সাইন্স অমসুং তেক্নোলোজী মন্ত্রালয়

শেদস্মার্ত অমসুং রেদিএন্ত কুলিং তেক্নোলোজীজনা বিলদিংশিংদা ইনর্জী-ইফিসিএন্ত কুলিংগী থৌওং শিজিন্নবা খুমাং চাউশিলহল্লগনি

Posted On: 05 AUG 2020 1:08PM by PIB Imphal

ভারতকী য়ুম শাবগী ইন্দস্ত্রীনা ইনর্জী ইফিসিএন্সীগী মরু ওইবা মশক খঙলে অদুবু মসিবু কন্সত্রক্সন ইন্দস্ত্রীশিংদা থবক ওইনদি পাঙথোকপা হৌদ্রি। স্মার্ত, দাইনামীক ওইবা খুৎলায়শিংনা ভারতকী ক্লাইমেৎ জোন অমসুং লেতিচ্যুদকী মফমদা লৈবা কাশিং ইংহন্দুনা থমগনি অমসুং এয়র কন্দিসন শিজিন্নবদা ইনর্জী য়াম্না শিজিন্নদবা তেক্নোলোজীনা অশাবা মফম্না হেন্না লৈবাক ভারত্তা ইনর্জী ইফিসিএন্সী পুরকপদা খুমাং চাউশিলহল্লগনি।

ইনর্জী অমসুং রিসোর্স ইন্সতিত্যুৎ (তেরি)না ভারত সরকারগী সাইন্স অমসুং তেক্নোলোজী বিভাগকা খুৎশম্নদুনা হেবিতেৎ মোদেল ফোর ইফিসিএন্সী অমসুং কম্ফোর্ত প্রোজেক্তকী মখাদা য়ুম ওইনা লৈনবা অমসুং কারবারগী বিলদিংশিংদা লৈবা থোঙনাউশিংদা মপান্দগী উরুম পীবগী ৱারোয়শিন পীবা অনৌবা থৌওং অমা শেমখ্রে। উরুম পীবগী পথাপ অসি “শেদস্মার্ত” হায়না কৌই অমসুং মসি কা মনুংদা এয়র কন্দিসন অমসুং মৈ শিজিন্নবগী চাং হন্থহন্দুনা নুংঙাইনা ইমুংদা লৈবা য়াহন্নবা অনৌবা অমসুং শেল য়াম্না চংদবা থৌওং অমা ওইনা শেমখিবনি।

অনৌবা য়ুমশিংদা মপান্দগী উরুম পীবগী পথাপ অসি য়াম্না শিজিন্নবা ওইদ্রি মরমদি বিলদিংশিং অসিগী থোঙনাউ অয়াম্বসি গ্লেস তৌবা নত্ত্রগা ফিনা খুমজিনবা ওইগল্লি। মখোয়শিং অসি মতম কুইনা চৎপা অমসুং শেংদোক-শেংজিন তৌবা, খনজিনবা অমসুং আর্কিতেকচরগী হীরমদা ক্লাইএন্তশিংনা পাম্নদবা মওং ওইগল্লি। মসিগা ওন্নবদা শেদস্মার্ত অসিনা নুমিৎকী লৈফমগী মতুং ইন্না মওং মতৌ হোংবা য়াই। খুদম ওইনা হায়রবদা, করিগুম্বা নুমিৎনা নোঙপোক্তা লৈবা মতমদা মাইকৈ অসিদা ওনবা থোঙনাউশিং অসিনা উরুম পীগনি অমসুং নুমিৎনা নোঙচুপ্তা লৈবা মতমদা মান্নবা মওংদা উরুম পীগনি অমসুং মপানগী ফিভমশিংবু মিৎ থকহন্দনা য়েংবদা তেংবাংগনি।

য়ুম ওইনা লৈবা অমসুং কারবারগী বিলদিংশিংগী শেম শাবগী মওং অসি মফম অসিদা লৈগদৌরিবা মীওইশিং অসিগী তোঙান তোঙানবা থবক তৌবগী মতুং ইন্না খেৎনগনি অমসুং শেম শাবগী মওং খুদিং অসি তোপ্পা তোপ্পা মেথোদোলোজীগী খুত্থাংদা কা মনুংদা লৈবদা য়াম্না নুংঙাইহনবতা নত্তনা ইনর্জী ইফিসিএন্সী ফংবগী অফবা মখলগী থৌওং পাঙথোকই। হায়রিবা মওং খুদিং অসিগী থবক তৌবগী মওং অসি সোফৎৱেয়র সাইমুলেসনগী খুত্থাংদা অমসুং তেস্তবেদ শিংদা তসেংনা চাংয়েংদুনা য়েংলবনি।

শেদস্মার্ত অসি মীয়াম্না শিজিন্নবা পুথোক্নবা হোৎনরি অমসুং মসিবু মরু ওইনা য়ুম ওইনা লৈনবা মফমশিংদা মপানগী থোঙনাউগী মনাক্কী অপিকপা থর্মেল জোনশিংদা  থম্বা য়াহন্দুনা এয়র কন্দিসনশিংদগী হেন্না মমল তাথহন্নবসু হোৎনরি। মসিগী তেক্নোলোজী অসিনা বিলদিংগী মনুংদা মৈশা য়াওদবা নুংশা মঙাল হেন্না চংহন্দুনা লৈরিবা মীওইশিংবু নুংঙাইহনবতা নত্তনা মশা-মউ ফনা লৈহনবসু ঙমগনি।

