এয়র মার্শল ভি.আর. চৌধরী এ.ভি.এস.এম. ভি.এম.না ৱেস্তর্স এয়র কম্মান্দ, ইন্দিয়ন এয়র ফোর্স (আই.এ.এফ.)কী এয়র ওফিসর কম্মান্দিং-ইন-চীফ ওইনা ওগস্ত ১, ২০২০দগী পুরগনি। এয়র মার্শল অসিনা এয়র মার্শল বি.সুরেশ পি.ভি.এস.এম. এ.ভি.এস.এম. ভি.এম. এ.দি.সি.গী মহিৎ শিনখিবনি।

এয়র মার্শল ভি.আর. চৌধরী আই.এ.এফ.কী ফাইতর স্ত্রীমদা দিসেম্বর ২৯, ১৯৮২দা ফাইতর পাইলৎ অমা ওইনা চঙলকখিবনি। চহী ৩৮ রোম মশক থোক্না থবক তৌরিঙৈদা এয়র ওফিসর অসিনা তোঙান-তোঙানবা মখলগী ফাইতর অমসুং ত্রেনর এয়রক্রাফশিং আই.এ.এফ.কী ইনভেন্তরীদগী পাইখ্রে। মহাক্না পুং ৩৮০০ হেন্না হৈ শিংনা পাইখ্রে, মসিগী মনুংদা মিগ-২১, মিগ-২৩ এম.এফ., মিগ ২৯ অমসুং সু-৩০ এম.কে.আই. ফাইতর এয়রক্রাফশিং পাইখ্রে।

মহাক্না মশক থোক্না আই.এ.এফ.তা লৈরিঙৈ মতমদা, এয়র ওফিসর অসিনা তোঙান-তোঙানবা মরুওইবা থৌ কয়া পুবীরম্মি। মহাক ফ্রন্তলাইন ফাইতর ক্বাদ্রোন অমগী কম্মান্দিং ওফিসর ওইরম্মি অমসুং ফ্রন্তলাইন ফাইতর বেজ অমা কম্মান্দ তৌখি। এয়র ভাইস মার্শল ওইনা লৈরিঙৈদা, মহাক্না এয়র ঐচ.ক্যু. বায়ু ভাবন্দা  এসিস্তেন্ত চীফ ওব এয়র স্তাফ ওপরেসন্স (এয়র দিফেন্স), এসিস্তেন্ত চীফ ওব এয়র স্তাফ (পার্সনেল ওফিসর) ওইনা মতীক লৈনা পুরম্মি। এয়র মার্শল অমা ওইনা, এয়র ঐচ.ক্যু. বায়ু ভাবন্দা এয়র স্তাফকী দিপুতী চীফ ওইনা থৌ পুরম্মি। মহাক্না হৌজিক পুরিবা ফম অসিগী হেক মমাংদা মহাক ইস্তর্ন এয়র কম্মান্দগী সেনিয়র স্তাফ ওফিসর ওইনা থৌ পুরম্মি। এয়র মার্শল অসি দিফেন্স সর্বিস স্তাফ কোলেজ, ৱেলিংতনগী এলুম্নাই অমনি।

মহাক্না তৌরম্বা মশক থোক্লবা থবকশিং অসিবু শকখঙবীবা ওইনা এয়র মার্শল অসিবু জনুৱারী ২০০৪দা বায়ু সেনা মেদল অমসুং জনুৱারী ২০১৫দা আতি বিশিস্ত সেবা মেদল পীদুনা ইকাই খুম্নবা উৎখ্রে।

**********