|
PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
01 AUG 2020 6:36PM by PIB Imphal
 
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
· ভারতকী কেস ফেতেলিতী রেৎ অসি অহানবা লোকদাউনগী মতুংদা ২.১৫% ওইদুনা খ্বাইদগী নেম্বা ওইরি।
· অপুনবা নাবা ফরবা মীওইগী মশিং চাউরাক্না লাখ ১১ য়ৌরে; হৌখিবা পুং ২৪দা মীওই ৩৬,৫০০ হেন্না নাবা ফখি।
- কোবিদ-১৯না নারবা মীওইশিংগী মরক্তা রিকোবরী রেৎ অসি ৬৪.৫৩% ওইরি।
- এক্তিব কেস ৫,৬৫,১০৩ অসি হৌজিক নীংথিনা লায়েংদুনা লৈরি।
· সরকারনা ভেন্তিলেতরশিং মপালদা থাদোকপদা অয়াবা পীনবা ৱারেপনখ্রে।
· জুলাইদা গ্রোস জি.এস.তি. রেভেন্যু করোর ৮৭,৪২২ খোমগৎপা ঙমখি
ভারতকী কেস ফেতেলিতী রেৎ (সি.এফ.আর.) অসি অহানবা লোকদাউনগী মতুংদা ২.১৫% ওইদুনা খ্বাইদগী নেম্বা ওইরি; অপুনবা নাবা ফরবা মীওইগী মশিং চাউরাক্না লাখ ১১ য়ৌরে; হৌখিবা পুং ২৪দা মীওই ৩৬,৫০০ হেন্না নাবা ফখি
লৈবাক অসিদা কেস ফেতেলিতী রেৎ অসি ঙসি ২.১৫% ওইখ্রে অমসুং মসিনা অহানবা লোকদাউন হৌখিবদগী খ্বাইদগী নেম্বা ওইরি। জুন ময়ায়দা ওইরম্বা ৩.৩৩%দগী লেপ্তনা হন্থরক্লি। নীংথিনা কন্তেনমেন্ত তৌবগী থৌওং, পাক শন্না তেস্তিং তৌবা অমসুং পাক শনবা স্তেন্দর্দ কেয়রগী থৌওংদা য়ুম্ফম ওইবা মতমগা চান্নবা ক্লিনিকেল মেনেজমেন্ত তৌবগী কাংলোনশিং অসিনা নুংতিগী মীওই ৩০,০০০দগী হেন্না নাবা ফহল্লে। নাবা ফরবা অপুনবা মীওইগী মশিং অসি চাউরাক্না লাখ ১১ য়ৌরে। হৌখিবা পুং ২৪দা অনাবা ৩৬,৫৬৯ দিসচার্জ তৌখ্রবা তুংদা নাবা ফরবা অপুনবা মীওইগী মশিং অসি ১০,৯৪,৩৭৪নি। কোবিদ-১৯না নাবা ফরবা মীওইশিংগী রিকোবরী রেৎ অসি ৬৪.৫৩% ওইরি। অসিগুম্বা নাবা ফবা মশিং হেনগৎপদা লেপ্তবা অসিনা নাবা ফরবা অমসুং কোবিদ-১৯গী এক্তিব কেসকী মশিংগী অহাংবা অসি হৌজিক ৫,২৯,২৭১ ওইরে। এক্তিব কেস (৫,৬৫,১০৩)শিং অসি হৌজিক নীংথিনা লায়েংদুনা লৈরি। ঙসি ফাওবদা অপুনবা ওইনা দেদিকেতেদ কোবিদ হোস্পিতাল ১৪৮৮ কোবিদ হেলথ সেন্তর ৩২৩১ অমসুং কোবিদ কেয়র সেন্তর ১০,৭৫৫না লৈবাক অসিদা কোবিদ-১৯গা লান্থেংনরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642833
