অৱাং নোংপোক লমদমগী চাউখৎ-থৌরাং মন্ত্রালয়
অৱাং নোংপোক্কী ইচে-ইচলশিংনা জম্মু অমসুং কাশমির অমদি লদাখদা মথৌ তৌরিবা জৱানশিংদা রাখি পুনবা অদু কেন্দ্রগী মন্ত্রী দা জিতেন্দ্র সিংহনা মীৎয়েং তাখি
Posted On:
02 AUG 2020 5:15PM by PIB Imphal
তাংনা থোকপা থৌদোক্তা মচিল-মনাওগী মরী অমদি অপুনবগী ওইবা ৱখল্লোন উৎপা ওইনা অৱাং-নোংপোক্কী ইচে-ইচলশিংনা জম্মু অমসুং কাশমির অমদি লদাখতা মথৌ তৌরিবা বত্তলিয়ন নত্রগা কম্পনীশিংগী আর্ম অমসুং পেরামিলিতরী ফোর্সশিংগী জৱানশিংদা রাখি পুনখ্রে।
কেন্দ্রগী মিনিস্তর ওফ স্তেৎ (ইন্দিপেন্দেন্ত চার্জ) দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রিবান্সেস, পেন্সন্স, এতোমিক ইনর্জী এন্দ স্পেস, দা. জিতেন্দ্র সিংহগী তোপ তোপ্পা খোঙথাং অমা ওইনা হয়েং নুমিদাং পাঙথোক্কদবা রক্স বন্ধনগী কুম্মৈ অসিগী মাংঙোইন্না শিনবা থৌরম অমদা, তোঙান তোঙানবা নাৎশিং, রাজ্যশিং অমসুং ভারত মীয়ামগী মরক্তা য়েলহৌঙৈদগী লৈরক্লবা তৎনবা য়াদ্রবা মরী অদু অমত্তা ওইনা পুনশিন্নবা ভারতকী অৱাং-নোংপোক রাজ্য নিপাল অরুনাচল প্রদেশ, অসাম, মনিপুর, মিজোরাম, মেঘলয়া, নাগালেন্দ, ত্রিপুরা অমসুং সিক্কিমগী সেল্ফ-হেল্প গ্রুপশিং (এস.ঐচ.জি.শিং)না জম্মু অমসুং কাশমির অমদি লদাখতা মথৌ তৌরিবা আর্মী অমসুং পেরামিলিতরী পর্সনেলশিংদা রাখিশিং, মচু অহুমগী বেন্দশিং অমসুং ফেসমাস্কশিং থাখি।
![https://static.pib.gov.in/WriteReadData/userfiles/image/image0013WBO.jpg](https://static.pib.gov.in/WriteReadData/userfiles/image/image0013WBO.jpg)
থৌরম অসিদা ৱা ঙাংলদুনা দা জিতেন্দ্র সিংহনা হায়, জম্মু অমসুং কাশমির অসি ঐহাক্কী পারলিয়ামেন্তরী কোন্সতিত্যুএন্সিনি অমসুং অৱাং নোংপোকনা ঐহাক্কী ওফিসিএল কোন্সতিত্যুএন্সি ওইরি। দোনর মন্ত্রালয়গী মন্ত্রী অমা ওইনা মহাক্না হায়, অৱাং-নোংপোক লমদমশিং অসিগী মঙোন্দা শীন্নরিবা থৌদাংশিংগী শরুক অমা ওইনা মহাক্না মসিবু ভারতকী তোঙান তোঙানবা লমদম অনি অসি পুনশিন্নবা তাংনা ফংবা তাঞ্জা অমনি হায়না লৌরি।
জম্মু অমসুং কাশমির নত্রগা লদাখতা মথৌ তৌরিবা লান্মী অমদা অৱাং নোংপোক্তগী রাখি অমা পীরকপা অসিদা দা. জিতেন্দ্র সিংহনা হায়, মসিনা লৈবাক অসিগী মফম কয়াদা লৈরিবা মচে-মচশিংনা লৈবাক অসি ঙাকশেনবগী থবক তৌদুনা ঙমখৈদা অয়ুক নুমিদাং মখোয়বু ঙাকশেল্লিবা মপুং-মৌপা কয়াগীদমক তেক্তা কায়দবা ওইহনবীয়ু হায়না ইশ্বরদা থৌনিজরি হায়বগী পাওজেল অমা পীরি।
ঐখোয়না ঐখোয়গী কুম্মৈশিং অসি ঐখোয়না পাঙথোক্নিংবা মওংদা পাঙথোকবা ফংলিবা অসিগী মরমদি ঙাকশেলগী থবক তৌরিবা ঐখোয়গী ইচিল—নাওশিংনা ঐখোয়গীদমক অহিং নুংথিল খাক্তনা মথৌ তৌরি, হায়না মহাক্না মখা তাখি।
![https://static.pib.gov.in/WriteReadData/userfiles/image/image002CAMV.jpg](https://static.pib.gov.in/WriteReadData/userfiles/image/image002CAMV.jpg)
অৱাং নোংপোক্কী নুপীশিংগী তেলেন্ত অমদি কত্থোকপা অসিবু থাগৎলদুনা দা জিতেন্দ্র সিংহনা হায় লমদম অসিদা লৈরিবা ৱুমেন সেল্ফ হেল্প গ্রুপশিং অসিনা মার্চ-এপ্রিলদগী হৌনা মাস্ক শারি। রক্স বন্ধনগী মাংঙোইননা মখোয়না লোকদাউনগী অথিংবা কয়া লৈরিবা ফীভম অসিদা জৱানশিংগী মাস্ক শানবা কন্না হোৎনখি হায়না মহাক্না মখা তাখি।
থৌরম অসি দিবেলপমেন্ত ওফ নোর্থ ইস্তর্ন রিজনগী মন্ত্রালয় (এম.দোনর), নোর্থ ইস্তর্ন কাউন্সিল (এন.ই.সি.) অমসুং নোর্থ ইস্তর্ন রিজন কম্ম্যুনিতী রিসোর্স মেনেজমেন্ত প্রোজেক্ত (এন.ই.আর.সি.ও.আর.এম.পি.)গী তেংবাংগা লোয়ননা অৱাং নোংপোক ভারতকী এস.ঐচ.জি.শিংনা পুন্না শিনখিবনি।
দোনরগী সেক্রেতরী দা. ইন্দ্রজীৎ সিংহ, স্পেসিএল সেক্রেতরী শ্রী ইন্দেবর পান্দে, স্পেসিএল দ্যুতীদা লৈরিবা ওফিসর শ্রী প্রশান্ত কুমার ঝাসু থৌরম অসিদা শরুক য়াখি।
*******
(Release ID: 1643067)
Visitor Counter : 209