ব্রিক্স লৈবাক মঙা (ব্রাজিল, রসিয়া, ইন্দিয়া, চাইনা অমসুং খা-অফ্রিকা)গী ইনবাইরনমেন্ত মন্ত্রীশিংনা তরুকশুবা ব্রিক্স ইনবাইরনমেন্ত মন্ত্রীশিংগী মীফম অমা জুলাই ৩০, ২০২০দা রসিয়াগী প্রসেইদেন্সীগী মখাদা ভিদিও কনফরেন্সিংগী খুত্থাংদা পাংথোকখ্রে।

কেন্দ্রগী ইনবাইরনমেন্ত মন্ত্রী শ্রী প্রকাশ জবারেকরনা ভারতকী মীহুৎ ওইনা কাংলুপ শেম্বা অসিদা ভারতনা য়াম্না থাজবা থম্মি হায়খি। ইনবাইরনমেন্ত মন্ত্রীনা ব্রিক্স লৈবাকশিংগী অনিংবা অপাম্বা খুদিংমক মান্নৈ অমসুং তুং কোয়না চৎপা চাউখৎমিন্নবগী পান্দম ফংগে হায়রবদি ব্রিক্স লৈবাকশিংগী মনুংদা অমগা অমগা তানদুনা চৎপনা ফংগনি হায়খি।

কেন্দ্রগী মন্ত্রীনা ব্রিক্সগী মখাদা খোঙথাং কয়া অমা পাংথোকপগী তঙাই ফদবশিং অমসুং ব্রিক্স এম.ও.য়ু.বু অথুবা মতমদা থবক ওইনা পয়াংথোকপগী মতাংদা পনখি। ব্রিক্স লৈবাকশিংদা অকোয়ববু শেন্নবগী অফবা থবক থৌরম কয়া উৎনবা মতিক চাবা প্লেৎফোর্ম অসি ভারতনা পীবা ঙমগনি হায়খি।

শ্রী জবারেকরনা তুং কোয়বা অর্বান মেনেজমেন্ত তৌবা, ঈশিংদা ফত্ত হাউদি লৈবা থেংনবা, এয়র পোল্ল্যুসন অমসুং তুরেল শেংদোকপনচিংবা হীরম কয়াগা মরী লৈনবা ভারতনা পায়খৎখিবা থৌদাংশিংগী মরমদা পনখি।

ভারতনা ইক্বিতী, অমত্তা ওইবা অদুবু থৌদাংদি খেৎনবা, ফাইনান্স অমসুং তেক্নোলোজীগী খুৎশম্নবনা ক্লাইমেৎ চেঞ্জ থোকপা হন্থহন্নবা মালেমগী পান্দম ফংবা ঙম্বগী মরু ওইবা য়ুম্বী ওইগনি হায়বগী থাজবা লৈ অমসুং ভারতনা পেরিস এগ্রীমেন্ত অমসুং মসিনা অইং-অশাগী মতাংদা চেৎনা লেপ্লিবা অসি ইন্দুনা চৎলি হায়খি।

এয়র পোল্ল্যুসন লাকশিন্নবা ভারতনা হোৎনরিবা কয়াগী মরমদা পল্লদুনা শ্রী জবারেকরনা ইং ২০১৫দা ভারতনা শহর ১০দা এয়র ক্বালিতী ইন্দেক্স য়েংশিনবগী থৌওং পাংথোকখি অমসুং ঙসিদি মহি শহর ১২২দা পাংথোক্লে হায়খি। ইং ২০১৯দা ভারতনা নেস্নেল ক্লীন এয়র প্রোগ্রাম (এন.সি.এ.পি.) লোঞ্চ তৌখি অমসুং মসিগী পান্দমদি ইং ২০১৭দা ওইরিবা এয়র পোল্ল্যুসনগী চাং অসি ইং ২০২৪ ফাওবগী মনুংদা ২০-৩০% হন্থহনবনি হায়বসু মীয়ামদা খঙহনখি।

মীফম অসিগী মনুংদা ২০২০গী মতুংগী বাইওদাইবর্সিতী ফ্রেমৱর্ক্কীদমক্তা ব্রিক্স লৈবাকশিংনা পুন্না থবক তৌমিন্নবগী তঙাই ফদবশিংদসু মিৎয়েং চংনখি। মীফম অসিগী মমাংদা ব্রিক্স ৱর্কিং গ্রুপ মীফম অমা পাংথোকখি।

ভারতনা ইং ২০২১দা ব্রিক্স প্রসিদেন্সীগী থৌদাং লৌগনি। শ্রী জবারেকরনা ব্রিক্স লৈবাকশিংনা ব্রিক্স ইনবাইরন্মেন্ত মীফমশিংদা শরুক য়াবীনবসু হায়খি। মীফম অসিনা ব্রিক্স ইনবাইরনমেন্ত মন্ত্রীশিংগী ৱাফমশিংবু ইনখি। অসিগুম্বা থবক্তা য়ুম্ফম ওইবা অমসুং চাউখৎনিংঙাই ওইবা ৱারোলশিং অসিনা ব্রিক্স লৈবাকশিংনা পুন্না থবক তৌমিন্নদুনা মহৈ ফঙমিন্নবগী মতৌ উৎপা থৌওং অসি লৈবাক পুম্নমক্না তরাম্না ওক্নখি।

অপুনবা ৱারোলগীদমক্তা  মফম অসিদা ক্লিক তৌবীয়ু

***