দোক্তর হর্শ বর্ধন্না লুচিংদুনা দবল্যু.ঐচ.ওগী একজিক্যুতিব বোর্দ ব্যুরোগী মীফম পাংথোকখ্রে
ৱাল্দ হেল্থ ওর্গনাইজেসন(দবল্যুউ ঐচ ও)গী একজিক্যুতিব বোর্দকী চেয়রমেন ওইনা একজিক্যুতিব বোর্দকী ব্যুরোগী মীফম অমা ভর্চুএল ওইনা হেল্থ অমসুং ফেমিলি ৱেলফিয়ার মিনিস্তর দোক্তর হর্শ বর্ধন্না লুচিংদুনা পাংথোকখ্রে। ব্যুরো অদুদা একজিক্যুতিব বোর্দকী ভাইরস চেয়রশিং অমসুং দবল্যু.ঐচ.ও হেদক্বাতরসকী সেনিয়র ওফিসিএলশিং য়াওরি। কোবিদ-১৯না থোকহল্লিবা মালেমগী অৱাবশিং নিংশিংলদুনা মহাক্না হায়খি থা মরিগী মমাংদা কোবিদ-১৯ অসি মালেমগী লাইচৎ অমনি হায়না দবল্যু.ঐচ.ওনা লাউথোকখি। চাউরাক্না মীওই মিল্লিয়ন ১৭ রোম কোবিদ-১৯না নাহল্লে অমসুং লাইচৎ অসিনা মরম ওইদুনা মীওই লিশিং ৬৬২ হেন্না শিহনখ্রে। মালেমগী শেন-থুমদা য়াম্না চাউনা শোকহল্লে। মহাক্না মখা তানা হায়খি হৌজিক মালেম্না হকশেলগী মরুওইবা অদু খঙলে অমসুং লৌনগনবা অমসুং লৌনগনদবা লায়নাশিংনা থোকহল্লিবা খুদোংচাদবশিং লাকশিন্না লৈবাকশিংগী মরক্তা পুন্না থবক তৌমিন্নবা মরুওই । মালেম অসি অমতা ওইরক্লবা মতম অসিদা, লৈবাকশিংগী মরক্তা ঙমখৈশিং নাখৈ শেংনা লৈতবদগী লায়নাশিং শন্দোরকপা অসি অচৌবা শিংনবা অমা ওইরে। মসিগী মতাংদা মহাক্না হায়খি লৌনগনবা অমসুং লৌনগনদবা লায়নাশিংনা থেংননবা দবল্যু.ঐচ.ওগী মেম্বর লৈবাকশিংগী মরক্তা হান্নদগী হেন্না মতেং পাংনগদবনি। লাইচৎ অসিগী মতুংদা লাকপা অনৌবা শিংনবশিং থেংননবা অনৌবা লম্বীশিং পুথোকপা দরকার ওই।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642622
কেস ফেতেলিতী হন্থরকপগা লোয়ননা কেন্দ্রগী সরকারনা ভেন্তিলেতরশিং মপালদা থাদোকপদা অয়াবা পীনবা ৱারেপনখ্রে
