কঞ্জুমর প্রোতেক্সন এক্ত, ২০১৯ অসি জুলাই ২০, ২০২০দগী চৎনবা হৌখি। এক্ত অসিগী সেক্সন ১০দা পীরিবা অসিগী মতুং ইন্না সেন্ত্রেল কঞ্জুমর প্রোতেক্সন ওথোরিতী(সি.সি.পি.এ.) অসি লিংখৎখিদুনা জুলাই ২৪, ২০২০দগী চৎনবা হৌখি।

সি.সি.পি.এ. অসি থবক পাংথোকহনবগী মওংদা ওইহন্নবা সেন্ত্রেল কঞ্জুমর প্রোতেক্সন ওথোরিতীদা কঞ্জুমর এফেয়র্স বিভাগকী এদিস্নেল সেক্রতরী শ্রীমতী নিধী খরেনা চীফ কম্মিস্নরগী, বিভাগ অসিগী জোইন্ত সেক্রতরী শ্রী অনুপম মিশ্রানা কম্মিস্নর ওইনা, বি.আই.এস.কী দিরেক্তর জেনরেল শ্রী প্রমোদ কে তিৱারীনা দিরেক্তর জেনরেল(ইনভেস্তিগেসন) ওইনা অমসুং নেস্নেল তেন্ত হাউসকী দিরেক্তর জেনরেল শ্রী বীনিত মাথুরনা এদিস্নেল দিরেক্তর জেনরেল (ইনভেস্তিগেসন) ওইনা  থৌ পুদুনা জুলাই ২৯, ২০২০দগী পাৱরশিং পাংথোকপা হৌনবা এক্ত অসিগী মখাদা তৌগদবা মথৌশিং শিন্নখ্রে।

তাল্লক অসিদা সি.সি.পি.এ.না আই.আই.পি.এ.গী থবক পাংথোকপা হৌরগনি। ইন্দিয়ন ইন্সতিত্যুত ওফ পব্লিক এদমিনিস্ত্রেসন(আই.আই.পি.এ.)গী সেন্তর ফোর কঞ্জুমর স্তদিজ অমসুং দি নেস্নেল কঞ্জুমর হেল্পলাইন্দগী মতেং পীনবা স্তাফশিং থৌরাং তৌদুনা বিভাগ অসিনা শেলগী তেংবাং পীরি। 

সেন্ত্রেল কঞ্জুমর প্রোতেক্সন ওথোরিতী(সি.সি.পি.এ.)গী পান্দম অসি থাক অমা ওইনা কঞ্জুমরশিংগী হক শৌগৎনবা, ঙাক-শেন্নবা অমসুং শাফু পীহন্নবনি।  মসিনা কঞ্জুমরশিংগী হকশিং খোঙ্গোইনবশিংবু থিগৎনবা থবকশিং পাংথোকপদা অমসুং শোইনিংঙাই ওইবা পোৎলমশিং অমসুং থবকশিং অমুক হন্না তৌদনবা ওর্দর, অরানবা মওংদা লল্লোন-ইতিক্কী থবকশিং মখা তানা চত্থদুনা পাংথোক্তনবা ওর্দর অমসুং লান্না লমজিংবা এদভর্তিজমেন্তশিং, লান্না লমজিংবা এদভর্তিজমেন্তশিংগী মেনুফেকচর তৌবশিং/ইন্দোর্সরশিং/পব্লিসরশিংগী মথক্তা পেনাল্তী পীবগী ইন্সতিত্যুত কম্প্লেন্তশিং/প্রোজিক্যুসনগী থবক পাংথোকপদা মঙম হাপকনি।  

এক্ত অসিগী প্রোবিজনশিং অসিদা শাফু পীনবা মখাদা পীরিবা চৎন-কাংলোনশিং অসি পীখ্রে অমসুং জুলাই ২০, ২০২০দগী চৎনবা হৌখ্রেঃ

1. দি কঞ্জুমর প্রোতেক্সন(জেনরেল) রুল্স, ২০২০
2. দি কঞ্জুমর প্রোতেক্সন (সেন্ত্রেল কঞ্জুমর প্রোতেক্সন কাউন্সিল) রুল্স, ২০২০
3. দি কঞ্জুমর প্রোতেক্সন (কঞ্জুমর দিসপ্যুত্স রিদ্রেসেল কম্মিসন্স) দিসপ্যুত্স রিদ্রেসেলনা কম্মিসন্স) রুল্স, ২০২০
4. দি কঞ্জুমর প্রোতেক্সন (মেদিএসন) রুল্স, ২০২০।
5. দি কঞ্জুমর প্রোতেক্সন (অধ্যক্ষ অমসুং স্তেত কম্মিসন অমদি দিস্ত্রিক্ত কম্মিসনশিংগী মীহুৎশিংগী থবকশিংগী সেলরী, এলাওৱেন্সশিং অমসুং কন্দিসনশিং) মোদেল রুল্স, ২০২০।
6. দি কঞ্জুমর প্রোতেক্সন ((অধ্যক্ষ অমসুং স্তেত কম্মিসন অমদি দিস্ত্রিক্ত কম্মিসনশিংগী মীহুৎশিংগী এপোইন্তমেন্তকীদমক মহৈগী থাক, রিক্রুইতমেন্তকী মেথদ, এপোইন্তমেন্তকী প্রোসিদ্যুর, ওফিসকী তর্ম, থবক থাদোকপা অমসুং লৌথোকপা) রুল্স, ২০২০।
7. দি কঞ্জুমর প্রোতেক্সন (ই.-কম্মর্স ) রুল্স, ২০২০। [জুলাই ২০, ২০২০দগী চৎনবা হৌবা]।

জুলাই ২০, ২০২০দগী থবক চৎনবা হৌদুনা নেস্নেল কঞ্জুমর দিসপ্যুত্স রিদ্রেসেলনা মখাদা পীরিবা চৎন-কাংলোনশিং অসি থোকখ্রেঃ

1. দি কঞ্জুমর প্রোতেক্সন (কঞ্জুমর  কম্মিসন প্রোসিদ্যুর) রিগুলেসন্স, ২০২০।
2. দি কঞ্জুমর প্রোতেক্সন (এদমিনিস্ত্রেতিব কন্ত্রোল ওভর দি স্তেত কম্মিসন অন্দ দি দিস্ত্রিক্ত কম্মিসন) রিগুলেসন্স, ২০২০।
3. দি কঞ্জুমর প্রোতেক্সন (মেদিএসন) রিগুলেসন্স, ২০২০।

*******