ত্রাইবেল এফিয়র্স মন্ত্রালয়
আই.আই.এম. শিল্লোংনা শিনবা “ইমর্জেন্ত নোর্থ-ইস্ত ইন্দিয়া: স্ত্রেতেজিক এন্দ দিএলপমেন্ত ইম্পরেতিবস ইন হেন্দিক্রাফস”কী ই-সিম্পোজিয়ম শ্রী অর্জুন মুন্দানা হৌদোকখ্রে
Posted On:
24 JUL 2020 3:46PM by PIB Imphal
ইন্সতিত্যুৎ ওফ মেনেজমেন্ত (আই.আই.এম.)শিল্লোংগী দা. এ.পি.জে. অবদুল কলাম সেন্তর ফোর পোলিসী রিসর্চ এন্দ এনলাইসিসনা শিনবা “ইমর্জেন্ত নোর্থ-ইস্ত ইন্দিয়া: স্ত্রেতেজিক এন্দ দিএলপমেন্ত ইম্পরেতিবস ইন হেন্দিক্রাফস” হায়না মিংথোনবা হেন্দিক্রাফসকী ই-সিম্পোজিয়মদা ত্রাইবেল এফিয়র্সকী কেন্দ্রগী মন্ত্রী শ্রী অর্জুন মুন্দানা ঙসি শঙগাখ্রে।
হৌদোকপগী ৱারোল পীরদুনা শ্রী অর্জুন মুন্দানা হায় ভারতকী য়েংলহৌঙৈগী ওইবা পুন্সি মহিং অসি কলাগী মগুন অমদি খুৎশা হৈবনা পিক থল্লি। অদুবু কৈথেল ফজনা লৈতবনা মরম ওইরগা মালেমগী কৈথেলদা ঐখোয়না মফম কনবা ঙমদ্রি। মহাক্না হৌজিক ভারত্তা খ্বাইদগী য়াম্না মপালদগী পুশিল্লক্লিবা ধুপ অসি খুদম ওইনা পীখি। অৱাং নোংপোক্কী রাজ্যশিংগী ৱাশিং অসি অফবা ক্বালিতীগী ধুপ শাবদা শীজিন্নবা য়াগনি অমসুং মপালদগী পুশিল্লকপগী অৱাবা অসি হন্থহনগনি হায়না মহাক্কী ৱাখল্লোন ফোঙদোকখি। ভগৱান গনেশকী মিতমশিং অসি তোঙান তোঙানবা মওংশিংদা ঐখোয়গী লৈবাক অসিদা মপালদগী পুশিল্লক্লি মসিবু ঐখোয়না হেন্না ফজবা মওংদা শাজবা ঙমগনি হায়না মহাক্না থমখি। মহাক্না হায় নেল কত্তরগুম্বা অপিকপা পোৎ ফাওবা ভারত্তা শাজবা ঙমদে মরমদি ঐখোয়দা অফবা ক্বালিতীগী স্তীল ফংদে অদুবু লৈবাক অসিনদি আইরন ওর মপালদা থাদোক্লি। মহাক্না হায় অৱাং নোংপোক্কী রাজ্যশিং পুম্নমক য়াম্না লাইনা ওর্গনিক ওইবা লৌউ-শিংউগী পোত্থোকশিং পুত্থোক্নবা ওর্গনিক রাক্যশিংদা ওন্থোকপা য়াগনি।
মহাক্না হায়খি ঐখোয়গী খুৎশা হৈবা মীশিংগী ললোন-ইতিক্কী ৱাখল্লোন অসি মখোয়গী স্কিলশিং অদু হেনগৎহন্দুনা ওন্তর্প্রিনোর্শিপনা মহুৎ শিনগদবনি। স্কিলশিং হেনগৎহনবা হায়বা অসি হৌজিক য়াম্না মথৌ তারে। মহাক্না হায় ৱার্কিং প্লান অমা শেমদুনা ঐখোয়গী কৈথেলদা মথৌ তাবা অদু ফংহন্নবা থৌরাং তৌবা তাই মরমদি ৱার্কিং প্লান লৈতবনা পোৎ তাংগা লোয়ননা পোৎকী ক্বালিতীসু হন্থৈ। ঐখোয়না ঐখোয়গী খুৎশা হৈবা মীশিংগী স্কিল হেনগৎহনবদা মীৎয়েং চংবা মথৌ তাই। ঐখোয়গী খুৎশা হৈবা মীশিংগী পোত্থোকশিংনা মালেমগী কৈথেলদা কনবা য়াবা মফম অদু খঙদোকপা তাই। ঐখোয়গী খুৎশা হৈবা মীশিংগী পোত্থোকশিং অসি য়েংবদা ফজবা অমসুং পুক্নিং হুবা ওইগদবনি অমসুং মখোয়গী মমলশিং তাবগা লোয়ননা ক্বালিতীদি ৱাংহনগদবনি হায়না মহাক্না ফোঙদোকখি।
মন্ত্রীনা মপাল লমগী পোত্থোকশিংদা মিপান্তাংবা হন্থহল্লসি হায়খি অমসুং আই.আই.এম.শিংগুম্বা ইন্সতিত্যুসনশিংনা অমসুং তোপ্পনা ঐখোয়গী খুৎশা হৈবা মীশিংগীদমক মালেমগী ওইবা কৈথেলশিং থিবীদুনা হীরম অসিদা মরু ওইবা থৌদাং অমা লৌবা য়াই হায়না মহাক্না ফোঙদোকখি। মখোয়না অপিকপা খুৎশা হৈবা মীশিং অসিগা অচৌবা ইন্দস্ত্রীশিংগা মরী লৈনহন্নবা হোৎনবা য়াই হায়না মহাক্না মখা তাখি…
হেন্দিক্রাফসকী ই-সিম্পোজিয়ম অসি আই.আই.এম. শিল্লোংগী দা. এ.পি.জে. অবদুল কলাম সেন্তর ফোর পোলিসী রিসর্চ এন্দ এনলাইসিসকী ই-সিম্পোজিয়ম সিরিজকী ইনিসিয়েতিবকী শরুক অমনি। ই-সিম্পোজিয়ম সিরিজ অসিনা পোলিসী মেকেরশিং, স্কোলরশিং, লোয়শঙশিং, কোর্পোরেৎশিং অমসুং সিবিল সোসাইতী অসি অৱাং নোংপোক লমদমগী চাওখৎ থৌরাংগী খোঙথাংশিংগী ওইনা খন্ন-ন্নৈনবা পুন্না পুনশিন্নবা প্লেৎফোর্ম অমা ওইনা মথৌ তৌরি।
******
(Release ID: 1640976)
Visitor Counter : 131