কোবিদ-১৯গী গ্রুপ ওফ মিনিস্তর (জি.ও.এম.)না হকশেল অমসুং য়াইফ য়ুম্বাল মন্ত্রালয়গী ভারত্তা শাজবা ভেন্তিলেতরশিং মপালদা থাদোক্নবগী প্রপোজেল অদু খন্নখ্রে অমসুং অয়াবা পীখ্রে। ৱারেপ অসিগী মতাংদা লমদম অসিদা শাজবা ভেন্তিলেতরশিং মপালদা থদোকপদা মথৌ তাবা থবক লৌখৎনবা দিরেক্তর জেনরেল ওফ ফোরেন ত্রেদ (দি.জি.এফ.তি.)দা পাও পীখ্রে। শীংথানিংঙাই ওইবা ৱারেপ অসি লৌখিবগী মরমদি ভারতনা কোবিদ-১৯গী কেস ফেতেলিতীগী চাং লেপ্তনা হন্থরকপা অসিনা ওইরি, হৌজিক মসি ২.১৫%দা লৈরি, মসিনা তাক্লি মদুদি ভেন্তিলেতরদা লৈবা এক্তিব কেসকী মশিং অসি য়ামদে। জুলাই ৩১, ২০২০ ফাওবদা লৈবাক শিনবা থুবগী ভেন্তিলেতরদা লৈরিবা এক্তিব কেস অসি ০.২২% খক্তনি।
জুলাইদা গ্রোস জি.এস.তি. রেভেন্যু করোর ৮৭,৪২২ খোমগৎপা ঙমখি
২০২০গী জুলাই থা মনুংদা খোমগৎখিবা গ্রোস জি.এস.তি. রিবিন্যু অসি ৮৭,৪২২ করোরনি মসিগী মনুংদা সি.জি.এস.তি. করোর ১৬,১৪৭নি, এস.জি.এস.তি. না ২১,৪১৮ করোরনি, আই.জি.এস.তি. না ৪২,৫৯২ করোরনি অমসুং সেস অসিনা ৭,২৬৫ করোরনি মমাং চহীগী চপ মান্নবা থাগা য়েংনরবদা হন্দক থাগী জি.এস.তি. রিবিন্যু অসি ৮৬%নি। মমাং থাগী রিবিন্যুনা চৎলিবা থা অসিদগী ৱাংবা হেল্লী। অদুম ওইনমক, খঙজিনবদা কান্নরিবসি মমাং থাদা মশিং য়াম্লবা তেক্স থীবাশিংনা মখোয়না ২০২০গী ফেব্রুৱারি, মার্চ অমসুং এপ্রিলদা কোভিদ-১৯গী রিলিফ একাউনদা তেক্স থীখি। মসি অমগসু খঙজিনবা য়াই মদুদি তেক্স থীবাশিংনা করোর ৫গী মথক্তা থীরবদি ২০২০গী সেপ্তেম্বর ফাওবা ফাইলিং ওফ রিতর্নস কোমথোক্কনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642870
ঙসি অহেনবা রাজ্য/য়ু.তি মরি ৱান নেসন ৱান রেসন কার্দ স্কিমদা হাপখ্রে
কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী শ্রী রাম বলাস পস্বন্না ৱান নেসন ৱান রেসন কার্দ প্লানগী থবক থৌরমশিং য়েংশিনখ্রে। অমরোমদা রাজ্য/য়ু.তি. ৪ জম্মু অমসুং কাশমির, মনিপুর, নাগালেন্দ অমসুং উত্তরখান্দগী তেক্নিকেলগী ওইবা মথৌ তবা অদু শেম শাদুনা লৈরিবা অসি খঙবদগী ফুদ অমসুং পব্লিক দিস্ত্রিব্যুসনগী বিভাগনা লৈবাক পুম্বদা শীজিন্নবা য়াবগী খুদোংচাবা লৈরবা রাজ্য/য়ু.তি.২০ অসিদা রাজ্য/য়ু.তি. ৪ অসিসু হাপচিনখ্রে। মসিগা লোয়ননা ৱান নেসন ৱান রেসন কার্দকী মখাদা ওগস্ত ১, ২০২০দগী হোদুনা হৌজিক রাজ্য/য়ু.