উন্নাত ভারত অভিয়ান-আই.আই.তি দিল্লী অমসুং বিজনানা ভারতি, নই দিল্লী অনিগী মরক্তা মেমোরেন্দম ওফ অন্দরস্তেন্দিং(এম ও য়ু) অমা খুৎয়েক পীনখ্রে। এম.ও.য়ু. অসিনা য়ু.বি.এ.দা সি.এস.আই.আর. খুঙ্গংগী তেক্নোলোজীশিং ফংহনগনি অমসুং ভারতকী খুঙ্গংশিং চাউখৎনবা উন্নাত ভারত অভিয়ান(য়ু.বি.এ.)গী থবকশিংদা মতেং পীন্নবা য়ুম্ফম থোনগনি। মসিনা তুংদা মীয়ামগী অনিংবশিং থুংহন্নবা সি.এস.আই.আর.গী তেক্নোলোজীশিং শীজিন্ননবা লম্বী শেমগনি। উন্নাত ভারত অভিয়ান অসি ভারত সরকারগী হুমেন রিছোর্স দিবলপমেন্ত মিনিস্ত্রিনা পায়খৎপা খুঙ্গংশিংদা অহোংবা পুরক্নবা লৈবাক্কী ওইবা মাংজিল থাবা থৌরম অমনি।

য়ু.বি.এ লৈবাক শীনবা থুংনা পায়খৎনবা মতিক চাবা নেতৱার্ক অমা দরকার ওই। থবক অসিগীদমক মরী লৈনবা মিনিস্ত্রিশিং, দিস্ত্রিক এদমিনিস্ত্রেসন, পঞ্জয়াত রাজ ইন্সতিতুৎশিং, মীয়ামগী লুপশিং অমসুং অতোপ্পা মরী লৈনবশিংগা পুন্না থবক তৌমিন্নবা তঙাইফদে। মসিগী এম.ও.য়ু. অসিনা সি.এস.আই.আর-য়ু.বি.এ,আই.আই.তি. দিল্লী- বিজনানা ভারতি, নই দিল্লীগী মরক্তা পুন্না থবক তৌমিন্নদুনা হায়রিবা পান্দমশিং অসি ফংবা ঙমগনি।

এম.ও.য়ু অদু খুৎয়েক পীনবা মতমদা সি.এস.আই.আরগী দি.জি অমসুং সি.এস.আই.আরগী সেক্রেতরি দোক্তর সেখর মান্দে; সি.এস.আই.আর-নিস্তাদসগী দিরেক্তর প্রোফেসার রঞ্জনা অগরৱাল; উন্নাত ভারত অভিয়ানগী নেসনেল কোওর্দিনেতর প্রোফেসার বিরেন্দ্র কুমার বিজয় অমসুং আই.আই.তি. দিল্লীগী প্রোফেসারশিং শরুক য়াখি।

থৌরম অদুদা দোক্তর সেখর মান্দেনা হায়খি সি.এস.আই.আরনা তোঙান-তোঙানবা মরী লৈনবশিংগা পুন্দুনা তেক্নোলোজী কয়া অমসুং পোৎথোক কয়া পুথোক্তুনা লাক্লি অমসুং হায়রিবা তেক্লোলোজীশিং অসি লৈবাক শীনবা থুংনা মীয়ামদা য়ৌহল্লি অমসুং মসিগী এম.ও.য়ু অসি মসিগী মাইকৈদা চৎনবা মরুওইবা খোঙথাং অমনি।

প্রোফেসার রঞ্জনা অগরৱালনা হায়খি উন্নাত ভারত অভিয়ানগী পান্দমশিং ফংনবা সি.এস.আই.আর, আই.আই.তি. দিল্লী অমসুং বিজনানা ভারতিগী মরক্তা মতেং পাংননবা লম্বী অমা এম.ও.য়ু. অসিনা শেমগনি হায়বগী থাজবা থম্লি।

বিরেন্দ্র কুমার বিজয়না হায়খি ২০১৪দগী হৌনা উন্নাত ভারত অভিয়ান হৌদোকপদগী লৈবাক্কী থাক্তা পায়খৎপা থৌরম অমা ওইদুনা লাক্লে অমসুং অতেনবা মতমগী মনুংদা থৌরম অসিদা ইন্সতিতুৎ কয়া শরুক য়ারে।

********