সিবিল এভিএসনগী রাজ্য মন্ত্রী (ইন-চার্জ) হর্দিপ সিংহ পুরিনা হায়খি মদুদি প্রধান মন্ত্রী নরেন্দ্র মোদীনা ২০১৭গী এপ্রিলদা শিম্লাদগী দিল্লী ফাওবা অহানবা উরান ফ্লাইত হৌদোকখ্রবা মতুংদা হৌজিক ফাওবদা এয়রপোর্ত ৪৫ অমসুং হেলিপোর্ত ৩ শম্নদুনা উরান রুত ২৭৪ মথৌ পাংথোক্লি। উরান-আর.সি.এস স্কিমগী মখাদা ঙসি উত্তরাখন্দদা পৱন হন্সকী অহানবা হেলিকোপ্তর সর্বিস হৌদোকপদা হরদিপ সিংহ পুরিনা হায়খি হেলি সর্বিস হৌদোকপা অমসুং অনৌবা লম্বীশিং হাংদোকপা অসিনা রাজ্য অসিগী মীয়াম নকশিন্নরগনি অমসুং লমদম অসিদা তুরিজম ফগৎহল্লগনি।

থবক অসিনা দেহরাদুন, ন্যু তেহরি, শ্রীনগর অমসুং গৌচারগী মরক্তা শম্নরগনি । ন্যু দিল্লীদা পাংথোকপা ভর্চুএল ওইনা লমথাবা থৌরম অদুদা সিবিল এভিএসন মিনিস্ত্রিগী সেক্রেতরি, প্রদিব সিংহ খারোলা, সিবিল এভিএসন মিনিস্ত্রিগী জোইন্ত সেক্রেতরি, শ্রীমতি উসা পাধি, পৱন হন্স লিমিতেৎকী সি.এম.দি সঞ্জিব রাজদান শরুক য়াখি। লম্বী অসি মতম অমতদা রাজ্য অসিদগী উত্তরাখন্দগী চীফ মিনিস্তর ত্রিবেন্দ্র সিংহ রৱাতনা হৌদোকখি।

অনৌবা হেলি সর্বিস অসিনা উত্তরাখন্দগী চীংগী শরুকশিং শম্নরগনি অমসুং চৎথোক-চৎশিনগী মতম মিনিত ২০-২৫ ফাওবদা হন্থরগনি। মসিনা চার ধাম য়াত্রা লাকপা মীওইশিং কান্নবা পীরগনি। লম্বী অসিদা পৱন হন্স লিমিতেৎনা চয়োল অমদা অহুম্লক পাইগনি।  মীয়ামদা ভারা হোংনা ফংহনবা ঙম্নবা উরান স্কিমগী মখাদা ভাইএবিলিতি গেপ ফন্দিং(ভি জি এফ) ওপরেতর অমসুং পেসেঞ্জর অনিমক্তা পীরি। হায়রিবা লম্বীশিং অসিগী ভারত সিত অমদা লুপা ২৯০০ ওইগনি। উরান-২ বিদ্দিং প্রোসেসকী মখাদা মিনিস্ত্রিনা দেহরাদুন-ন্যু তেহরি-শ্রীনগর-গৌচার রুত অসি পৱন হন্স লিমিতেৎতা পীখিবনি।

দেহরাদুনদগী রামনাগর,পান্তনগর, নাইনিতাল,অলমোরা পিথোরাগর শম্নবা অমসুং দেহরাদুনদগী মুসোরি শম্নবা লম্বী অনি অসি অথুবদা পৱন হন্স লিমিতেৎনা থবক হৌরগনি।

হর্দিপ সিংহ পুরিনা চীফ মিনিস্তর ত্রিবেন্দ্র সিংহ রৱাত অমসুং উত্তরাখন্দগী মীয়াম থাগৎখি। মহাক্না হায়খি লম্বী অসি হৌদোকপগা লোয়ননা ঐখোয়না ন্যু তেহরি অমসুং শ্রীনগরদা অহেনবা লম্বী ৬ অমসুং হেলিপোর্ত ২ হাপচিল্লে।

মমাংদা উরানগী রাউন্ত অহুম পায়খৎখ্রে অমসুং হৌজিক ফাওবদা রাজ্য ১৯ অমসুং য়ু.তি. ২দা উরান ফ্লাইতশিংদা পেসেঞ্জর লাখ ৫০ হেন্না চৎথোক-চৎশিন তৌখ্রে। উরানগী মরিশুবা রাউন্ত হৌজিক থবক পায়খৎনবা থৌরাং তৌরি। প্রধান মন্ত্রী নরেন্দ্র মোদীগী মঙলান মঙফাওনবা স্কিম অসিনা ঙমহল্লে অমসুং “সব উরেন,সব জুরেন” গী পান্দম অসি থবক ওইনা পাংথোক্লে।

উত্তরাখন্দগী হেলি সর্বিসগী মতম মখাদা লৈরে:

******