তি. ২৪ শুখ্রে। ৱান নেসন ৱান রেসন কার্দ অসি আশা লৈবা প্লান অমনি অমসুং মসি দি.ও.এফ.পি.দি.না রাজ্যশিং/য়ু.তি.শিংগা লোয়ননা হৌজিক পায়খৎলিবা সেন্ত্রেল সেক্তর স্কিম ওইরিবা ‘ইন্তিগ্রেতেদ মেনেজমেন্ত ওফ পব্লিক দিস্ত্রিব্যুসন সিস্তেম (আই.এম,-পি.দি.এস)গী মখাদা লৈবাক পুম্বগী ওইনা শীজিন্নবা য়ারবা রসন কার্দশিং অসি ইমপ্লিমেন্ত তৌদুনা লৈবাক অসিগী মফম অমা হেক্তদা লৈরবসু নেস্নেল ফুদ সেক্যুরিতী এক্ত, ২০১৩ (নফসা)গী মখাদা লৈরিবা বেনিফিসরী পুম্নমক্তা ফুদ সেক্যুরিতীগী ফংফম থোকপা সর্ভিস ফংহন্নবা হোৎনরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642826
নরেন্দ্র সিংহ তোমারনা হৌজিক ওইরিবা কোরোনা ভাইরস লায়চৎ অসিবু নাথৈদুনা অফবা লৌরোক অমসুং খারিফ মহৈ-মরোং থাবগী থবক চৎথরিবা অসিগীদমক অপেনবা ফোংদোকখ্রে
কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রী শ্রী নরেন্দ্র সিংহ তোমারনা হায় মদুদি লৌউ-শিংউনবগী অমসুং খুঙ্গংগী লমশিংদা খুদোংথিবা অমদগী নান্থোক্তুনা লৈবাক অসিবু চিংখৎনবা থায়নদগী লৈদরক্লবা অঙম্বা লৈজৈ। লায়চৎ অসিবু নাথৈদুনা অফবা লৌরোক অমসুং খারিফ মহৈ-মরোং থাবগী থবক চৎথরিবা অসিগীদমক অপেনবা ফোংদোক্লদুনা, শ্রী তোমারনা হায়খি মদুদি মতুংদসু ভারতকী খুঙ্গংশিং অমসুং লৌমীশিংনা প্রধান মন্ত্রী শ্রী নরেন্দ্র মোদীগী পান্দম ওইরিবা আত্মানির্ভর ভারতপু মংফাওনহনবদা মাংজিল থানা থৌদাং লৌগনি।
পুৱারিনা সাখিনি মদুদি লৈবাক্কী লৌমীশিং অমসুং খুঙ্গংগী শেল-থুমগী ফিভমদা অৱাবা কয়া তারবসু মায় লৈদুনা চেনখিদ্রি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642821
শ্রী নিতিন গদকারীনা খাদিগী মুগাগী মাস্ক য়াওবা খুদোল পোৎ উপু পুথোকখ্রে
হৌজিক্তি অদোম্না অদোমগী ইমুংদা অখন্নবা খাদিগী মুগানা শাবা ফেস মাস্কশিং খুদোলপোৎ ওইনা পীবা য়ারগনি। কেন্দ্রগী এম.এস.এম.ই. মন্ত্রী শ্রী নিতিন গদকারীনা ঙরাং খাদি অমসুং ভিলেজ ইন্দস্ত্রীজ কম্মিসন (কে.ভি.আই.সি.)না পুথোকপা খুদোলপোৎকী উপু অসিবু হৌদোকখি। খুদোলপোৎকী উপু অসিদা খুৎনা শাবা মুগাগী মাস্কশিং তোঙান-তোঙানবা মচু অমসুং ময়েকশিংদা য়াওরি। মাস্কশিং অসি খুৎনা নিংথীনা শেম্বা অমুবা মচুদা সনা মচুনা হকপা ময়েকশিংগী চেগী উপুদা হাপলি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1642829