মালেমগী কৈথেলদা লেঙবা য়াবা উরুম পীনবা পথাপ কয়া অমা ফংলি। তৌবতবু শেদস্মার্ত অসি ভারত্তা পুথোকপা ওইবনা মসিগী মমল হোংবা অমসুং ইনর্জী ইফিসিএন্ত ওইবগী মওং চেনবা অসিনা বিলদিং খুদিংদা শিজিন্নদুনা অহেনবা ইনর্জী ইফিসিএন্সী ফংহনবা ঙমগনি।

রেদিএন্ত কুলিং অসিদা কোবিদনা শোকহনবা ঙমদে

অনিশুবা তেক্নোলোজী ওইরিবা, মীয়াম্না হেন্না শিজিন্নবা কনেক্তিব এয়র কন্দিসন তৌবগী থৌওং নত্তবীদা রেদিএন্ত হীৎ ত্রান্সফরগী খুত্থাংদা ইংহল্লিবা রেদিএন্ত কুলিং অসিনা শিজিন্নবা নুংঙাইবা অমসুং থর্মেল কম্ফোর্তকী চাং হেন্না পী। হৌজিক্কী ওইনা রেদিএন্তনা ইংহল্লবা বিলদিংশিংগী ইনর্জী শিজিন্নবা অমসুং নুংঙাইনা লৈবগী চাং ওনবা, ইনর্জী সাইমুলেসন তৌবা অমসুং দিমোন্সত্রেসন হেবিতেৎ শেম্বগী থবকশিং কন্না পায়খৎলি। মসিগী মথক্তা নেস্নেল বিলদিং কোদকী মনুংদা রেদিএন্ত কুলিং অসি মনুং চলহনবগী থবকশিংসু পাঙথোক্লি।

রেদিএন্তনা ইংহল্লবা বিলদিংশিংনা ইনর্জী শিজিন্নবগী চাং (৬০-৭০%) ৱাংনা হন্থহল্লি। ভারত্তা লৈবা থৌওং অসিনা ইংহল্লবা বিলদিংশিং য়েংশিনবগী কাঙলোনশিং অমসুং এদাপ্তিব থর্মেল কম্ফোর্ত স্তেন্দর্দ শেম্বা অসিনা মীয়াম্না তেক্নোলোজী অসি শিজিন্নবদা অরায়বা ওইহল্লগনি।

অয়েকপা ১: রেদিএন্তনা ইংহল্লবা বিলদিংশিংগী কম্ফোর্ত ওদিৎ তৌরিঙৈদা থর্মেল পেরামীতরশিং ওনবা

রেদিএন্তনা ইংহল্লবা বিলদিংশিংদা শিজিন্নরিবা ইনর্জী য়াম্না শিজিন্নদবা য়ানশিন্নবা তেক্নোলোজী অমসুং কন্ত্রোল মেকানিজম অসি ইন্দস্ত্রী পার্তনরশিংদা থবক ওইনা পাঙথোক্তুনা উৎপগী থবক চত্থরি। অসিগুম্বা তেক্নোলোজী অসি অহোংবা মমলদা ফংবা অসিনা মীরমদগী পুশিল্লকপা পোত্থোকশিংদা তাংজবা য়াম্না হন্থহল্লগনি।

কোবিদ-১৯গী লায়চৎ অসিনা মরম ওইদুনা হান্না শিজিন্নরিবা নুংশিৎ উংবগী থৌওংদা য়ুম্ফম ওইবা এয়র কুলিংগী চৎনবি অসি ইমুংদা লৈরিবা মীওইশিংগী হকশেলদা খুদোংথীনিংঙাই ওই হায়বা খঙলে। মসিগী ফিভম অসিদা অশেংবা নুংশিৎ ১০০%গী চাংদা শিজিন্নবা রেদিএন্ত কুলিং অসি মীয়াম্না হেন্না পাম্নবা ওইগনি অমসুং এয়র কন্দিসনিং ইন্দস্ত্রীদসু পাম্নবা হেল্লগনি হায়বগী থাজবা থম্নরি। মরম অসিনা কম্মফোর্ত বেন্দ শেম্বা অমসুং মসিনা ইংহল্লবা বিলদিংশিং শেন্নবগী কাঙলোনশিংনা মরম ওইদুনা বিলদিং শেক্তরশিংনা শেল য়াম্না চংদবা তেক্নোলোজী অসি শিজিন্নহনবদা তেংবাংলগনি। থৌওং অসিগী পেতেন্তিবিলিতী রিপোর্ত শেম্বা হৌখ্রে অমসুং পেতেন্ত অসি শেদস্মার্ত হায়না ফাইল তৌখ্রে।

 [অকুপ্পা মরোলগীদমক্তা- মিন্নি সাস্ত্রী (৯৮৮৬৫৭২১২২,minnim@teri.res.in), বিনি হালবে (৯১৬৮৬৬৯৬৬০,vini.halve@teri.res.in), ক্রিতি সাহু (৯৯১৬৪৫৯১৬৯,kiriti.sahoo@teri.res.in), হারা কুমার বরমা এন. (৮৮৮৪৪০৯৮০৯,hara.varma@teri.res.in)দা পাউ ফাওবা য়াগনি]

*****



(Release ID: 1643502) Visitor Counter : 175