ভাইস এদমিরেল দিনেশ কে. ত্রিপাথি, এ.ভি.এস.এম., এন.এম.না ইন্দিয়ন নেভেল একাদমীগী কম্মান্দেন্ত ওইনা মায় পাকপা থা ১৩ থৌ-পুরম্বা অদু ঙসি নিংথৌকাবা, জুলাই ২৭, ২০২০দগী ভাইস এদমিরেল এম.এ. হামিফোলি, এ.ভি.এস.এম., এন.এম.দা থৌবু খুৎশিন্নখ্রে। 

ভাইস এদমিরেল দিনেশ কে. ত্রিপাথিনা জুন ১২, ২০১৯দা ইন্দিয়ন নেভেল একাদমীগী কম্মান্দেন্ত ওইনা থৌ পুবা হৌরকখিবনি। মহাক্কী মতমদা একাদমী অসিনা ইনফ্রাস্ত্রকচর অমসুং ত্রেনিং তৌবগী ফেসিলিতীশিংদা মশক থোকপা শেমদোকপা কয়া উখি। ফ্লেগ ওফিসার অসিগী লুচিং মখাদা, ২০১৯গী নবেম্বর ১২দা, আই.এন.এ.দা ইন্দিয়ন নেভী, কোস্ত গার্দ অমসুং অফবা মরী লৈবা মীরম লৈবাক্কী নেভীগী ওইবা লুচিংবা কয়া শেম্বা ঙমদুনা চহি ৫০গী য়িওমেন সর্বিস পীবগীদমক্তা প্রসিদেন্তস কলরগী মনা পীদুনা ইকায় খুম্নখি। ‘পুলিং আউৎ’ থৌরমগী চৎনবিগা লোয়ননা ভাইস এদমিরেল দিনেশ কে. ত্রিপাথিনু ইকাইয় খুম্নবা মওংদা বিদাই পীখি। 

কম্মান্দেন্তকী থৌ পুগদৌরিবা ভাইস এদেমিরেল এম.এ. হাম্পিহোলি অসি খদকবসালাগী নেস্নেল দিফেন্স একাদমী, ৱেলিংতনগী দিফেন্স সর্বিস স্তাফ কোলেজ, হান্নগী করঞ্জাগী কোলেজ ওফ নেভেল ৱারফিয়ার অমসুং ইকায় খুম্ননিংঙাই ওইরবা নই-দিল্লীগী নেস্নেল দিফেন্স কোলেজগী এলুম্নস অমনি। ফ্লেগ ওফিসার অসি এন্তি-সবমেরিন ৱারফিয়ারগী স্পেসিএলিস্ত অমনি অমসুং আই.এন.গী কম্মান্দরসু ওইরম্মি।

মহাক্না নাশক (মিসাইল ভেসেল), মাগর {লেন্দিং শিপ তেঙ্ক (অচৌবা)} অমসুং তলৱার (ফ্রিগেৎ) জহাজশিংদা থবক তৌরম্লে। মহাক্না লৈকংদা কম্মান্দ তৌরম্বা মফমশিং অদুদা ইং ২০০৩-২০০৫দা মোরিসস্তা লৈবা নেস্নেল কোস্ত গার্দকী কম্মান্দেন্ত ওইরম্বা অমসুং ইং ২০০৭-২০০৯দা নেভেল একাদমীগী কম্মান্দেন্ত অমসুং গোৱাগী আই.এন.এস. মান্দোবিগী কম্মান্দিং ওফিসার ওইরম্বশিং য়াওরি। মহাক্না তোঙান তোঙানবা মফম অমসুং রেঙ্কতা ইন্দিয়ন নেভেল একাদমীগী কম্মান্দিং ওফিসার অনিরক ওইবা তাংলবা  মীওই অমা ওইরে।

মহাক্কী মরু ওইবা স্তাফ ওইনা খনখিবশিংগী মনুংদা লোকেল ৱর্কঅপ তিম (নোংচুপ)কী স্তাফ ওফিসার (এ.এস.দবল্যু.), নেভেল ময়ায়লোইশংগী দাইরেক্তোরেৎ ওফ পর্সোন্নেলদা জোইন্ত দাইরেক্তর, ইস্তর্ন নেভেল কম্মান্দগী ফ্লেগ ওফিসার কম্মান্দিং-ইন-চীফকী নেভেল এদবাইজর, মুম্বাইগী নেভেল ৱার কোলেজগী সেনিয়র দাইরেক্তিং স্তাফ অমসুং নেভেল ময়ায়লোইশংগী প্রিন্সিপাল দাইরেক্তর স্তাফ রিক্বাইরমেন্ত ওইরম্বশিং য়াওরি।

ইং ২০১৫গী ফেব্রুৱারিদা রিয়ার এদমিরেলগী ফম কাখিবা মতমদা মহাকপু এসিস্তেন্ত চীফ ওফ পর্সোন্নেল (হ্যুমেন রিসোর্স দিপার্তমেন্ত) ওইনা খনখি অমসুং মসিগী তুংদা ওক্তোবর ২০১৬দগী হৌদুনা ফ্লেগ ওফিসার সী ত্রেনিং ওইনা অমুক খনখি। মসিগী মথংদা মহাক্না জনুৱারি ২০১৮দগী মার্চ ২০১৯ ফাওবদা ৱেস্তর্ন ফ্লীৎকী ফ্লেগ ওফিসার কম্মান্দিং ওইনা থৌ পুদুনা ৱেস্তর্ন ফ্লীৎপু কম্মান্দ তৌখি।

মার্চ ২৭, ২০১৯দা ভাইস এদমিরেলগী ফম কারবা মতুংদা ফ্লেগ ওফিসার অসিনা নেভেল ওপরেসনগী দাইরেক্তর জেনেরেলগী থৌ পুখি অমসুং মসিগী মতুংদা ইঝিমালাগী ইন্দিয়ন নেভেল একাদমীগী নিপালসুবা কম্মান্দেন্ত ওইনা খনখিবনি। মহাক অসি নাও সেনা মেদল (থবক্তা থৱাই চংবা) অমসুং অতি ভিশিস্ত সেবা মেদল ফংলবা মীওইনি।

*******