ফিল্দ ওফিসশিংদগী ফংবা পাউ
- চান্দিগর: য়ু.তি. চান্দিগরগী এদমিনিস্ত্রেতরনা হায় মতম চানা লায়েংনবা কোবিদনা নারবা মীওইশিং ঙন্না খঙদোক্নবা খোঙথাং কয়া লোৎখৎলি। অসিগুম্বা কেসশিং অসি খঙদোক্নবা দিপুতী কম্মিসনরনা ভোল্যুন্তিয়রশিং, রেসিদেন্ত ৱেলফিয়র এসোসিএসনশিংগী মতেং লৌনবা মহাক্না য়াথং পীখ্রে। কোবিদ পুশিল্লকপা য়াবা মপালদগী চংলকপা মীওইশিং কুপ্না য়েংশিন্নবা দিরেক্তর জেনরেল ওফ পুলিসতা মহাক্না য়াথং পীখ্রে।
- পঞ্জাব: কোবিদ-১৯ লায়চৎ মনুং অসিদা মীয়ামগী হকচাং ফনা থম্নবা মিল্কফেদনা ‘বরকা হল্দি দুধ’ কৌবা নুত্রিস্নেল দ্রিঙ্ক অমা পঞ্জাবকী মুখ্য মন্ত্রী কেপ্তেন অমরিন্দর সিংহনা লোঞ্চ তৌখ্রে। কোরোনাভাইরসকী মায়োক্তা লান্থেংনবা ঙম্নবা মখোয়গী হকচাং ফনা থম্নবা অতোপ্পা উপাই অমা ওইদুনা মসি কঞ্জুমরশিংগী মরক্তা য়াম্না পাম্নবা দ্রিঙ্ক অমা ওইরক্কনি হায়না মহাক্না আশা তৌরি।
- মহারাস্ত্র: কোবিদ-১৯ লায়চৎ অসিনা মহারাস্ত্র সরকারদা সহরগী মফমশিংগী ওইবা তোঙানবা স্লম রিহেবিলিতেসন স্কিম অমা লিংখৎহনগদৌরি। লায়চৎ অসি লাকশিনবদা স্লম কস্তরশিং অসিনা সরকারদা অচৌবা শিংনবা অমা ওইরি। চৈরক অসিদা ধারবিনা কোবিদকী লাঞ্জং অসিদা জুলাই ১দা কেস ৫৩১ লৈরম্বদগী এক্তিব কেস অসি জুলাই ৩১দা শুপ্নতগী ৭৭দা হন্থদুনা শীংথানিংঙাই ওইবা থবক পাঙথোকখ্রে। মহারাস্ত্রগী অপুনবা কেস অসি ৪,২২,১১৮নি। ইরাই নুমিৎতা রাজ্য অসিদা এক্তিব কেসকী মশিং অসি লাখ ১.৫০ হেনখ্রে অমদি ১,৫০,৬৬২তা লৈরি।
- গুজরাত: এহেমদবাদতা কোবিদ-১৯ লাকশিনবগী মওং অসিবু ৱর্ল্দ হেল্থ ওর্গনাইজেসন (দবল্যু.ঐচ.ও.)না থাখৎখি অমসুং সহর অসিদা ইমপ্লিমেন্ত তৌরিবা ধানবন্তরি রাথ, ১০৪ ফিবর হেল্পলাইন, সঞ্জিবনি ভেন অসিগুম্বা মখল কয়াগী খোঙথাংশিং কেস স্তদী অমা ওইনা ভারতনা অমসুং অতোপ্পা লৈবাকশিংনা লৌখৎনবা হায়খি হায়না রাজ্য সরকার অসিনা ফোঙদোকখি। অমরোমদা, থাংজ নুমিৎতা রাজ্য অসিদা অনৌবা কোবিদকী কেস ১,১৫৩ রিপোর্ত তৌরকখি।
