমসুং থৌমীশিংদা হেন্দলুমগী ফি শিজিন্ননবগী ইথিল পীননবা হায়খ্রে। ই.-কম্মর্স এন্তিতীশিং অমসুং দিজাইনর বোদীশিংসু তাক্সতাইল মন্ত্রালয়গী খোঙথাং অসিদা তেংবাংদুনা হেন্দলুমগী পোত্থোকশিং খুমাং চাউশিলহন্নবা হায়খ্রে।

মমাংদা অমুক্তা থোকখিদ্রিদা কোবিদ-১৯গী লায়চৎ অসিগী য়েংলদুনা মহৌশাগুম্না পাঙথোকপা মেলাগুম্বা পোত্থোক য়োনবগী থৌরম পাঙথোকপা য়াদবা অসিনা মরম ওইদুনা সরকারনা ফি শাবা অমসুং হেন্দলুমগী পোত্থোক পুথোকপা মীওইশিংগী ওইবা ওনলাইন্দা পোৎ য়োন্নবা খুদোংচাবা কয়া পীরি। “আত্মানির্ভর ভারত”পু ওইথোকহনবগী খোঙথাং অমা ওইনা হেন্দলুম এক্সপোর্ত প্রোমোসন কাউন্সিলনা বর্চুএল মেলা অমা পাঙথোক্কনি। মেলা অসিনা লৈবাক অসিগী তোঙান তোঙানবা মফমশিংদগী শরুক য়ারকপা কাংবু ১৫০ হেন্না পুলহন্দুনা মখোয়গী তোপ তোপ্পা মখুৎ মশা অমসুং শেম শাবগী মতৌ কয়াবু মীয়ামদা উবা ফংহনগনি।

ইন্দিয়ন তেক্সতাইল সোর্সিং মেলা অসি ওগস্ত ৭, ১০ অমসুং ১১দা পাঙথোক্কনি। মেলা অসিনা মালেমগী পোৎ লৈবা মীওই কয়াগী পুক্নিং চিংশিল্লে। ফজরবা পতোলাশিং, পাইথানিশিং, ইকৎশিং, কদংগীশিং, মহেশ্বরিশিং, বেঙ্কতাগীরিশিং অমসুং অতোপ্পা জি.আই. তেগ তৌরবা পোত্থোক কয়া অসি মালেমগী পোৎ লৈবা মীওইশিংদা মসিবু শারিবা মীওইশিংদগী হকথেংননা উৎকনি।

তেক্সতাইল মন্ত্রালয়না ওগস্ত ৭, ২০২০দা পাঙথোক্কদৌরিবা থৌরম অসিগী মনুং চনগদবশিংদা কুল্লু জিলাগী লৈঙাক্লোইশিংগা খুৎশম্নদুনা শীল্লিবা কুল্লু ক্রাফৎ হেন্দলুম বিলেজপু মশক তাকপা প্রেজেন্তেসন অমা য়াওগনি। মসিদা য়াওগদবা অতোপ্পা থৌরমশিংদি হেন্দলুম মার্ক স্কিমগী মোবাইল এপ অমসুং বেক-এন্দ ৱেবসাইৎ, মাই হেন্দলুম পোর্তেল লোঞ্চ তৌবা অমসুং চেন্নইগী ঐচ.ই.পি.সি.না শীনবা পোৎ লৈবা মীওইশিংগা হেন্দলুম এক্সপোর্তরশিংগা শম্নহনগদবা বর্চুএল মেলা শঙ্গাবগী থৌরম য়াওগনি।

অহানবা লৈবাক্কী হেন্দলুমগী নুমিৎ অসি ওগস্ত ৭, ২০১৫দা প্রধান মন্ত্রী শ্রী নরেন্দ্র মোদীনা শরুক য়াদুনা চেন্নইদা পাঙথোকখি। নুমিৎ অসিদা ফি শাবগী খুন্নাইবু ইকাই খুম্নবা উৎখি অমসুং লৈবাক অসি সোসিও-ইকোনোমিক্কী ফিভম চাউখৎহন্নবা মখোয়না শরুক য়াখিবশিংবু নৌহৌননা নীংশিংখি।  ঐখোয়গী হেন্দলুমগী চৎনবী ঙাক শেনবা অমসুং ফি শাবা মীওইশিংবু অহেনবা খুদোংচাবা পীদুনা মপাঙ্গল কনখৎহল্লসি হায়নসু য়ানবা পুরকখি। সরকারনা হেন্দলুম সেক্তরবু তুং কোয়না চাউখৎহন্দুনা ঐখোয়গী ফি শাবা মীওইশিংদা শেলগী তেংবাং পীদুনা মথৌনা হাপ্তুনা থবক অসিদা চাউথোকচবা ফাওহন্নবা থবক কয়া পাঙথোক্লি।

****