- রাজাস্থান: অনলোক ৩.০গী গাইদলাইনশিংগা লোয়ননা ইন্তর-স্তেৎ অমসুং রাজ্য মনুংদা মীওইশিং অমসুং পোৎ পুবশিং চত্থোক চৎশিন তৌবদা থম্লম্বা অথিংবশিং অসি লৌথোকখ্রে। নুমিদাংগী কর্ফিয়ুসু লৌথোকখ্রে।
- মধ্য প্রদেশ: রাজ্য সরকারনা লনাই লেবোরেতরীশিংদা কোবিদ-১৯ তেস্ত তৌবদা লৌবা মমল কেপ তৌদুনা লুপা ১,৯৮০ ওইহনখ্রে। মার্চ ১৭গী আই.সি.এম.আর.গী চেরোল অমগী মতুং ইন্না মমাংদা সরকারনা সেম্পল অমদা লুপা ৪,৫০০দা কেপ তৌখি। মতুং তারকপদা মমল অসি হন্থরকখি অমসুং হৌজিক্তি আর.তি.-পি.সি.আর. কিৎশিং লৈবাক অসিদা শাজবা ঙমবগা লোয়ননা লুপা ১,৯৮০দা লেপখ্রে। মমল অসিদা সেম্পল কল্লেকসন, পেকেজিং অমসুং রিপোর্ত তৌবগী মমল য়াওরি।
- গোৱা: ইরাই নুমিৎতা গোৱাদা কোবিদ-১৯গী অনৌবা কেস ২০৯ রিপোর্ত তৌরকপগা লোয়ননা অপুনবা কেসকী মশিং ৫,৯১৩ য়ৌখ্রে মসিদা এক্তিব কেসনা ১,৬৫৭ অমসুং ফগৎখিবা কেসনা ৪,২১১ ওইরি। শীখিবগী মশিংনা ৪৫ শুখ্রে।
- কেরেলা: রাজ্য অসিদা ঙসি কোবিদ-১৯না মরম ওইদুনা শীখিবা মঙা রিপোর্ত তৌরকখি মসিগী মনুংদা অহানবা ওইনা রাজ্য অসিগী পুলিস পর্সনেল অমা য়াওখি –রাজ্য অসিগী কোত্তয়ম মেদিকেল কোলেজতা লায়েংদুনা লাকখিবা স্পেসিএল ব্রাঞ্চকী সব ইন্সপেক্তর অমা। চহি ৫০গী মথক্কী পুলিস ওফিসরশিং অমসুং অতোপ্পা লায়না লৈবা ওফিসর অমত্তা কোবিদকা মরী লৈনবা মথৌ তৌহন্দনবা দি.জি.পি.না য়াথং পীখ্রে। হৌজিক ফাওবদা রাজ্য অসিদা কোবিদ-১৯না শোকহল্লবা পুলিস ওফিসর পুন্না ৮৮ শুখ্রে। চৈরক অসিদা শেংদোকপা অমসুং সেনেতাইজেসনগী শরুক অমা ওইনা তিরুভনন্দপুরমগী পুলিস হেন্দক্বাতরশিং নুমিৎ নিনি লোনখিগনি। কেরেলাদা ঙরাং অপুনবা কেস ১৩১০ রিপোর্ত তৌরকখি, মসিদা ১১৬২না অনাবা মীওইগা শোক্না শম্নরুবদগী লৌনরকখিবনি। মীওই ১০,৪৯৫না হৌজিক লায়েং চত্থরি অমসুং রাজ্য অসিগী মীওই লাখ ১.৪৩না ওবজর্বেসন্দা থম্লি।
- তামিল নাদু: কোরোনাভাইরসনা মরম ওইরগা পুদুচেরীদা শীখিবগী মশিং ৫১ শুখ্রে লোয়ননা থাংজ নুমিৎতা অনি শীখি অমদি অনৌবা কেস ১৩৯ রিপোর্ত তৌরকখি; য়ু.তি. অসিগী অপুনবা মশিং ৩,৫৯৩ য়ৌখ্রে লোয়ননা এক্তিব কেস ১,৩৫৭ লৈরি। তি.এন.দা জুলাই ২৯ ফাওবদা কোবিদতগী শীখিবা অসিদা ৮০%দি কো-মোরবিদিতীশিংনা ওইখি; দাইবেতিস অমসুং হাইপরতেন্সননা শীহনখিবনা ৩৩.৩৬% ওইখি। ইরাই নুমিৎতা তামিল নাদুদা কোবিদ-১৯গী অনৌবা কেস ৫,৮৮১ রেকোর্দ তৌখিবগা লোয়ননা অপুনবা মশিং ২,৪৫,৮৪৯ শুখ্রে মসিদা এক্তিব কেস ৫৭,৯৬৮ ওইরি। ঙরাংগী নুমিৎতা ৯৭ শীখিবগা লোয়ননা কোবিদনা শীহনখিবগী মশিং ৩৯৩৫ শুখ্রে।
- কর্নতক: বি.বি.এম.পি.না দিজাস্তর মেনেজমেন্ত এক্তকী মখাদা হোস্পিতাল মরিগী মায়োক্তা ফমুং ৫০% পীদবগীদমক কেস থাংগৎখ্রে। কর্নতককী লৌউ শিংউ মন্ত্রী, লোয়নবী অমসুং মমাক নুপা কোবিদ-১৯ পোজিতিব ওইখ্রে। বেঙ্গলোর সিতীগী কে.আর. মার্কেৎ অসি ওগস্ত ৩১ ফাওবা হাংখিরোই। অনৌবা কেস ৫৪৮৩, দিসচার্জ তৌখিবা ৩১৩০ অমসুং শীখিবা ৮৪ ঙরাং রিপোর্ত তৌরকখি; কেস ২২২০না বেঙ্গলোর সিতীদগী ওইখি। অপুনবা কেস: ১,২৪,১১৫; এক্তিব কেস: ৭২,০০৫; শীখিবা: ২৩১৪; দিসচার্জ তৌখিবা: ৪৯,৭৮৮।
- অন্ধ্র প্রদেশ: কেন্দ্রগী অনলোক ৩.০গী গাইদলাইনশিং ঙাকপা ওইনা ইন্তর-স্তেৎ পেসেঞ্জরশিং চেনবা য়াহনখ্রে।হৌজিক মীয়াম্না অন্ত্র প্রদেশতা চংলকপা মতমদা স্পন্দানাগী ৱেবসাইৎতা রেজিস্তর খক্তা তৌবা মথৌ তাই অমসুং মখোয়গী মোবাইল অমসুং ইমেলদা ই-পাস অদু ওতো জেনরেৎ তৌরক্কনি। হান্নগী মন্ত্রী অমসুং বি.জে.পি.গী লুচিংবা পাইদিকোন্দলা মনিকয়লা রাও ঙসি বিজেৱাদাদা কোবিদনা মরম ওইদুনা লৈখিদ্রে। হৌখিবা চয়োল খরা অসিদা মহাক লায়েং চত্থদুনা লাকখিবনি। গুন্তুরগী মঙ্গলাগিরি তাউনগী মমিং লৈরবা শ্রী লাক্সমিনরসিমহা স্বামী তেম্পল অসি লায়শঙ অসিগী স্তাফ কোবিদ-১৯ নারকপদগী ঙসিদগী হৌদুনা নুমিৎ তরুকনি ভাক্তাশিংনা দর্শন তৌবা লেপহনখ্রে। অনৌবা কেস ১০,৩৭৬, দিসচার্জ তৌখিবা ৩৮২২ অমসুং শীখিবা ৬৮ ঙরাং রিপোর্ত তৌরকখি। অপুনবা কেস: ১,৪০,৯৩৩; এক্তিব কেস: ৭৫,৭২০; শীখিবা: ১৩৪৯।
- তেলঙ্গনা: রাজ্য সরকারগী দেতাগী মতুং ইন্না, তেলঙ্গনাগী ওইনা কোবিদ-১৯দগী শীখিবা মীওইশিং অসি কো-মোরবিদিতীশিং লৈতবনা তঙখায়গী ময়া ওইখি। ওগস্ত ৫দা পাঙথোক্কদৌরিবা কেবিনেৎকী মীফম অসিদা এজুকেসনগী সেক্তরদা কোরোনাভাইরসকী মায়োক্তা লৌখৎপা খোঙথাং ইমপ্লিমেন্ত তৌনবা খন্নরবা য়াই। অনৌবা কেস ১২০৮৩, ফগৎখিবা ১১১৪ অমসুং শীখিবা ১১ হৌখিবা পুং ২৪ অসিদা রিপোর্ত তৌরকখি; কেস ২০৮৩গী মনুংদা জি.ঐচ.এম.সি.দগী কেস ৫৭৮ রিপোর্ত তৌরকখি। অপুনবা কেস: ৬৪,৭৮৬; এক্তিব কেস: ১৭,৭৫৪; শীখিবা: ৫৩০; দিসচার্জ তৌখিবা: ৪৬,৫০২।
- অরুনাচল প্রদেশ: অরুনাচল প্রদেশতা অনৌবা কোবিদ-১৯ কেস ১০৭ রিপোর্ত তৌরকখি। মখোয়গী মরক্তা কেস ৩৮না চঙ্গংদগী অমসুং ২২না ইতানগর কেপিতেল রিজন (আই.সি.আর.)দগী ওইখি।রাজ্য অসিগী অপুনবা এক্তিব কেস ৬৭০নি। হৌজিক ফাওবদা রাজ্য অসিদা কেস ১,৫৯১ রেকোর্দ তৌখ্রে লোয়ননা দিসচর্জ তৌখিবনা ৯১৮নি লোয়ননা অহুম শীখ্রে। রাজ্য অসিদা তেস্ত তৌখিবা মীগী অপুনবা মশিং ৮১,৮৬৫নি।
- অসাম: গুহাতিদা নোংমদা ওবিদ-১৯ঈ তেস্ত তৌবগী মশিং অসি জুলাই ১গী ২১১২দগী জুলাই ৩১দা ৬২৪০দা হেনগৎখ্রে। জুলাই ৪দা শহর অসিদা অপুনবা এক্তিব কেস অসি ৭৭৭ অমসুং জুলাই ৩১দা ২৮১ ওইখি।
- মনিপুর: মনিপুরদা ৬শুবা কোবিদ-১৯গা মরী লৈননা শীখিবগী রেকোর্ত তৌখ্রে। অনাবা অদু দাইবেতিস অমসুং হেপাতাইতিসকা লোয়ননা এমিৎ তৌখিবনি।
- মিজোরাম: মিজোরামদা অসাম রাইফলগী সর্চিপ বাতালিয়ন্না মীওই ৪২ শরুক য়াখিবা “এৱেয়র্নেস প্রোগ্রাম ওন কোবিদ-১৯’’ জোশৈ খুঙ্গংদা শিনখ্রে। প্রোগ্রাম অসিনা সোসিএল দিস্তেন্সিং ঙাক্না থম্বা অমসুং তোয়না খুৎ হাম্বদা এৱেয়র্নেস পীখি।
- নাগালেন্দ: নাগালেন্দদা সেম্পল ৫৫২ তেস্ত তৌবগী মনুংদা অনৌবা কোবিদ পোজিতিব কেস ১৩০ কনফর্ম তৌখ্রে। মখোয়গী মনুংদা ১৩০ কেসনা দিমাপুরদগীনি অমসুং ২১না কোহিমাদগীনি। হৌজিক অপুনবা পোজিতিব কেস মশিং ১৮২৩ শুখ্রে।
- সিক্কিম: অনৌবা কোবিদ-১৯ কেস ১১গা লোয়ননা কোবিদ-১৯গী এক্তিব ওইরিবা কেস ঙসি সিক্কিমদা ৪০০ য়ৌখ্রে।
***************
(Release ID: 1643072)
|